ਨਵੀਂ ਦਿੱਲੀ :- ਦਿੱਲੀ ਵਿੱਚ ਲਾਲ ਕਿਲ੍ਹਾ ਨੇੜੇ ਹੋਏ ਹਾਲੀਆ ਬਲਾਸਟ ਤੋਂ ਬਾਅਦ ਜਾਰੀ ਹਾਈ ਅਲਰਟ ਦੇ ਦਰਮਿਆਨ ਅੱਜ ਚੌਕਾਉਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਸ਼ਹਿਰ ਦੀਆਂ ਚਾਰ ਵੱਡੀਆਂ ਅਦਾਲਤਾਂ ਅਤੇ ਦੋ CRPF ਸਕੂਲਾਂ ਨੂੰ ਅਣਪਛਾਤੇ ਈਮੇਲ ਰਾਹੀਂ ਬੰਬ ਧਮਾਕੇ ਦੀ ਧਮਕੀ ਭੇਜੀ ਗਈ ਹੈ। ਇਹ ਮੇਲ ਜੈਸ਼-ਏ-ਮੁਹੰਮਦ ਦੇ ਨਾਂ ‘ਤੇ ਭੇਜਿਆ ਗਿਆ ਦੱਸਿਆ ਜਾ ਰਿਹਾ ਹੈ, ਜਿਸ ਤੋਂ ਬਾਅਦ ਦਿੱਲੀ ਪੁਲਿਸ ਅਤੇ ਸੁਰੱਖਿਆ ਏਜੰਸੀਆਂ ਪੂਰੀ ਤਰ੍ਹਾਂ ਅਲਰਟ ‘ਤੇ ਹਨ।
ਕਿਹੜੇ ਸਥਾਨ ਬਣੇ ਨਿਸ਼ਾਨਾ
ਧਮਕੀ ਭਰੀ ਈਮੇਲ ਦਿੱਲੀ ਦੀਆਂ ਇਹਨਾਂ ਅਦਾਲਤਾਂ ਨੂੰ ਮਿਲੀਆ—
-
ਸਾਕੇਤ ਅਦਾਲਤ
-
ਪਟਿਆਲਾ ਹਾਉਸ ਕੋਰਟ
-
ਤੀਸ ਹਜ਼ਾਰੀ ਕੋਰਟ
-
ਰੋਹਿਨੀ ਕੋਰਟ
ਇਸ ਤੋਂ ਇਲਾਵਾ ਦਵਾਰਕਾ ਅਤੇ ਪ੍ਰਸ਼ਾਂਤ ਵਿਹਾਰ ਵਿੱਖੇ ਸਥਿਤ ਦੋ CRPF ਸਕੂਲਾਂ ਨੂੰ ਵੀ ਬੰਬ ਨਾਲ ਉਡਾਉਣ ਦੀ ਧਮਕੀ ਦਿੱਤੀ ਗਈ ਹੈ।
ਈਮੇਲ ਵਿਚ ਸਾਫ਼ ਚੇਤਾਵਨੀ, “ਕਿਸੇ ਵੀ ਵੇਲੇ ਵੱਡਾ ਧਮਾਕਾ ਹੋ ਸਕਦਾ ਹੈ”
ਸੂਤਰਾਂ ਅਨੁਸਾਰ, ਈਮੇਲ ਵਿੱਚ ਚੇਤਾਵਨੀ ਦਿੱਤੀ ਗਈ ਹੈ ਕਿ ਕੋਰਟ ਕੈਂਪਸ ਵਿੱਚ ਵੱਡਾ ਬਲਾਸਟ ਹੋ ਸਕਦਾ ਹੈ। ਲਾਲ ਕਿਲ੍ਹਾ ਬਲਾਸਟ ਤੋਂ ਬਾਅਦ, ਸੁਰੱਖਿਆ ਏਜੰਸੀਆਂ ਅਜਿਹੇ ਕਿਸੇ ਵੀ ਸੰਦੇਸ਼ ਨੂੰ ਨਜ਼ਰਅੰਦਾਜ਼ ਕਰਨ ਨੂੰ ਤਿਆਰ ਨਹੀਂ।
ਤੁਰੰਤ ਕਾਰਵਾਈ ਹੋਈ—
-
ਡੌਗ ਸਕਵਾਡ ਤਾਇਨਾਤ
-
ਹਰ ਕੰਪਲੈਕਸ ਦੀ ਵਾਤਾਵਰਨਿਕ ਜਾਂਚ
-
ਪੂਰੇ ਇਲਾਕੇ ਦੀ ਕੜੀ ਨਿਗਰਾਨੀ
ਪਟਿਆਲਾ ਹਾਉਸ ਕੋਰਟ ਵਿੱਚ ਅਹਿਮ ਪੇਸ਼ੀ ਕਾਰਨ ਚਿੰਤਾ ਵਧੀ
ਧਮਕੀ ਨੂੰ ਹੋਰ ਗੰਭੀਰ ਇਸ ਲਈ ਮੰਨਿਆ ਜਾ ਰਿਹਾ ਹੈ ਕਿਉਂਕਿ ਦਿੱਲੀ ਬਲਾਸਟ ਦੇ ਦੂਜੇ ਦੋਸ਼ੀ ਨੂੰ ਅੱਜ ਪਟਿਆਲਾ ਹਾਉਸ ਕੋਰਟ ਵਿੱਚ ਪੇਸ਼ ਕੀਤਾ ਜਾਣਾ ਸੀ। ਇਸ ਕਾਰਨ ਸੁਰੱਖਿਆ ਹੋਰ ਵੀ ਸਖ਼ਤ ਕਰ ਦਿੱਤੀ ਗਈ ਹੈ।
ਹੁਣ ਤੱਕ ਕੁਝ ਸ਼ੱਕੀ ਨਹੀਂ ਮਿਲਿਆ
ਖ਼ਬਰ ਲਿਖੇ ਜਾਣ ਤੱਕ, ਸਾਰੇ ਸਥਾਨਾਂ ‘ਤੇ ਕੀਤੀ ਗਈ ਸੰਯੁਕਤ ਜਾਂਚ ਦੌਰਾਨ ਕੋਈ ਸ਼ੱਕੀ ਵਸਤੂ ਜਾਂ ਹਿਲਜੁਲ ਨਹੀਂ ਮਿਲੀ, ਪਰ ਅਲਰਟ ਜਾਰੀ ਹੈ ਤੇ ਸੁਰੱਖਿਆ ਘੇਰਾ ਹੋਰ ਤੰਗ ਕੀਤਾ ਗਿਆ ਹੈ।
