ਹਾਂਗਕਾਂਗ :- ਹਾਂਗਕਾਂਗ ਦੇ ਤਾਈ ਪੋ ਇਲਾਕੇ ਵਿੱਚ ਸੋਮਵਾਰ ਰਾਤ ਵਾਪਰੇ ਇਕ ਭਿਆਨਕ ਹਾਦਸੇ ਨੇ ਪੂਰੇ ਸ਼ਹਿਰ ਨੂੰ ਸਦਮੇ ਵਿੱਚ ਛੱਡ ਦਿੱਤਾ। ਇਕ ਬਿਲਡਿੰਗ ਦੇ ਬਾਹਰ ਬਣੇ ਬਾਂਸ ਦੇ ਮਚਾਨ ਤੋਂ ਲੱਗੀ ਅੱਗ ਪਲਕ ਝਪਕਦਿਆਂ ਅੱਗ ਬਰਾਬਰ ਦੀ ਤੀਜ਼ੀ ਨਾਲ ਫੈਲਦੀ ਹੋਈ ਆਸ-ਪਾਸ ਦੀਆਂ ਸੱਤ ਉੱਚੀ ਇਮਾਰਤਾਂ ਤੱਕ ਪਹੁੰਚ ਗਈ। ਅਧਿਕਾਰਕ ਅੰਕੜਿਆਂ ਮੁਤਾਬਕ, ਹੁਣ ਤੱਕ 36 ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਹੋ ਚੁੱਕੀ ਹੈ, ਜਦਕਿ 279 ਤੋਂ ਵੱਧ ਨਿਵਾਸੀ ਅਜੇ ਵੀ ਗਾਇਬ ਹਨ।
ಈ ਹਾਦਸੇ ਨੇ ਹਾਂਗਕਾਂਗ ਵਿੱਚ ਨਿਰਮਾਣ ਕਾਰਜ ਦੌਰਾਨ ਬਾਂਸ ਦੀ ਵਰਤੋਂ ਸਬੰਧੀ ਵੱਡੀ ਚਰਚਾ ਅਤੇ ਚਿੰਤਾ ਖੜ੍ਹੀ ਕਰ ਦਿੱਤੀ ਹੈ, ਕਿਉਂਕਿ ਇਸੇ ਪ੍ਰਣਾਲੀ ਨੂੰ ਮੰਨਿਆ ਜਾਂਦਾ ਹੈ ਕਿ ਅੱਗ ਫੈਲਣ ਦਾ ਮੁੱਖ ਕਾਰਨ ਬਣੀ।
ਲਾਪਰਵਾਹੀ ਦੇ ਦੋਸ਼, ਤਿੰਨ ਲੋਕ ਗ੍ਰਿਫ਼ਤਾਰ
ਸਥਾਨਕ ਪ੍ਰਸ਼ਾਸਨ ਨੇ ਪ੍ਰਾਥਮਿਕ ਜਾਂਚ ਤੋਂ ਬਾਅਦ ਲਾਪਰਵਾਹੀ ਦੇ ਅਧਾਰ ‘ਤੇ ਤਿੰਨ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਅਤੇ ਤਜਰਬੇਕਾਰ ਅਧਿਕਾਰੀਆਂ ਦੀ ਇੱਕ ਖ਼ਾਸ ਟੀਮ ਮਾਮਲੇ ਦੀ ਪੂਰੀ ਤਰ੍ਹਾਂ ਜਾਂਚ ਕਰ ਰਹੀ ਹੈ।
ਫਾਇਰ ਸਰਵਿਸਿਜ਼ ਨੇ ਹਾਦਸੇ ਨੂੰ “ਨੰਬਰ 4 ਅਲਰਟ” ਘੋਸ਼ਿਤ ਕੀਤਾ—ਜੋ ਹਾਂਗਕਾਂਗ ਵਿੱਚ ਅੱਗ ਦੀ ਗੰਭੀਰਤਾ ਦਾ ਦੂਜਾ ਸਭ ਤੋਂ ਉੱਚਾ ਪੱਧਰ ਹੈ।
ਵੱਡਾ ਰੈਸਕਿਊ ਓਪਰੇਸ਼ਨ: 900 ਤੋਂ ਵੱਧ ਲੋਕ ਬਚਾਏ ਗਏ
