ਅਮਰੀਕਾ :- ਅਮਰੀਕਾ ਦੇ ਕੈਲੀਫੋਰਨੀਆ ਸੂਬੇ ਵਿੱਚ ਸ਼ੁੱਕਰਵਾਰ ਸਵੇਰੇ ਅਮਰੀਕੀ ਮਰੀਨ ਕੋਰ ਦਾ F-35B ਫਾਈਟਰ ਜੈਟ ਹਾਦਸਾਗ੍ਰਸਤ ਹੋ ਗਿਆ। ਇਹ ਹਾਦਸਾ ਸੈਨ ਡਿਏਗੋ ਸਥਿਤ ਮੀਰਾਮਾਰ ਏਅਰ ਬੇਸ ਨੇੜੇ ਵਾਪਰਿਆ, ਜਿਸ ਤੋਂ ਬਾਅਦ ਜਹਾਜ਼ ਨੂੰ ਅੱਗ ਲੱਗ ਗਈ।
ਸਮੇਂ ਸਿਰ ਇਜੈਕਟ ਹੋਇਆ ਪਾਇਲਟ, ਹਸਪਤਾਲ ‘ਚ ਕਰਵਾਇਆ ਦਾਖਲ
ਅਮਰੀਕੀ ਮਰੀਨ ਕੋਰ ਵੱਲੋਂ ਦਿੱਤੀ ਜਾਣਕਾਰੀ ਮੁਤਾਬਕ ਹਾਦਸੇ ਦੌਰਾਨ ਪਾਇਲਟ ਨੇ ਤੁਰੰਤ ਇਜੈਕਟ ਕਰਕੇ ਆਪਣੀ ਜਾਨ ਬਚਾ ਲਈ। ਪਾਇਲਟ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ, ਜਿਸ ਤੋਂ ਬਾਅਦ ਉਸ ਨੂੰ ਇਲਾਜ ਲਈ ਹਸਪਤਾਲ ਭੇਜਿਆ ਗਿਆ।
ਫੌਜ ਨੇ ਦੱਸਿਆ ‘ਕਲਾਸ ਏ ਦੁਰਘਟਨਾ’
ਅਮਰੀਕੀ ਫੌਜ ਨੇ ਇਸ ਘਟਨਾ ਨੂੰ ‘ਕਲਾਸ ਏ ਦੁਰਘਟਨਾ’ ਸ਼੍ਰੇਣੀ ਵਿੱਚ ਰੱਖਿਆ ਹੈ। ਫੌਜੀ ਹਵਾਈ ਹਾਦਸਿਆਂ ਵਿੱਚ ਇਹ ਸਭ ਤੋਂ ਗੰਭੀਰ ਸ਼੍ਰੇਣੀ ਮੰਨੀ ਜਾਂਦੀ ਹੈ, ਜਿਸ ਵਿੱਚ ਵੱਡਾ ਆਰਥਿਕ ਨੁਕਸਾਨ ਜਾਂ ਗੰਭੀਰ ਨਤੀਜੇ ਸ਼ਾਮਲ ਹੁੰਦੇ ਹਨ।
950 ਕਰੋੜ ਰੁਪਏ ਤੋਂ ਵੱਧ ਹੈ F-35B ਦੀ ਕੀਮਤ
ਜਾਣਕਾਰੀ ਅਨੁਸਾਰ F-35B ਇੱਕ ਅਤਿ-ਆਧੁਨਿਕ ਲੜਾਕੂ ਜਹਾਜ਼ ਹੈ, ਜਿਸ ਦੀ ਕੀਮਤ ਲਗਭਗ 109 ਮਿਲੀਅਨ ਅਮਰੀਕੀ ਡਾਲਰ ਦੱਸੀ ਜਾ ਰਹੀ ਹੈ। ਭਾਰਤੀ ਮੁਦਰਾ ਮੁਤਾਬਕ ਇਸ ਦੀ ਕੀਮਤ ਕਰੀਬ 950 ਕਰੋੜ ਰੁਪਏ ਬਣਦੀ ਹੈ।
ਹਾਦਸੇ ਦੇ ਕਾਰਨਾਂ ਦੀ ਕੀਤੀ ਜਾ ਰਹੀ ਜਾਂਚ
ਫਿਲਹਾਲ ਹਾਦਸੇ ਦੇ ਅਸਲ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ ਹੈ। ਅਮਰੀਕੀ ਮਰੀਨ ਕੋਰ ਵੱਲੋਂ ਘਟਨਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ, ਤਾਂ ਜੋ ਇਹ ਪਤਾ ਲਗਾਇਆ ਜਾ ਸਕੇ ਕਿ ਤਕਨੀਕੀ ਖਰਾਬੀ, ਮੌਸਮ ਜਾਂ ਕਿਸੇ ਹੋਰ ਕਾਰਨ ਕਰਕੇ ਇਹ ਹਾਦਸਾ ਵਾਪਰਿਆ।
