ਅੰਮ੍ਰਿਤਸਰ :- ਸ਼੍ਰੀ ਹਰਿਮੰਦਰ ਸਾਹਿਬ ਵਿੱਚ ਸੇਵਾ ਨਿਭਾ ਰਹੀ ਸੁਰੱਖਿਆ ਸੇਵਾ ਟੀਮ ਦੇ ਸੇਵਾਦਾਰਾਂ ਦੇ ਪਹਿਰਾਵੇ ਨੂੰ ਲੈ ਕੇ ਇੱਕ ਅਹਿਮ ਤੇ ਜ਼ਰੂਰੀ ਫੈਸਲਾ ਲਿਆ ਗਿਆ ਹੈ। ਨਵੇਂ ਪ੍ਰਬੰਧ ਅਨੁਸਾਰ ਹੁਣ ਸੇਵਾਦਾਰ ਦੋ ਵੱਖ-ਵੱਖ ਰੰਗਾਂ—ਪੀਲੇ ਅਤੇ ਗੂੜ੍ਹੇ ਨੀਲੇ—ਪਹਿਰਾਵੇ ਵਿੱਚ ਆਪਣੀ ਡਿਊਟੀ ਨਿਭਾਉਣਗੇ।
ਇਹ ਪਹਿਰਾਵਾ ਹਫ਼ਤੇ ਦੇ ਬਦਲਵੇਂ ਦਿਨਾਂ ’ਤੇ ਨਿਯਮਤ ਤੌਰ ’ਤੇ ਬਦਲਿਆ ਜਾਵੇਗਾ, ਤਾਂ ਜੋ ਸੇਵਾ ਵਿੱਚ ਇਕਸਾਰਤਾ ਅਤੇ ਅਨੁਸ਼ਾਸਨ ਬਣਿਆ ਰਹੇ। ਖਾਸ ਗੱਲ ਇਹ ਹੈ ਕਿ ਪੀਲੇ ਪਹਿਰਾਵੇ ਨਾਲ ਨੀਲੀ ਪੱਗ ਅਤੇ ਨੀਲੇ ਪਹਿਰਾਵੇ ਨਾਲ ਪੀਲੀ ਪੱਗ ਪਹਿਨਣੀ ਲਾਜ਼ਮੀ ਹੋਵੇਗੀ। ਇਸ ਤਬਦੀਲੀ ਨਾਲ ਸੇਵਾਦਾਰਾਂ ਦੀ ਪਛਾਣ ਹੋਰ ਸਪਸ਼ਟ ਹੋਵੇਗੀ ਅਤੇ ਪ੍ਰਬੰਧਨ ਵਿੱਚ ਸੁਧਾਰ ਆਵੇਗਾ।
