ਸੀਪੀਸੀਬੀ ਦੇ ਅੰਕੜਿਆਂ ਮੁਤਾਬਕ ਰਾਜਧਾਨੀ ਦੇ ਕਈ ਇਲਾਕਿਆਂ ਵਿੱਚ ਪ੍ਰਦੂਸ਼ਣ ਦਾ ਪੱਧਰ 400 ਦੇ ਅੰਕੜੇ ਨੂੰ ਪਾਰ ਕਰ ਚੁੱਕਾ ਹੈ। ਪੰਜਾਬੀ ਬਾਗ ਵਿੱਚ AQI 433 ਦਰਜ ਕੀਤਾ ਗਿਆ, ਜਦਕਿ ਵਿਵੇਕ ਵਿਹਾਰ ਵਿੱਚ ਇਹ 425 ਅਤੇ ਰੋਹਿਣੀ ਵਿੱਚ 418 ਰਿਹਾ। ਇਸੇ ਤਰ੍ਹਾਂ ਮੁੰਡਕਾ ਵਿੱਚ 421, ਬਵਾਨਾ ਅਤੇ ਦਵਾਰਕਾ ਸੈਕਟਰ-8 ਵਿੱਚ 410, ਡੀਟੀਯੂ ਅਤੇ ਨਰੇਲੀ ਵਿੱਚ 409, ਉੱਤਰੀ ਕੈਂਪਸ ਵਿੱਚ 409, ਪਟਪੜਗੰਜ ਵਿੱਚ 401 ਅਤੇ ਓਖਲਾ ਫੇਜ਼-2 ਵਿੱਚ 400 ਦਰਜ ਕੀਤਾ ਗਿਆ।
ਇਸ ਤੋਂ ਇਲਾਵਾ ਅਲੀਪੁਰ ਵਿੱਚ AQI 402, ਅਸ਼ੋਕ ਵਿਹਾਰ ਵਿੱਚ 318, ਆਨੰਦ ਵਿਹਾਰ ਵਿੱਚ 274, ਆਯਾ ਨਗਰ ਵਿੱਚ 382, ਬਦਰਪੁਰ ਵਿੱਚ 315, ਚਾਂਦਨੀ ਚੌਕ ਵਿੱਚ 394, ਪਾਲਮ ਵਿੱਚ 251 ਅਤੇ ਵਿਵੇਕ ਵਿਹਾਰ ਵਿੱਚ 425 ਦਰਜ ਕੀਤਾ ਗਿਆ। ਅੰਕੜੇ ਦਰਸਾਉਂਦੇ ਹਨ ਕਿ ਰਾਜਧਾਨੀ ਦੇ ਵੱਡੇ ਹਿੱਸੇ ਵਿੱਚ ਹਵਾ ਦੀ ਗੁਣਵੱਤਾ ਆਮ ਨਾਲੋਂ ਕਾਫ਼ੀ ਖਰਾਬ ਹੈ।
ਨੋਇਡਾ ਅਤੇ ਗਾਜ਼ੀਆਬਾਦ ਵੀ ਪ੍ਰਦੂਸ਼ਣ ਦੀ ਲਪੇਟ ਵਿੱਚ
ਦਿੱਲੀ ਦੇ ਨਾਲ ਲੱਗਦੇ ਨੋਇਡਾ ਅਤੇ ਗਾਜ਼ੀਆਬਾਦ ਵਿੱਚ ਵੀ ਹਾਲਾਤ ਰਾਹਤ ਦੇਣ ਵਾਲੇ ਨਹੀਂ ਹਨ। ਨੋਇਡਾ ਦੇ ਸੈਕਟਰ-62 ਵਿੱਚ AQI 414 ਦਰਜ ਕੀਤਾ ਗਿਆ, ਜੋ ਗੰਭੀਰ ਸ਼੍ਰੇਣੀ ਵਿੱਚ ਆਉਂਦਾ ਹੈ। ਦੂਜੇ ਪਾਸੇ ਸੈਕਟਰ-116 ਵਿੱਚ 285, ਸੈਕਟਰ-125 ਵਿੱਚ 279, ਸੈਕਟਰ-110 ਵਿੱਚ 257, ਸੈਕਟਰ-1 ਵਿੱਚ 248, ਸੈਕਟਰ-39 ਵਿੱਚ 267 ਅਤੇ ਸੈਕਟਰ-150 ਵਿੱਚ 232 AQI ਦਰਜ ਕੀਤਾ ਗਿਆ।
