ਚੰਡੀਗੜ੍ਹ :- ਅੱਜ ਦਾ ਯੁੱਗ ਬੇਹੱਦ ਤੇਜ਼ ਰਫ਼ਤਾਰ ਨਾਲ ਦੌੜ ਰਿਹਾ ਹੈ। ਲੋਕ ਬਾਹਰੋਂ ਮੁਸਕੁਰਾਉਂਦੇ ਹਨ ਪਰ ਅੰਦਰੋਂ ਚਿੰਤਾ, ਡਰ ਅਤੇ ਫਿਕਰਾਂ ਦਾ ਭਾਰ ਚੁੱਕੇ ਫਿਰਦੇ ਨੇ Anxiety ਤੇ Overthinking ਹੁਣ ਇਕ ਆਮ ਸਮੱਸਿਆ ਨਹੀਂ ਰਹੀ, ਇਹ ਹਰ ਉਮਰ ਦੇ ਲੋਕਾਂ ਨੂੰ ਅੰਦਰੋਂ ਕਮਜ਼ੋਰ ਕਰ ਰਹੀ ਹੈ।
ਸੋਸ਼ਲ ਮੀਡੀਆ ਤੇ ਤੁਲਨਾ ਕਰਨ ਦੀ ਬੀਮਾਰੀ
ਲੋਕ ਦੂਜਿਆਂ ਦੀ ਚਮਕਦਾਰ ਜ਼ਿੰਦਗੀ ਵੇਖ ਕੇ ਆਪਣੀ ਜ਼ਿੰਦਗੀ ਨੂੰ ਨਾਕਾਰਾ ਸਮਝਣ ਲੱਗ ਪਏ ਨੇ। ਦੂਜੇ ਦੀ ਖੁਸ਼ੀ, ਦੌਲਤ, ਰੁਤਬਾ ਜਾਂ ਸੁੱਖ ਵੇਖ ਕੇ ਮਨ ਵਿੱਚ ਤੁਲਨਾ ਹੋਣ ਲੱਗ ਪੈਂਦੀ ਹੈ। ਇਹ ਤੁਲਨਾ ਦਿਮਾਗ ਨੂੰ ਚੁਭਦੀ ਰਹਿੰਦੀ ਹੈ ਅਤੇ ਹੌਲੀ-ਹੌਲੀ ਫਿਕਰਾਂ ਨੂੰ ਜਨਮ ਦਿੰਦੀ ਹੈ।
ਅਣਸੁਰੱਖਿਆ ਦੀ ਫੀਲਿੰਗ ਹਰ ਜਗ੍ਹਾ
ਰੋਜ਼ਗਾਰ ਦੀ ਟੈਨਸ਼ਨ, ਪੈਸੇ ਦੀ ਕਮੀ, ਘਰੇਲੂ ਝਗੜੇ, ਰਿਸ਼ਤਿਆਂ ਵਿਚ ਦੂਰੀ, ਇਹ ਸਾਰੇ ਕਾਰਣ ਮਨੁੱਖ ਅੰਦਰੋਂ ਅਸਥਿਰ ਹੋ ਗਿਆ ਹੈ। ਜਦੋਂ ਭਵਿੱਖ ਧੁੰਦਲਾ ਲੱਗੇ, ਤਾਂ ਚਿੰਤਾ ਆਪਣੇ ਆਪ ਦਿਲ-ਦਿਮਾਗ ‘ਤੇ ਹਾਵੀ ਹੋ ਜਾਂਦੀ ਹੈ।
ਲੋਕ ਆਪਣੇ ਮਨ ਦੀਆਂ ਗੱਲਾਂ ਦਬਾਉਣ ਲੱਗ ਪਏ ਨੇ
ਆਜ ਦੇ ਬਿਜ਼ੀ ਸਮੇਂ ਵਿਚ ਆਪਣੇ ਮਨ ਨੂੰ ਸੁਣਨ ਦਾ ਸਮਾਂ ਕਿਸੇ ਕੋਲ ਨਹੀਂ। ਜੋ ਦਿਲ ਵਿੱਚ ਚੁਭਦਾ ਹੈ, ਉਹ ਅੰਦਰ ਹੀ ਦਬਾ ਦਿੱਤਾ ਜਾਂਦਾ ਹੈ। ਇਹ ਦਬੇ ਹੋਏ ਜਜ਼ਬਾਤ ਰਾਤ ਦੇ ਸਮੇਂ ਫਿਕਰਾਂ ਦਾ ਸਮੁੰਦਰ ਬਣ ਜਾਂਦੇ ਨੇ, ਤੇ ਦਿਮਾਗ ਸੋਚ-ਸੋਚ ਕੇ ਥੱਕ ਜਾਂਦਾ ਹੈ।
ਸ਼ਰੀਰ ਨਾ ਹਿੱਲੇ ਤਾਂ ਦਿਮਾਗ ਵੀ ਠਹਿਰ ਜਾਂਦਾ ਹੈ
