21 ਨਵੰਬਰ ਦੀ ਤਾਰੀਖ਼ ਤੇ ਹੋ ਸਕਦੀ ਹੈ ਸਹਿਮਤੀ
ਅੰਤਰਿੰਗ ਕਮੇਟੀ ਦੀ ਅੱਜ ਦੀ ਬੈਠਕ ਦਾ ਮੁੱਖ ਏਜੰਡਾ ਸਾਲਾਨਾ ਜਨਰਲ ਇਜਲਾਸ ਲਈ ਤਾਰੀਖ਼ ਤੈਅ ਕਰਨਾ ਹੈ। 21 ਨਵੰਬਰ ਨੂੰ ਇਜਲਾਸ ਕਰਵਾਉਣ ਦੀ ਸੰਭਾਵਨਾ ਪ੍ਰਗਟਾਈ ਜਾ ਰਹੀ ਹੈ। ਜੇਕਰ ਇਸ ਤਾਰੀਖ਼ ’ਤੇ ਸਹਿਮਤੀ ਬਣ ਜਾਂਦੀ ਹੈ ਤਾਂ ਅਹੁਦੇਦਾਰਾਂ ਦੀ ਚੋਣ ਲਈ ਅਗਲੀ ਪ੍ਰਕਿਰਿਆ ਦਾ ਰਾਹ ਵੀ ਸਪੱਸ਼ਟ ਹੋ ਜਾਵੇਗਾ।
ਜਨਰਲ ਇਜਲਾਸ ’ਚ ਚੁਣੀ ਜਾਵੇਗੀ ਨਵੀਂ ਅਗਵਾਈ
SGPC ਦਾ ਸਾਲਾਨਾ ਜਨਰਲ ਇਜਲਾਸ ਕਮੇਟੀ ਦੇ ਪ੍ਰਬੰਧਕੀ ਢਾਂਚੇ ਲਈ ਅਹਿਮ ਸਥਾਨ ਰੱਖਦਾ ਹੈ। ਇਸ ਦੌਰਾਨ ਸ਼੍ਰੋਮਣੀ ਕਮੇਟੀ ਦੇ ਮੈਂਬਰ ਵੋਟਿੰਗ ਰਾਹੀਂ ਪ੍ਰਧਾਨ, ਸੀਨੀਅਰ ਮੀਤ ਪ੍ਰਧਾਨ, ਜੂਨੀਅਰ ਮੀਤ ਪ੍ਰਧਾਨ ਅਤੇ ਜਨਰਲ ਸਕੱਤਰ ਦੀ ਚੋਣ ਕਰਦੇ ਹਨ। ਇਸ ਤੋਂ ਇਲਾਵਾ ਹੋਰ ਅਹੁਦੇਦਾਰਾਂ ਦੀ ਚੋਣ ਵੀ ਕੀਤੀ ਜਾਂਦੀ ਹੈ।
ਅਗਲੇ ਸਾਲ ਦੀਆਂ ਜ਼ਿੰਮੇਵਾਰੀਆਂ ਦਾ ਹੋਵੇਗਾ ਫ਼ੈਸਲਾ
ਇਨ੍ਹਾਂ ਚੋਣਾਂ ਰਾਹੀਂ ਅਗਲੇ ਸਾਲ ਲਈ ਸ਼੍ਰੋਮਣੀ ਕਮੇਟੀ ਦੀ ਅਗਵਾਈ ਅਤੇ ਪ੍ਰਬੰਧਕੀ ਜ਼ਿੰਮੇਵਾਰੀਆਂ ਤੈਅ ਹੋਣਗੀਆਂ। ਇਸੇ ਕਰਕੇ ਅੱਜ ਹੋਣ ਵਾਲੀ ਅੰਤਰਿੰਗ ਕਮੇਟੀ ਦੀ ਬੈਠਕ ਨੂੰ ਚੋਣ ਪ੍ਰਕਿਰਿਆ ਦੀ ਅਹਿਮ ਸ਼ੁਰੂਆਤ ਵਜੋਂ ਦੇਖਿਆ ਜਾ ਰਿਹਾ ਹੈ। ਹੁਣ ਸਭ ਦੀਆਂ ਨਜ਼ਰਾਂ ਇਸ ਗੱਲ ’ਤੇ ਹਨ ਕਿ ਅੰਤਰਿੰਗ ਕਮੇਟੀ ਜਨਰਲ ਇਜਲਾਸ ਲਈ ਕਿਹੜੀ ਤਾਰੀਖ਼ ਤੇ ਮੋਹਰ ਲਾਉਂਦੀ ਹੈ।
