ਨਵੀਂ ਦਿੱਲੀ :- ਦਿੱਲੀ ਦੀ ਮੁੱਖ ਮੰਤਰੀ ਰੇਖਾ ਗੁਪਤਾ ਦੀ ਸੁਰੱਖਿਆ ‘ਚ ਇੱਕ ਵਾਰ ਫਿਰ ਵੱਡੀ ਚੂਕ ਸਾਹਮਣੇ ਆਈ ਹੈ। ਉਨ੍ਹਾਂ ਦੇ ਕਾਰਜਕ੍ਰਮ ਦੌਰਾਨ ਇੱਕ ਅਣਪਛਾਤੇ ਵਿਅਕਤੀ ਨੇ ਉੱਥੇ ਪਹੁੰਚ ਕੇ ਵੱਡਾ ਹੰਗਾਮਾ ਕਰ ਦਿੱਤਾ। ਸੁਰੱਖਿਆ ਕਰਮੀਆਂ ਨੇ ਕਿਸੇ ਤਰ੍ਹਾਂ ਉਸ ਨੂੰ ਉੱਥੋਂ ਕੱਢਿਆ।
ਜ਼ਿਕਰਯੋਗ ਹੈ ਕਿ ਬੁੱਧਵਾਰ, 20 ਅਗਸਤ 2025 ਨੂੰ ਵੀ ਰੇਖਾ ਗੁਪਤਾ ‘ਤੇ ਉਸ ਵੇਲੇ ਹਮਲਾ ਹੋਇਆ ਸੀ ਜਦੋਂ ਉਹ ਪਬਲਿਕ ਮੀਟਿੰਗ ਵਿੱਚ ਲੋਕਾਂ ਨਾਲ ਸਿੱਧਾ ਸੰਵਾਦ ਕਰ ਰਹੀ ਸਨ। ਇਸ ਹਮਲੇ ‘ਚ ਉਨ੍ਹਾਂ ਨੂੰ ਚੋਟਾਂ ਵੀ ਲੱਗੀਆਂ ਸਨ।
ਸੀਐਮ ਰੇਖਾ ਗੁਪਤਾ ਨੇ ਉਸ ਘਟਨਾ ਤੋਂ ਬਾਅਦ ਕਿਹਾ ਸੀ ਕਿ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਕਰਕੇ ਉਹ ਲੋਕਾਂ ਨਾਲ ਸਿੱਧਾ ਸੰਵਾਦ ਕਰਨ ਵਾਲੇ ਆਪਣੇ ਪ੍ਰੋਗਰਾਮ ਰੱਦ ਨਹੀਂ ਕਰਨਗੀਆਂ। ਉਸ ਘਟਨਾ ਤੋਂ ਬਾਅਦ ਉਨ੍ਹਾਂ ਦੀ ਸੁਰੱਖਿਆ ਵੀ ਵਧਾ ਦਿੱਤੀ ਗਈ ਸੀ। ਪਰ ਹੁਣ, ਉਸ ਤੋਂ ਕੇਵਲ ਦੋ ਦਿਨ ਬਾਅਦ, 22 ਅਗਸਤ 2025 ਨੂੰ ਹੋਏ ਕਾਰਜਕ੍ਰਮ ਦੌਰਾਨ ਫਿਰ ਇੱਕ ਵਿਅਕਤੀ ਨੇ ਬਵੇਲਾ ਖੜ੍ਹਾ ਕਰ ਦਿੱਤਾ।