ਕਸਰਤ, ਤੁਰਨਾ ਤੇ ਸਾਫ-ਸੁਥਰੀ ਖੁਰਾਕ ਦਿਮਾਗ ਨੂੰ ਸੁੱਖ ਦੇਣ ਲਈ ਜ਼ਰੂਰੀ ਹੈ। ਪਰ ਲੋਕਾਂ ਦੀ ਰੁੱਟੀਨ ਵਿਚ ਇਹਨਾਂ ਚੀਜ਼ਾਂ ਦੀ ਕਮੀ ਬਹੁਤ ਵਧ ਗਈ ਹੈ। ਜਦੋਂ ਸ਼ਰੀਰ ਜੜ੍ਹ ਹੋ ਜਾਏ, ਤਾਂ ਦਿਮਾਗ ਦੀ ਤਾਕਤ ਵੀ ਘੱਟ ਹੋਣ ਲੱਗਦੀ ਹੈ, ਜਿਸ ਨਾਲ Anxiety ਤੇ Overthinking ਵਧਦੇ ਨੇ।
ਰਿਸ਼ਤਿਆਂ ਵਿਚ ਭਰੋਸਾ ਤੇ ਸੁਣਨ ਦੀ ਕਮੀ
ਲੋਕ ਬੋਲਣ ਬਹੁਤ ਹਨ, ਪਰ ਸੁਣਨ ਵਾਲੇ ਘੱਟ। ਬਿਨਾ ਸਮਝੇ ਰੋਜ਼-ਰੋਜ਼ ਦੀਆਂ ਤਕਰਾਰਾਂ, ਦਿਲਾਂ ਵਿਚ ਦੂਰੀਆਂ ਅਤੇ ਉੱਪਰੀ ਪੱਧਰ ਦੇ ਰਿਸ਼ਤੇ — ਇਹ ਸਾਰੇ ਦਿਮਾਗ ਨੂੰ ਇਕੱਲਾ ਕਰ ਦਿੰਦੇ ਨੇ। ਤਨਹਾਈ ਚਿੰਤਾ ਦਾ ਸਭ ਤੋਂ ਵੱਡਾ ਕਾਰਣ ਹੈ।
ਜਾਣਕਾਰੀ ਦੀ ਭਰਮਾਰ
ਹਰ ਰੋਜ਼ ਖ਼ਬਰਾਂ, ਵੀਡੀਓ, ਰੀਲਾਂ, ਮਤਾਂ ਤੇ ਅਫਵਾਹਾਂ ਨੇ ਦਿਮਾਗ ਨੂੰ ਥੱਕਾ ਦਿੱਤਾ ਹੈ। ਮਨ ਨੂੰ ਆਰਾਮ ਮਿਲਦਾ ਹੀ ਨਹੀਂ। ਦਿਮਾਗ ਉਹਨਾਂ ਗੱਲਾਂ ਨੂੰ ਵੀ ਘੋਲਣਾ ਸ਼ੁਰੂ ਕਰ ਦਿੰਦਾ ਹੈ, ਜਿਹੜੀਆਂ ਸਾਡੇ ਕੰਮ ਦੀਆਂ ਨਹੀਂ। ਇਸ ਕਾਰਣ ਸੋਚਾਂ ਦਾ ਦਬਾਅ ਵੱਧਦਾ ਜਾਂਦਾ ਹੈ।
ਫੌਰਨ ਸਫਲਤਾ ਚਾਹੁਣ ਦਾ ਦਬਾਅ
ਆਜ ਦਾ ਨੌਜਵਾਨ ਧੀਰਜ ਖੋ ਬੈਠਾ ਹੈ। ਹਰ ਚੀਜ਼ ਤੁਰੰਤ ਚਾਹੀਦੀ ਹੈ, ਕਾਮਯਾਬੀ, ਇੱਜ਼ਤ, ਪੈਸਾ, ਪਿਆਰ, ਸੁੱਖ-ਸਹੂਲਤਾਂ। ਪਰ ਜਦੋਂ ਨਤੀਜੇ ਤੁਰੰਤ ਨਹੀਂ ਮਿਲਦੇ, ਤਾਂ ਦਿਮਾਗ ਵਿੱਚ ਨਿਰਾਸ਼ਾ, ਚਿੰਤਾ ਤੇ ਬੇਚੈਨੀ ਪੈਦਾ ਹੋ ਜਾਂਦੀ ਹੈ।
ਘਰ, ਸਮਾਜ ਤੇ ਆਪਣੇ ਸੁਪਨਿਆਂ ਦਾ ਇਕੱਠਾ ਬੋਝ
ਨੌਜਵਾਨ ਪੀੜ੍ਹੀ ਇੱਕੋ ਵਾਰ ਬਹੁਤ ਸਾਰੇ ਬੋਝ ਚੁੱਕ ਰਹੀ ਹੈ — ਮਾਪਿਆਂ ਦੀਆਂ ਉਮੀਦਾਂ, ਸਸਾਇਟੀ ਦਾ ਦਬਾਅ, ਪੜ੍ਹਾਈ ਦਾ ਟੈਨਸ਼ਨ, ਨੌਕਰੀ ਦੀ ਗਰੰਟੀ ਨਾ ਹੋਣਾ, ਰਿਸ਼ਤਿਆਂ ਦੇ ਝੰਜਟ। ਇਹ ਸਾਰੇ ਬੋਝ ਦਿਮਾਗ ਨੂੰ ਥਕਾ ਦਿੰਦੇ ਨੇ ਤੇ Anxiety ਨੂੰ ਜਨਮ ਦਿੰਦੇ ਨੇ।