ਗਾਜ਼ੀਆਬਾਦ ਦੇ ਵੱਖ-ਵੱਖ ਇਲਾਕਿਆਂ ਵਿੱਚ ਵੀ ਹਵਾ ਦੀ ਗੁਣਵੱਤਾ ਖਰਾਬ ਬਣੀ ਹੋਈ ਹੈ। ਇੱਥੇ ਲੋਨੀ ਵਿੱਚ AQI 332, ਸੰਜੇ ਨਗਰ ਵਿੱਚ 294, ਵੇਵ ਸਿਟੀ ਵਿੱਚ 292 ਅਤੇ ਇੰਦਰਾਪੁਰਮ ਵਿੱਚ 287 ਦਰਜ ਕੀਤਾ ਗਿਆ।
ਸ਼ੁੱਕਰਵਾਰ ਨੂੰ 24 ਨਿਗਰਾਨੀ ਕੇਂਦਰਾਂ ’ਤੇ AQI 400 ਤੋਂ ਪਾਰ
ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਨੂੰ ਵੀ ਦਿੱਲੀ ਵਿੱਚ ਪ੍ਰਦੂਸ਼ਣ ਦਾ ਪੱਧਰ ਕਾਫ਼ੀ ਉੱਚਾ ਰਿਹਾ ਸੀ। ਸੀਪੀਸੀਬੀ ਦੇ ਅੰਕੜਿਆਂ ਅਨੁਸਾਰ ਰਾਜਧਾਨੀ ਦੇ 59 ਹਵਾ ਗੁਣਵੱਤਾ ਨਿਗਰਾਨੀ ਕੇਂਦਰਾਂ ਵਿੱਚੋਂ 24 ’ਤੇ AQI ਗੰਭੀਰ ਸ਼੍ਰੇਣੀ ਵਿੱਚ ਦਰਜ ਕੀਤਾ ਗਿਆ, ਜਦਕਿ 30 ਕੇਂਦਰਾਂ ’ਤੇ ਹਵਾ ਦੀ ਗੁਣਵੱਤਾ ਬਹੁਤ ਖਰਾਬ ਰਹੀ।
ਉਸ ਦਿਨ ਪੰਜਾਬੀ ਬਾਗ ਦਿੱਲੀ ਦਾ ਸਭ ਤੋਂ ਵੱਧ ਪ੍ਰਦੂਸ਼ਿਤ ਇਲਾਕਾ ਰਿਹਾ, ਜਿੱਥੇ AQI 453 ਦਰਜ ਕੀਤਾ ਗਿਆ। ਜਹਾਂਗੀਰਪੁਰੀ ਵਿੱਚ ਇਹ 447, ਰੋਹਿਣੀ ਵਿੱਚ 444, ਡੀਟੀਯੂ ਵਿੱਚ 443 ਅਤੇ ਆਰਕੇ ਪੁਰਮ ਵਿੱਚ 441 ਤੱਕ ਪਹੁੰਚ ਗਿਆ ਸੀ।
ਕਈ ਹੋਰ ਇਲਾਕਿਆਂ ਵਿੱਚ ਵੀ ਪ੍ਰਦੂਸ਼ਣ ਦਾ ਪੱਧਰ ਖ਼ਤਰਨਾਕ
