ਨਵੀਂ ਦਿੱਲੀ :- ਦਿੱਲੀ ਵਿੱਚ ਹਵਾ ਪ੍ਰਦੂਸ਼ਣ ਦੇ ਬੱਧਦੇ ਪੱਧਰ ਨੂੰ ਰੋਕਣ ਲਈ ਸਰਕਾਰ ਵੱਲੋਂ ਵੱਡਾ ਕਦਮ ਚੁੱਕਿਆ ਗਿਆ ਹੈ। ਹੁਣ ਤੋਂ BS4 ਡੀਜ਼ਲ ਵਪਾਰਕ ਵਾਹਨਾਂ ਨੂੰ ਰਾਜਧਾਨੀ ਵਿੱਚ ਦਾਖਲ ਹੋਣ ਦੀ ਆਗਿਆ ਨਹੀਂ ਹੋਵੇਗੀ। ਇਹ ਹੁਕਮ ਦਿੱਲੀ ਟਰਾਂਸਪੋਰਟ ਵਿਭਾਗ ਵੱਲੋਂ ਕਮਿਸ਼ਨ ਫਾਰ ਏਅਰ ਕੁਆਲਿਟੀ ਮੈਨੇਜਮੈਂਟ (CAQM) ਦੇ ਨਿਰਦੇਸ਼ਾਂ ਅਧੀਨ ਜਾਰੀ ਕੀਤਾ ਗਿਆ ਹੈ ਅਤੇ 1 ਨਵੰਬਰ 2025 ਤੋਂ ਲਾਗੂ ਹੋ ਗਿਆ ਹੈ।
ਇਹ ਪਾਬੰਦੀ ਦਿੱਲੀ ਵਿੱਚ ਵਧ ਰਹੀ ਹਵਾ ਪ੍ਰਦੂਸ਼ਣ ਦੀ ਸਮੱਸਿਆ ਨੂੰ ਕਾਬੂ ਕਰਨ ਲਈ ਲਗਾਈ ਗਈ ਹੈ। ਹੁਣ BS4 ਅਤੇ BS5 ਡੀਜ਼ਲ ਕਮਰਸ਼ੀਅਲ ਵਾਹਨ ਦਿੱਲੀ ਦੀਆਂ ਸਰਹੱਦਾਂ ਵਿੱਚ ਨਾ ਆ ਸਕਣਗੇ ਅਤੇ ਨਾ ਹੀ ਚੱਲ ਸਕਣਗੇ। ਇਸਦਾ ਮਤਲਬ ਹੈ ਕਿ ਸਿਰਫ BS6 ਵਾਹਨ ਜਾਂ ਸਾਫ਼ ਊਰਜਾ (clean fuel) ਵਾਲੇ ਵਾਹਨ ਹੀ ਦਿੱਲੀ ਵਿੱਚ ਚੱਲ ਸਕਣਗੇ।
ਕਿਹੜੇ ਵਾਹਨ ਨਹੀਂ ਆ ਸਕਣਗੇ ਦਿੱਲੀ ਵਿੱਚ
ਇਸ ਨਵੇਂ ਆਦੇਸ਼ ਤਹਿਤ ਦਿੱਲੀ ਤੋਂ ਬਾਹਰ ਰਜਿਸਟਰਡ ਉਹ ਸਾਰੇ ਵਪਾਰਕ ਵਾਹਨ ਜਿਨ੍ਹਾਂ ਵਿੱਚ BS-VI ਇੰਜਣ ਨਹੀਂ ਹਨ, ਹੁਣ ਰਾਜਧਾਨੀ ਵਿੱਚ ਐਂਟਰੀ ਨਹੀਂ ਕਰ ਸਕਣਗੇ। ਇਸ ਵਿੱਚ ਟਰੱਕ, ਲਾਈਟ ਕਮਰਸ਼ੀਅਲ ਵਾਹਨ, ਮੀਡੀਅਮ ਅਤੇ ਹੈਵੀ ਮਾਲ ਵਾਹਨ ਸ਼ਾਮਲ ਹਨ।
ਹਾਲਾਂਕਿ, ਜੇਕਰ ਕੋਈ ਵਾਹਨ CNG, LNG ਜਾਂ ਇਲੈਕਟ੍ਰਿਕ ਫਿਊਲ ‘ਤੇ ਚੱਲਦਾ ਹੈ, ਤਾਂ ਉਸਨੂੰ ਐਂਟਰੀ ਦੀ ਛੂਟ ਹੋਵੇਗੀ। ਇਹ ਪਾਬੰਦੀ ਇਸ ਵੇਲੇ ਦਿੱਲੀ ਵਿੱਚ ਹੀ ਰਜਿਸਟਰਡ ਵਪਾਰਕ ਵਾਹਨਾਂ ‘ਤੇ ਲਾਗੂ ਨਹੀਂ ਹੋਵੇਗੀ, ਪਰ ਪ੍ਰਦੂਸ਼ਣ ਦੀ ਸਥਿਤੀ ਨੂੰ ਦੇਖਦਿਆਂ ਭਵਿੱਖ ਵਿੱਚ ਇਸ ‘ਤੇ ਵੀ ਵਿਚਾਰ ਕੀਤਾ ਜਾ ਸਕਦਾ ਹੈ।
ਕਿਹੜੇ ਵਾਹਨਾਂ ਨੂੰ ਮਿਲੇਗੀ ਛੂਟ
ਦਿੱਲੀ ਵਿੱਚ ਦਾਖਲ ਹੋਣ ਦੀ ਆਗਿਆ ਸਿਰਫ਼ BS-VI ਡੀਜ਼ਲ ਵਾਹਨਾਂ, CNG, LNG, ਅਤੇ ਇਲੈਕਟ੍ਰਿਕ ਵਾਹਨਾਂ ਨੂੰ ਹੀ ਹੋਵੇਗੀ।
ਸਰਕਾਰ ਨੇ BS-IV ਵਾਹਨਾਂ ਨੂੰ 31 ਅਕਤੂਬਰ 2026 ਤੱਕ ਅਸਥਾਈ ਛੂਟ ਦਿੱਤੀ ਹੈ, ਤਾਂ ਜੋ ਵਾਹਨ ਮਾਲਕ ਆਪਣੇ ਫਲੀਟਾਂ ਨੂੰ ਨਵੇਂ ਮਿਆਰਾਂ ਮੁਤਾਬਕ ਅਪਗ੍ਰੇਡ ਕਰ ਸਕਣ।
ਇਹ ਫੈਸਲਾ ਦਿੱਲੀ ਦੀ ਹਵਾ ਗੁਣਵੱਤਾ ਵਿੱਚ ਸੁਧਾਰ ਲਿਆਉਣ ਵੱਲ ਇੱਕ ਵੱਡਾ ਕਦਮ ਮੰਨਿਆ ਜਾ ਰਿਹਾ ਹੈ। ਸਰਕਾਰ ਦਾ ਕਹਿਣਾ ਹੈ ਕਿ ਜੇਕਰ ਇਸ ਪਾਬੰਦੀ ਦਾ ਪਾਲਣ ਸਖ਼ਤੀ ਨਾਲ ਹੋਇਆ, ਤਾਂ ਪ੍ਰਦੂਸ਼ਣ ਦੇ ਪੱਧਰ ਵਿੱਚ ਅਗਲੇ ਕੁਝ ਹਫ਼ਤਿਆਂ ਵਿੱਚ ਸਪੱਸ਼ਟ ਘਟਾਅ ਦੇਖਣ ਨੂੰ ਮਿਲ ਸਕਦੀ ਹੈ।
