ਨਵੀਂ ਦਿੱਲੀ :- ਅੱਠਵੀਂ ਦਿੱਲੀ ਵਿਧਾਨ ਸਭਾ ਦਾ ਛੇਵਾਂ ਸੈਸ਼ਨ ਅੱਜ ਸਵੇਰੇ 11 ਵਜੇ ਪੁਰਾਣੇ ਸਕੱਤਰੇਤ ਸਥਿਤ ਵਿਧਾਨ ਸਭਾ ਭਵਨ ਵਿੱਚ ਸ਼ੁਰੂ ਹੋਵੇਗਾ। ਇਸ ਸਬੰਧੀ ਉਪ ਰਾਜਪਾਲ ਦੇ ਹੁਕਮਾਂ ਅਨੁਸਾਰ ਨੋਟੀਫਿਕੇਸ਼ਨ ਜਾਰੀ ਕੀਤਾ ਗਿਆ ਹੈ।
7, 10 ਅਤੇ 11 ਅਗਸਤ ਨੂੰ ਹੋਣਗੀਆਂ ਬੈਠਕਾਂ
ਵਿਧਾਨ ਸਭਾ ਸਪੀਕਰ ਵਿਜੇਂਦਰ ਗੁਪਤਾ ਨੇ ਦੱਸਿਆ ਕਿ ਸੈਸ਼ਨ ਦੀਆਂ ਬੈਠਕਾਂ 7, 10 ਅਤੇ 11 ਅਗਸਤ ਨੂੰ ਹੋਣਗੀਆਂ। ਹਰ ਰੋਜ਼ ਦੀ ਕਾਰਵਾਈ ਤੈਅ ਏਜੰਡਾ ਪੂਰਾ ਹੋਣ ਤੱਕ ਜਾਰੀ ਰਹੇਗੀ। ਲੋੜ ਪੈਣ ‘ਤੇ ਸਦਨ ਦੀ ਕਾਰਵਾਈ ਦਾ ਸਮਾਂ ਵੀ ਵਧਾਇਆ ਜਾ ਸਕਦਾ ਹੈ।
ਸੈਸ਼ਨ ਦੀਆਂ ਤਿਆਰੀਆਂ ਮੁਕੰਮਲ
ਵਿਧਾਨ ਸਭਾ ਸਕੱਤਰੇਤ ਵੱਲੋਂ ਸੈਸ਼ਨ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ ਸਾਰੀਆਂ ਪ੍ਰਬੰਧਕੀ ਤਿਆਰੀਆਂ ਪੂਰੀਆਂ ਕਰ ਲਈਆਂ ਗਈਆਂ ਹਨ, ਤਾਂ ਜੋ ਕਾਰਵਾਈ ਬਿਨਾਂ ਕਿਸੇ ਰੁਕਾਵਟ ਦੇ ਚੱਲ ਸਕੇ।
ਇਸ ਵਾਰ ਨੋਟਿਸ ਡਿਜੀਟਲ ਰੂਪ ਵਿੱਚ ਹੋਣਗੇ ਦਾਖ਼ਲ
ਇਸ ਸੈਸ਼ਨ ਦੀ ਖ਼ਾਸ ਗੱਲ ਇਹ ਰਹੇਗੀ ਕਿ ਮੈਂਬਰਾਂ ਵੱਲੋਂ ਸਾਰੇ ਨੋਟਿਸ NeVA ਪੋਰਟਲ ਰਾਹੀਂ ਡਿਜੀਟਲ ਢੰਗ ਨਾਲ ਜਮ੍ਹਾਂ ਕਰਵਾਏ ਜਾਣਗੇ। ਇਸ ਕਦਮ ਦਾ ਉਦੇਸ਼ ਵਿਧਾਨ ਸਭਾ ਦੀ ਕਾਰਵਾਈ ਨੂੰ ਹੋਰ ਆਧੁਨਿਕ ਅਤੇ ਕਾਗਜ਼-ਰਹਿਤ ਬਣਾਉਣਾ ਹੈ।
