ਕਈ ਇਲਾਕਿਆਂ ਵਿੱਚ ਹਾਲਾਤ ਗੰਭੀਰ
ਪ੍ਰਦੂਸ਼ਣ ਦਾ ਅਸਰ ਦਿੱਲੀ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਦੇਖਣ ਨੂੰ ਮਿਲਿਆ। ਜਹਾਂਗੀਰਪੁਰੀ ਵਿੱਚ ਸਭ ਤੋਂ ਵੱਧ 447 ਏਕਿਊਆਈ ਦਰਜ ਕੀਤਾ ਗਿਆ, ਜਦਕਿ ਉੱਤਰੀ ਕੈਂਪਸ ਵਿੱਚ ਇਹ ਅੰਕੜਾ 445 ਰਿਹਾ। ਇਸ ਤੋਂ ਇਲਾਵਾ ਰੋਹਿਣੀ ਅਤੇ ਵਿਵੇਕ ਵਿਹਾਰ ਵਿੱਚ 442-442, ਬਵਾਨਾ ਅਤੇ ਚਾਂਦਨੀ ਚੌਕ ਵਿੱਚ 434-434 ਅਤੇ ਡੀਟੀਯੂ ਵਿੱਚ 430 ਏਕਿਊਆਈ ਦਰਜ ਕੀਤਾ ਗਿਆ।
ਇਸੇ ਤਰ੍ਹਾਂ ਪਟਪੜਗੰਜ ਵਿੱਚ 421, ਪੰਜਾਬੀ ਬਾਗ ਵਿੱਚ 416, ਅਲੀਪੁਰ ਵਿੱਚ 413, ਆਈਟੀਓ ਵਿੱਚ 407 ਅਤੇ ਮੁੰਡਕਾ ਵਿੱਚ 405 ਏਕਿਊਆਈ ਰਿਹਾ। ਹੋਰਨਾਂ ਇਲਾਕਿਆਂ ਵਿੱਚ ਵੀ ਹਵਾ ਦੀ ਗੁਣਵੱਤਾ ਤਸੱਲੀਬਖ਼ਸ਼ ਨਹੀਂ ਰਹੀ। ਆਨੰਦ ਵਿਹਾਰ ਵਿੱਚ 352, ਬਦਰਪੁਰ ਵਿੱਚ 354, ਆਯਾ ਨਗਰ ਵਿੱਚ 352, ਅਸ਼ੋਕ ਵਿਹਾਰ ਵਿੱਚ 340 ਅਤੇ ਦਵਾਰਕਾ ਸੈਕਟਰ-8 ਵਿੱਚ 393 ਏਕਿਊਆਈ ਦਰਜ ਕੀਤਾ ਗਿਆ।
ਹਵਾਈ ਅੱਡੇ ਸਮੇਤ ਹੋਰਨਾਂ ਇਲਾਕਿਆਂ ਵਿੱਚ ਵੀ ਪ੍ਰਦੂਸ਼ਣ
ਰਾਜਧਾਨੀ ਦੇ ਹੋਰਨਾਂ ਹਿੱਸਿਆਂ ਵਿੱਚ ਵੀ ਪ੍ਰਦੂਸ਼ਣ ਦਾ ਪੱਧਰ ਉੱਚਾ ਰਿਹਾ। ਆਈਜੀਆਈ ਹਵਾਈ ਅੱਡੇ ਦੇ ਟਰਮੀਨਲ-3 ਵਿਖੇ ਏਕਿਊਆਈ 323 ਦਰਜ ਕੀਤਾ ਗਿਆ। ਇਸ ਤੋਂ ਇਲਾਵਾ ਲੋਧੀ ਰੋਡ ਵਿੱਚ 362, ਓਖਲਾ ਫੇਜ਼-2 ਵਿੱਚ 364, ਨਰੇਲੀ ਵਿੱਚ 392 ਅਤੇ ਵਿਵੇਕ ਵਿਹਾਰ ਵਿੱਚ 442 ਏਕਿਊਆਈ ਰਿਕਾਰਡ ਕੀਤਾ ਗਿਆ।
ਗਾਜ਼ੀਆਬਾਦ ਵਿੱਚ ਵੀ ਹਵਾ ਦੀ ਗੁਣਵੱਤਾ ਵਿਗੜੀ
ਦਿੱਲੀ ਦੇ ਨਾਲ ਲੱਗਦੇ ਗਾਜ਼ੀਆਬਾਦ ਵਿੱਚ ਵੀ ਹਵਾ ਪ੍ਰਦੂਸ਼ਣ ਦਾ ਅਸਰ ਸਾਫ਼ ਦਿਖਾਈ ਦਿੱਤਾ। ਸੀਪੀਸੀਬੀ ਦੇ ਅੰਕੜਿਆਂ ਅਨੁਸਾਰ ਲੋਨੀ ਵਿੱਚ ਏਕਿਊਆਈ 390 ਅਤੇ ਵੇਵ ਸਿਟੀ ਵਿੱਚ 378 ਦਰਜ ਕੀਤਾ ਗਿਆ। ਗੋਵਿੰਦਪੁਰਮ ਵਿੱਚ ਇਹ 342, ਇੰਦਰਾਪੁਰਮ ਵਿੱਚ 317 ਅਤੇ ਵਸੁੰਧਰਾ ਵਿੱਚ 300 ਰਿਹਾ। ਸੰਜੇ ਨਗਰ ਵਿੱਚ ਏਕਿਊਆਈ 287 ਦਰਜ ਕੀਤਾ ਗਿਆ।
ਦੀਵਾਲੀ ਦੀ ਰਾਤ ਹੋਈ ਆਤਿਸ਼ਬਾਜ਼ੀ ਤੋਂ ਬਾਅਦ ਦਿੱਲੀ-ਐਨਸੀਆਰ ਵਿੱਚ ਹਵਾ ਦੀ ਗੁਣਵੱਤਾ ਦਾ ਇਸ ਤਰ੍ਹਾਂ ਡਿੱਗਣਾ ਪ੍ਰਦੂਸ਼ਣ ਦੀ ਗੰਭੀਰਤਾ ਨੂੰ ਦਰਸਾਉਂਦਾ ਹੈ।