ਸ਼ੁੱਕਰਵਾਰ ਦੇ ਅੰਕੜਿਆਂ ਮੁਤਾਬਕ ਮੁੰਡਕਾ ਵਿੱਚ AQI 437, ਉੱਤਰੀ ਕੈਂਪਸ ਵਿੱਚ 430, ਨਜਫਗੜ੍ਹ ਵਿੱਚ 428, ਬਵਾਨਾ ਅਤੇ ਸੋਨੀਆ ਵਿਹਾਰ ਵਿੱਚ 426, ਅਲੀਪੁਰ ਵਿੱਚ 425 ਅਤੇ ਦਵਾਰਕਾ ਸੈਕਟਰ-8 ਵਿੱਚ 424 ਦਰਜ ਕੀਤਾ ਗਿਆ ਸੀ। ਇਸੇ ਤਰ੍ਹਾਂ ਨਰੇਲਾ ਅਤੇ ਸਿਰੀ ਫੋਰਟ ਵਿੱਚ 423, ਓਖਲਾ ਫੇਜ਼-2 ਵਿੱਚ 422 ਅਤੇ ਡਾ. ਕਰਨੀ ਸਿੰਘ ਸ਼ੂਟਿੰਗ ਰੇਂਜ ਵਿੱਚ 419 AQI ਦਰਜ ਕੀਤਾ ਗਿਆ।
ਇਸ ਤੋਂ ਇਲਾਵਾ NSUT ਜਾਫਰਪੁਰ ਵਿੱਚ 416, ਆਈਟੀਓ ਅਤੇ ਜਵਾਹਰ ਲਾਲ ਨਹਿਰੂ ਸਟੇਡੀਅਮ ਵਿੱਚ 412, ਜੇਐੱਨਯੂ ਅਤੇ ਪੂਸਾ ਵਿੱਚ 408, ਬੁਰਾੜੀ ਕਰਾਸਿੰਗ ਵਿੱਚ 406, ਮੰਦਰ ਮਾਰਗ ਵਿੱਚ 405 ਅਤੇ ਚਾਂਦਨੀ ਚੌਕ ਵਿੱਚ 403 AQI ਦਰਜ ਕੀਤਾ ਗਿਆ ਸੀ।
ਬੱਚਿਆਂ ਅਤੇ ਬਜ਼ੁਰਗਾਂ ਲਈ ਵਧ ਸਕਦੀਆਂ ਹਨ ਮੁਸ਼ਕਲਾਂ
ਹਵਾ ਵਿੱਚ ਪ੍ਰਦੂਸ਼ਣ ਦਾ ਵਧਦਾ ਪੱਧਰ ਖਾਸ ਤੌਰ ’ਤੇ ਬੱਚਿਆਂ, ਬਜ਼ੁਰਗਾਂ ਅਤੇ ਸਾਹ ਸਬੰਧੀ ਬਿਮਾਰੀਆਂ ਤੋਂ ਪੀੜਤ ਲੋਕਾਂ ਲਈ ਚਿੰਤਾ ਦਾ ਵਿਸ਼ਾ ਹੈ। ਅਜਿਹੇ ਮਾਹੌਲ ਵਿੱਚ ਬਾਹਰ ਜ਼ਿਆਦਾ ਸਮਾਂ ਬਿਤਾਉਣ ਨਾਲ ਸਿਹਤ ਸਬੰਧੀ ਸਮੱਸਿਆਵਾਂ ਦਾ ਖ਼ਤਰਾ ਵਧ ਸਕਦਾ ਹੈ। ਲੋਕਾਂ ਨੂੰ ਬੇਲੋੜੀਆਂ ਬਾਹਰੀ ਗਤੀਵਿਧੀਆਂ ਤੋਂ ਬਚਣ, ਸਵੇਰ ਅਤੇ ਸ਼ਾਮ ਦੀ ਸੈਰ ਦੌਰਾਨ ਸਾਵਧਾਨੀ ਵਰਤਣ ਅਤੇ ਪ੍ਰਦੂਸ਼ਣ ਤੋਂ ਬਚਾਅ ਲਈ ਜ਼ਰੂਰੀ ਕਦਮ ਚੁੱਕਣ ਦੀ ਲੋੜ ਹੈ।
