ਨਵੀਂ ਦਿੱਲੀ :- ਪੂਰਬੀ ਅਫ਼ਗ਼ਾਨਿਸਤਾਨ ਦੇ ਕੁਨਾਰ ਪ੍ਰਾਂਤ ਵਿੱਚ ਆਏ ਭੂਚਾਲ ਨੇ ਭਿਆਨਕ ਤਬਾਹੀ ਮਚਾਈ। ਸ਼ੁਰੂਆਤੀ ਰਿਪੋਰਟਾਂ ਮੁਤਾਬਕ ਘੱਟੋ-ਘੱਟ 250 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ 500 ਤੋਂ ਵੱਧ ਜਖ਼ਮੀ ਹਨ।
ਰਾਹਤ ਕਾਰਜ ਤੇਜ਼, ਸੰਚਾਰ ਵਿੱਚ ਰੁਕਾਵਟ
ਪ੍ਰਾਂਤੀ ਆਫ਼ਤ ਪ੍ਰਬੰਧਨ ਅਥਾਰਟੀ ਨੇ ਮ੍ਰਿਤਕਾਂ ਅਤੇ ਜਖ਼ਮੀਆਂ ਦੀ ਪੁਸ਼ਟੀ ਕੀਤੀ ਹੈ। ਬਚਾਅ ਟੀਮਾਂ ਸੀਮਿਤ ਸੰਚਾਰ ਸਹੂਲਤਾਂ ਦੇ ਬਾਵਜੂਦ ਦੂਰ-ਦਰਾਜ਼ ਇਲਾਕਿਆਂ ਤੱਕ ਪਹੁੰਚ ਰਹੀਆਂ ਹਨ। ਨੁਕਸਾਨ ਦਾ ਪੂਰਾ ਅੰਦਾਜ਼ਾ ਲਗਾਉਣ ਲਈ ਰਾਹਤ ਕਾਰਜ ਜਾਰੀ ਹਨ।
ਕਾਬੁਲ ਸਮੇਤ ਕਈ ਖੇਤਰਾਂ ਵਿੱਚ ਝਟਕੇ ਮਹਿਸੂਸ
ਅਮਰੀਕੀ ਭੂਗਰਭਿਕ ਸਰਵੇਖਣ ਮੁਤਾਬਕ, 31 ਅਗਸਤ ਦੀ ਰਾਤ 11:47 ਵਜੇ ਆਏ ਇਸ ਭੂਚਾਲ ਦੀ ਤੀਬਰਤਾ 6.0 ਰਿਕਟਰ ਪੈਮਾਨੇ ’ਤੇ ਦਰਜ ਕੀਤੀ ਗਈ। ਭੂਚਾਲ ਦਾ ਕੇਂਦਰ ਜਲਾਲਾਬਾਦ ਤੋਂ 27 ਕਿਮੀ ਉੱਤਰ-ਪੂਰਬ ’ਤੇ ਸੀ। ਕਾਬੁਲ ਸਮੇਤ ਕਈ ਖੇਤਰਾਂ ਵਿੱਚ ਝਟਕੇ ਮਹਿਸੂਸ ਕੀਤੇ ਗਏ ਅਤੇ ਕੁਝ ਥਾਵਾਂ ’ਤੇ ਇੰਟਰਨੈਟ ਸੇਵਾਵਾਂ ਪ੍ਰਭਾਵਿਤ ਹੋਈਆਂ।
