ਮੁੰਬਈ: ਸਲਮਾਨ ਖਾਨ ਦੇ ਮਸ਼ਹੂਰ ਰਿਐਲਿਟੀ ਸ਼ੋਅ ‘Bigg Boss 20’ ਦੇ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ ਸਾਹਮਣੇ ਆ ਰਹੀ ਹੈ। ਰਿਪੋਰਟਾਂ ਮੁਤਾਬਕ, ਸ਼ੋਅ ਦੇ ਨਿਰਮਾਤਾ ਮੌਜੂਦਾ ਸੀਜ਼ਨ ਨੂੰ ਦੋ ਤੋਂ ਤਿੰਨ ਹਫ਼ਤਿਆਂ ਤੱਕ ਹੋਰ ਵਧਾਉਣ ਬਾਰੇ ਵਿਚਾਰ ਕਰ ਰਹੇ ਹਨ। ਜੇਕਰ ਇਹ ਫੈਸਲਾ ਲਿਆ ਜਾਂਦਾ ਹੈ ਤਾਂ ਦਰਸ਼ਕਾਂ ਨੂੰ ਕੁਝ ਹੋਰ ਸਮੇਂ ਤੱਕ ਘਰ ਦੇ ਅੰਦਰ ਚੱਲ ਰਹੇ ਡਰਾਮੇ ਅਤੇ ਮੁਕਾਬਲੇ ਦੇਖਣ ਨੂੰ ਮਿਲਣਗੇ।
ਹਾਲਾਂਕਿ, ਸ਼ੋਅ ਦੀ ਐਕਸਟੈਂਸ਼ਨ ਨੂੰ ਲੈ ਕੇ ਅਜੇ ਤੱਕ ਮੇਕਰਜ਼ ਵੱਲੋਂ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਆਉਣ ਵਾਲੇ ‘ਵੀਕੈਂਡ ਕਾ ਵਾਰ’ ਐਪੀਸੋਡ ਦੌਰਾਨ ਇਸ ਸਬੰਧੀ ਕੋਈ ਜਾਣਕਾਰੀ ਦਿੱਤੀ ਜਾ ਸਕਦੀ ਹੈ। ਹੁਣ ਦਰਸ਼ਕਾਂ ਦੀਆਂ ਨਜ਼ਰਾਂ ਸਲਮਾਨ ਖਾਨ ਦੇ ਅਗਲੇ ਐਪੀਸੋਡ ‘ਤੇ ਟਿਕੀਆਂ ਹੋਈਆਂ ਹਨ।
ਦਸੰਬਰ ਤੋਂ ਅੱਗੇ ਜਾ ਸਕਦਾ ਹੈ ਗ੍ਰੈਂਡ ਫਿਨਾਲੇ
‘ਬਿੱਗ ਬੌਸ 20’ ਦੀ ਸ਼ੁਰੂਆਤ 6 ਸਤੰਬਰ 2026 ਨੂੰ ਹੋਈ ਸੀ। ਸ਼ੁਰੂਆਤੀ ਯੋਜਨਾ ਮੁਤਾਬਕ ਇਸ ਸੀਜ਼ਨ ਨੂੰ 15 ਹਫ਼ਤਿਆਂ ਤੱਕ ਚਲਾਇਆ ਜਾਣਾ ਸੀ ਅਤੇ ਇਸ ਦਾ ਗ੍ਰੈਂਡ ਫਿਨਾਲੇ ਦਸੰਬਰ ਦੇ ਅੱਧ ਤੱਕ ਹੋਣ ਦੀ ਸੰਭਾਵਨਾ ਸੀ।
ਪਰ ਜੇਕਰ ਦੋ ਤੋਂ ਤਿੰਨ ਹਫ਼ਤਿਆਂ ਦੀ ਐਕਸਟੈਂਸ਼ਨ ਨੂੰ ਮਨਜ਼ੂਰੀ ਮਿਲ ਜਾਂਦੀ ਹੈ ਤਾਂ ਮੁਕਾਬਲੇਬਾਜ਼ਾਂ ਨੂੰ ਬਿੱਗ ਬੌਸ ਦੇ ਘਰ ਵਿੱਚ ਵਾਧੂ ਸਮਾਂ ਬਿਤਾਉਣਾ ਪਵੇਗਾ। ਇਸ ਨਾਲ ਫਿਨਾਲੇ ਦੀ ਤਰੀਕ ਵੀ ਅੱਗੇ ਵਧ ਸਕਦੀ ਹੈ।
ਇਹ ਮੁਕਾਬਲੇਬਾਜ਼ ਜਿੱਤਣ ਦੀ ਦੌੜ ਵਿੱਚ
ਇਸ ਸੀਜ਼ਨ ਵਿੱਚ Scout OP, Yung DSA, ਅਮਰਪਾਲੀ, ਲਵ ਗਿੱਲ, ਕਨਿਕਾ ਮਾਨ ਅਤੇ ਕਾਜ਼ੀ ਤੌਕੀਰ ਸਮੇਤ ਕਈ ਜਾਣੇ-ਪਛਾਣੇ ਚਿਹਰੇ ਹਿੱਸਾ ਲੈ ਰਹੇ ਹਨ। ਘਰ ਦੇ ਅੰਦਰ ਬਦਲਦੇ ਰਿਸ਼ਤੇ, ਤਕਰਾਰਾਂ, ਦੋਸਤੀਆਂ ਅਤੇ ਨਵੇਂ ਟਾਸਕ ਸ਼ੋਅ ਨੂੰ ਲਗਾਤਾਰ ਚਰਚਾ ਵਿੱਚ ਰੱਖ ਰਹੇ ਹਨ।
ਫਿਲਹਾਲ ਐਕਸਟੈਂਸ਼ਨ ਦੀਆਂ ਖ਼ਬਰਾਂ ਨੇ ਦਰਸ਼ਕਾਂ ਦੀ ਉਤਸੁਕਤਾ ਵਧਾ ਦਿੱਤੀ ਹੈ। ਹੁਣ ਦੇਖਣਾ ਹੋਵੇਗਾ ਕਿ ਆਉਣ ਵਾਲੇ ‘ਵੀਕੈਂਡ ਕਾ ਵਾਰ’ ਵਿੱਚ ਸਲਮਾਨ ਖਾਨ ਇਸ ਬਾਰੇ ਕੋਈ ਵੱਡਾ ਖੁਲਾਸਾ ਕਰਦੇ ਹਨ ਜਾਂ ਨਹੀਂ।