ਚੰਡੀਗੜ੍ਹ :- ਸਾਲ 2026 ਦਾ ਦੂਜਾ ਅਤੇ ਆਖਰੀ ਸੂਰਜ ਗ੍ਰਹਿਣ ਅੱਜ ਲੱਗਣ ਜਾ ਰਿਹਾ ਹੈ। ਇਹ ਪੂਰਨ ਸੂਰਜ ਗ੍ਰਹਿਣ ਹੋਵੇਗਾ, ਜਿਸ ਦੌਰਾਨ ਚੰਦਰਮਾ ਕੁਝ ਸਮੇਂ ਲਈ ਸੂਰਜ ਨੂੰ ਪੂਰੀ ਤਰ੍ਹਾਂ ਢੱਕ ਲਵੇਗਾ। ਇਸ ਕਾਰਨ ਗ੍ਰਹਿਣ ਵਾਲੇ ਖੇਤਰਾਂ ਵਿੱਚ ਦਿਨ ਦੇ ਸਮੇਂ ਕੁਝ ਸਮੇਂ ਲਈ ਹਨੇਰੇ ਵਰਗੀ ਸਥਿਤੀ ਬਣੇਗੀ।
ਭਾਰਤ ‘ਚ ਨਹੀਂ ਹੋਵੇਗਾ ਸਿੱਧਾ ਦਿਖਾਈ
ਇਸ ਸੂਰਜ ਗ੍ਰਹਿਣ ਨੂੰ ਲੈ ਕੇ ਭਾਰਤ ਵਿੱਚ ਰਹਿਣ ਵਾਲੇ ਲੋਕਾਂ ਲਈ ਖਾਸ ਗੱਲ ਇਹ ਹੈ ਕਿ ਇਹ ਗ੍ਰਹਿਣ ਇੱਥੋਂ ਸਿੱਧੇ ਤੌਰ ‘ਤੇ ਦਿਖਾਈ ਨਹੀਂ ਦੇਵੇਗਾ। ਇਸ ਲਈ ਦੇਸ਼ ਦੇ ਲੋਕ ਇਸ ਖਗੋਲੀ ਘਟਨਾ ਨੂੰ ਆਸਮਾਨ ਵਿੱਚ ਸਿੱਧਾ ਨਹੀਂ ਦੇਖ ਸਕਣਗੇ।
ਇਨ੍ਹਾਂ ਖੇਤਰਾਂ ‘ਚ ਦਿਖੇਗਾ ਗ੍ਰਹਿਣ
ਪੂਰਨ ਸੂਰਜ ਗ੍ਰਹਿਣ ਗ੍ਰੀਨਲੈਂਡ, ਆਈਸਲੈਂਡ, ਅਟਲਾਂਟਿਕ ਮਹਾਂਸਾਗਰ, ਫਰਾਂਸ, ਬ੍ਰਿਟੇਨ, ਯੂਰਪ ਦੇ ਵੱਡੇ ਹਿੱਸੇ ਅਤੇ ਕੈਨੇਡਾ ਸਮੇਤ ਕਈ ਖੇਤਰਾਂ ਵਿੱਚ ਦਿਖਾਈ ਦੇਵੇਗਾ। ਇਨ੍ਹਾਂ ਇਲਾਕਿਆਂ ਵਿੱਚ ਗ੍ਰਹਿਣ ਦੌਰਾਨ ਚੰਦਰਮਾ ਵੱਲੋਂ ਸੂਰਜ ਨੂੰ ਪੂਰੀ ਤਰ੍ਹਾਂ ਢੱਕੇ ਜਾਣ ਦਾ ਦ੍ਰਿਸ਼ ਦੇਖਣ ਨੂੰ ਮਿਲੇਗਾ।
ਹਰਿਆਲੀ ਅਮਾਵਸਯਾ ਨਾਲ ਪੈ ਰਿਹਾ ਸੂਰਜ ਗ੍ਰਹਿਣ
ਇਸ ਸਾਲ ਦਾ ਦੂਜਾ ਅਤੇ ਆਖਰੀ ਸੂਰਜ ਗ੍ਰਹਿਣ ਹਰਿਆਲੀ ਅਮਾਵਸਯਾ ਦੇ ਦਿਨ ਪੈ ਰਿਹਾ ਹੈ। ਸੂਰਜ ਗ੍ਰਹਿਣ ਦੀ ਇਹ ਖਗੋਲੀ ਘਟਨਾ ਅੱਜ 12 ਅਗਸਤ ਨੂੰ ਵਾਪਰੇਗੀ।