ਹਾਦਸੇ ਦੀ ਭਿਆਨਕਤਾ ਦੇ ਮੱਦੇਨਜ਼ਰ ਬਚਾਅ ਟੀਮਾਂ ਨੇ ਮੌਕੇ ‘ਤੇ 140 ਤੋਂ ਵੱਧ ਫਾਇਰ ਟਰੱਕ ਤੇ 60 ਐਂਬੂਲੈਂਸਾਂ ਤਾਇਨਾਤ ਕੀਤੀਆਂ। ਘੰਟਿਆਂ ਦੀ ਮੁਸ਼ੱਕਤ ਤੋਂ ਬਾਅਦ 900 ਤੋਂ ਵੱਧ ਨਿਵਾਸੀਆਂ ਨੂੰ ਸੁਰੱਖਿਅਤ ਸਥਾਨਾਂ ‘ਤੇ ਪਹੁੰਚਾਇਆ ਗਿਆ।
ਇਸ ਦੌਰਾਨ ਇਕ 37 ਸਾਲਾ ਅੱਗ ਬੁਝਾਉਣ ਵਾਲੇ ਜਵਾਨ ਦੀ ਦਲੇਰੀ ਦੌਰਾਨ ਮੌਤ ਹੋ ਗਈ, ਜਦਕਿ ਉਸ ਦਾ ਇੱਕ ਸਾਥੀ ਹੀਟ ਐਗਜ਼ੌਸ਼ਨ ਨਾਲ ਬੇਹਾਲ ਹੋ ਕੇ ਹਸਪਤਾਲ ਵਿੱਚ ਭਰਤੀ ਹੈ। ਬਚਾਅ ਟੀਮਾਂ ਦੀ ਮਾਨਵਤਾ ਭਰੀ ਇਹ ਜ਼ੰਗ ਹਾਲੇ ਵੀ ਜਾਰੀ ਹੈ, ਖ਼ਾਸ ਤੌਰ ‘ਤੇ ਉਨ੍ਹਾਂ 279 ਲਾਪਤਾ ਲੋਕਾਂ ਦੀ ਭਾਲ ਲਈ ਜੋ ਅਜੇ ਤੱਕ ਨਹੀਂ ਲੱਭੇ।
ਮੁੱਖ ਕਾਰਜਕਾਰੀ ਵੱਲੋਂ ਉੱਚ ਪੱਧਰੀ ਜਾਂਚ ਦੇ ਹੁਕਮ
ਹਾਂਗਕਾਂਗ ਦੇ ਮੁੱਖ ਕਾਰਜਕਾਰੀ ਜੌਹਨ ਲੀ ਨੇ ਪੁਸ਼ਟੀ ਕੀਤੀ ਹੈ ਕਿ ਪੁਲਿਸ ਅਤੇ ਫਾਇਰ ਸਰਵਿਸਿਜ਼ ਨੇ ਇੱਕ ਸਾਂਝੀ ਜਾਂਚ ਟੀਮ ਬਣਾਈ ਹੈ, ਜੋ ਅੱਗ ਲੱਗਣ ਦੇ ਅਸਲੀ ਕਾਰਨਾਂ ਦੀ ਗਹਿਰਾਈ ਨਾਲ ਛਾਣਬੀਣ ਕਰੇਗੀ।
ਉਨ੍ਹਾਂ ਕਿਹਾ ਕਿ ਰਾਤ ਦੇ ਮੁੜ੍ਹੇ-ਮੁੜ੍ਹੇ ਅੱਗ ‘ਤੇ ਕਾਫ਼ੀ ਹੱਦ ਤੱਕ ਕਾਬੂ ਪਾ ਲਿਆ ਗਿਆ ਸੀ, ਪਰ ਇੰਨੀ ਵੱਡੀ ਗਿਣਤੀ ਵਿੱਚ ਲਾਪਤਾ ਲੋਕਾਂ ਦੀ ਭਾਲ ਅਜੇ ਵੀ ਇੱਕ ਚੁਣੌਤੀ ਬਣੀ ਹੋਈ ਹੈ। ਤਾਈ ਪੋ ਉਹ ਇਲਾਕਾ ਹੈ ਜੋ ਸ਼ੇਨਜ਼ੇਨ ਦੀ ਸੀਮਾ ਦੇ ਬਿਲਕੁਲ ਨੇੜੇ ਵਸਿਆ ਹੋਇਆ ਹੈ, ਅਤੇ ਇਸ ਹਾਦਸੇ ਨੇ ਦੋਵੇਂ ਖੇਤਰਾਂ ਵਿੱਚ ਚਿੰਤਾ ਦੀ ਲਹਿਰ ਦੌੜਾ ਦਿੱਤੀ ਹੈ।
