ਤਰਨ ਤਾਰਨ ‘ਚ ਗਿਣਤੀ ਦਾ ਪਹਿਲਾ ਰੁਝਾਨ ਸਾਮ੍ਹਣੇ, ਅਕਾਲੀ ਦੱਲ ਅੱਗੇ!

ਤਰਨ ਤਾਰਨ :- ਤਰਨ ਤਾਰਨ ਵਿਧਾਨ ਸਭਾ ਹਲਕੇ ਦੀ ਜ਼ਿਮਨੀ ਚੋਣ ਲਈ ਗਿਣਤੀ ਦੀ ਪ੍ਰਕਿਰਿਆ ਸ਼ੁਰੂ ਹੋਣ ਨਾਲ ਹੀ ਸਭ ਤੋਂ ਪਹਿਲਾ ਰੁਝਾਨ ਸਾਹਮਣੇ ਆ ਗਿਆ ਹੈ। ਬੈਲੇਟ ਪੇਪਰਾਂ ਦੀ ਗਿਣਤੀ ਹੋਣ ਤੋਂ ਬਾਅਦ ਜਨਤਕ ਕੀਤੀ ਸ਼ੁਰੂਆਤੀ ਤਸਵੀਰ ਮੁਤਾਬਕ ਸ਼੍ਰੋਮਣੀ ਅਕਾਲੀ ਦਲ ਦੀ ਉਮੀਦਵਾਰ ਸੁਖਵਿੰਦਰ ਕੌਰ ਰੰਧਾਵਾ ਸਭ ਤੋਂ ਅੱਗੇ ਦੌੜ ਰਹੀਆਂ ਹਨ।

ਪਹਿਲੇ ਰਾਊਂਡ ਦੇ ਅੰਕੜੇ

ਸ਼ੁਰੂਆਤੀ ਗਿਣਤੀ ਦੇ ਅਨੁਸਾਰ ਪਾਰਟੀਆਂ ਦੀ ਸਥਿਤੀ ਕੁਝ ਇਸ ਤਰ੍ਹਾਂ ਹੈ—

• ਸ਼੍ਰੋਮਣੀ ਅਕਾਲੀ ਦਲ: 2910

• ਆਮ ਆਦਮੀ ਪਾਰਟੀ: 2285

• ਕਾਂਗਰਸ: 1379

• ਵਾਰਿਸ ਪੰਜਾਬ ਦੇ: 1005

• ਭਾਜਪਾ: 282

ਇਹ ਅੰਕੜੇ ਸਿਰਫ ਪਹਿਲੇ ਰਾਊਂਡ ਦੀ ਤਸਵੀਰ ਦੱਸਦੇ ਹਨ। ਅਗਲੇ ਰਾਊਂਡਾਂ ਵਿੱਚ ਨਤੀਜੇ ਕਿਸੇ ਵੀ ਪਾਸੇ ਮੁੜ ਸਕਦੇ ਹਨ।

16 ਰਾਊਂਡਾਂ ਦੀ ਗਿਣਤੀ—ਫੈਸਲਾ ਸ਼ਾਮ ਵੱਲ ਹੁੰਦਾ ਸਪੱਸ਼ਟ

ਇਸ ਵਾਰ ਗਿਣਤੀ ਦੀ ਪੂਰੀ ਪ੍ਰਕਿਰਿਆ 16 ਰਾਊਂਡਾਂ ਵਿੱਚ ਪੂਰੀ ਹੋਵੇਗੀ। ਹਲਕੇ ਵਿੱਚ ਕੁੱਲ 15 ਉਮੀਦਵਾਰ ਮੈਦਾਨ ਵਿੱਚ ਹਨ, ਜਿਨ੍ਹਾਂ ਵਿੱਚੋਂ

• 4 ਰਿਵਾਇਤੀ ਪਾਰਟੀਆਂ,

• 2 ਰਜਿਸਟਰਡ ਪਾਰਟੀਆਂ,

• ਤੇ 9 ਆਜ਼ਾਦ ਉਮੀਦਵਾਰ ਆਪਣੀ ਕਿਸਮਤ ਅਜ਼ਮਾ ਰਹੇ ਹਨ।

• ਤਰਨ ਤਾਰਨ ਦੀ ਤਕਦੀਰ—ਕੌਣ ਬਣੇਗਾ ਹਲਕੇ ਦਾ ਨਵਾਂ ਨੁਮਾਇਂਦਾ?

ਹਲਕੇ ਵਿੱਚ ਮੁੱਖ ਟੱਕਰ ਇਨ੍ਹਾਂ ਚਿਹਰਿਆਂ ਵਿਚਕਾਰ ਮੰਨੀ ਜਾ ਰਹੀ ਹੈ—

• AAP: ਹਰਮੀਤ ਸਿੰਘ ਸੰਧੂ

• ਕਾਂਗਰਸ: ਕਰਨਬੀਰ ਸਿੰਘ ਬੁਰਜ

• ਅਕਾਲੀ ਦਲ: ਸੁਖਵਿੰਦਰ ਕੌਰ ਰੰਧਾਵਾ

• ਭਾਜਪਾ: ਹਰਜੀਤ ਸਿੰਘ ਸੰਧੂ
  ਇਸ ਦੇ ਨਾਲ ਵਾਰਿਸ ਪੰਜਾਬ ਦੇ ਦੇ ਆਜ਼ਾਦ ਉਮੀਦਵਾਰ ਮਨਦੀਪ ਸਿੰਘ ਨੂੰ ਵੀ ਲੋੜ ਪੈਂਦੇ ਮੋੜ ‘ਤੇ ਵੱਡਾ ਉਲਟਫੇਰ ਕਰਨ ਵਾਲੇ ਚਿਹਰੇ ਵਜੋਂ ਦੇਖਿਆ ਜਾ ਰਿਹਾ ਹੈ।