ਚੰਡੀਗੜ੍ਹ :- ਪੰਜਾਬ ਰੋਡਵੇਜ਼ ਦੇ ਹੜਤਾਲੀ ਕਰਮਚਾਰੀਆਂ ਦੀਆਂ ਪੁਰਾਣੀਆਂ ਮੰਗਾਂ ਨੂੰ ਲੈ ਕੇ ਅੱਜ ਸਰਕਾਰ ਨਾਲ ਇਕ ਅਹਿਮ ਗੱਲਬਾਤ ਹੋਣ ਜਾ ਰਹੀ ਹੈ। ਲੰਬੇ ਸਮੇਂ ਤੋਂ ਚੱਲ ਰਹੇ ਟਕਰਾਅ ਦੇ ਮੱਦੇਨਜ਼ਰ ਇਹ ਬੈਠਕ ਹੜਤਾਲ ਖ਼ਤਮ ਹੋਣ ਵੱਲ ਇਕ ਵੱਡਾ ਕਦਮ ਮੰਨੀ ਜਾ ਰਹੀ ਹੈ।
ਕੌਣ ਹੋਵੇਗਾ ਗੱਲਬਾਤ ‘ਚ ਸ਼ਾਮਲ
ਇਸ ਮੁੱਖ ਬੈਠਕ ਦੀ ਅਗਵਾਈ ਟਰਾਂਸਪੋਰਟ ਮੰਤਰੀ ਲਾਲਜੀਤ ਸਿੰਘ ਭੁੱਲਰ ਕਰਨਗੇ। ਦੂਜੇ ਪਾਸੇ ਹੜਤਾਲ ’ਤੇ ਅਡਿੱਗ ਰੋਡਵੇਜ਼ ਕਰਮਚਾਰੀਆਂ ਦੇ ਪ੍ਰਤੀਨਿਧੀ ਆਪਣੇ ਮਸਲੇ ਅਤੇ ਮੰਗਾਂ ਨੂੰ ਮੁੜ ਸਰਕਾਰ ਦੇ ਸਾਹਮਣੇ ਰੱਖਣਗੇ।
ਬੈਠਕ ਕਿੱਥੇ ਤੇ ਕਦੋਂ
-
ਸਥਾਨ: ਪੱਟੀ ਵਿਖੇ ਮੰਤਰੀ ਲਾਲਜੀਤ ਸਿੰਘ ਭੁੱਲਰ ਦੀ ਨਿੱਜੀ ਰਿਹਾਇਸ਼
-
ਸਮਾਂ: ਅੱਜ ਦੁਪਹਿਰ 12 ਵਜੇ
-
ਕੀ ਹੋਵੇਗੀ ਚਰਚਾ
ਰੋਡਵੇਜ਼ ਮੁਲਾਜ਼ਮਾਂ ਵੱਲੋਂ ਪੇਸ਼ ਕੀਤੀਆਂ ਪੈਂਡਿੰਗ ਮੰਗਾਂ—ਜਿਸ ਵਿਚ ਸੇਵਾਵਾਂ ਦੀ ਨਿਯਮਿਤਤਾ, ਭਰਤੀਆਂ, ਤਨਖਾਹਾਂ ਅਤੇ ਵਿਭਾਗੀ ਸੁਧਾਰਾਂ ਵਰਗੇ ਮੁੱਦੇ ਸ਼ਾਮਲ ਹਨ—ਇਨ੍ਹਾਂ ਸਭ ‘ਤੇ ਅੱਜ ਵਿਸਥਾਰ ਨਾਲ ਵਿਚਾਰ ਸੰਭਾਵਿਤ ਹੈ। ਦੋਵੇਂ ਪਾਸਿਆਂ ਦੀ ਸਹਿਮਤੀ ਨਾਲ ਗੱਲ ਅੱਗੇ ਵਧੀ ਤਾਂ ਹੜਤਾਲ ਖ਼ਤਮ ਹੋਣ ਦੀ ਪੂਰੀ ਅਸਾ ਬਣੇਗੀ।
ਲੋਕਾਂ ਲਈ ਕੀ ਮਹੱਤਵ
ਹੜਤਾਲ ਕਾਰਨ ਪਿਛਲੇ ਕਈ ਦਿਨਾਂ ਤੋਂ ਬੱਸ ਸੇਵਾਵਾਂ ਠੱਪ ਹੋਣ ਨਾਲ ਯਾਤਰੀਆਂ ਨੂੰ ਵੱਡੀ ਦਿੱਕਤ ਦਾ ਸਾਹਮਣਾ ਕਰਨਾ ਪਿਆ ਹੈ। ਅੱਜ ਦੀ ਮੀਟਿੰਗ ਲੋਕਾਂ ਲਈ ਸੁਚਾਰੂ ਆਵਾਜਾਈ ਮੁੜ ਸ਼ੁਰੂ ਹੋਣ ਦੀ ਆਸ ਜਗਾਉਂਦੀ ਹੈ।
