Punjab Weather :- ਪੰਜਾਬ ਵਿੱਚ ਅੱਜ ਤੋਂ ਹਲਕੀ ਤੋਂ ਮੱਧਮ ਮੀਂਹ ਦੀ ਸੰਭਾਵਨਾ ਬਣੀ ਹੋਈ ਹੈ, ਜੋ ਕਿ 9 ਅਗਸਤ ਤੱਕ ਚੱਲਦੀ ਰਹੇਗੀ। ਹਾਲਾਂਕਿ ਮੌਸਮ ਵਿਭਾਗ ਵੱਲੋਂ ਅਜੇ ਤੱਕ ਕਿਸੇ ਵੀ ਹਨ੍ਹੇਰੀ ਜਾਂ ਤੇਜ਼ ਮੀਂਹ ਦਾ ਅਲਰਟ ਜਾਰੀ ਨਹੀਂ ਕੀਤਾ ਗਿਆ, ਪਰ 10 ਅਤੇ 11 ਅਗਸਤ ਲਈ ਲਗਾਤਾਰ ਦੋ ਦਿਨ ਭਾਰੀ ਮੀਂਹ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ। ਪਿਛਲੇ 24 ਘੰਟਿਆਂ ਦੌਰਾਨ ਤਾਪਮਾਨ ’ਚ 1.5 ਡਿਗਰੀ ਸੈਲਸੀਅਸ ਦੀ ਕਮੀ ਆਉਣ ਕਾਰਨ ਮੌਸਮ ਕੁਝ ਹੱਦ ਤੱਕ ਠੰਢਾ ਹੋਇਆ ਹੈ।
ਅੱਜ ਕਿਹੜੇ ਜ਼ਿਲ੍ਹਿਆਂ ’ਚ ਹੋ ਸਕਦੀ ਹੈ ਫੁਹਾਰ
ਮੌਸਮ ਵਿਭਾਗ ਅਨੁਸਾਰ, ਅੱਜ 6 ਅਗਸਤ ਨੂੰ ਪਠਾਨਕੋਟ, ਹੁਸ਼ਿਆਰਪੁਰ, ਰੂਪਨਗਰ, ਮੋਹਾਲੀ ਵਿੱਚ ਕਈ ਥਾਵਾਂ ’ਤੇ 50 ਤੋਂ 75 ਫੀਸਦੀ ਮੀਂਹ ਦੀ ਸੰਭਾਵਨਾ ਹੈ।
ਗੁਰਦਾਸਪੁਰ, ਕਪੂਰਥਲਾ, ਜਲੰਧਰ, ਨਵਾਂਸ਼ਹਿਰ, ਫਤਿਹਗੜ੍ਹ ਸਾਹਿਬ, ਪਟਿਆਲਾ ਵਿੱਚ 25 ਤੋਂ 50% ਅਤੇ ਹੋਰ 12 ਜ਼ਿਲ੍ਹਿਆਂ – ਅੰਮ੍ਰਿਤਸਰ, ਤਰਨਤਾਰਨ, ਫਿਰੋਜ਼ਪੁਰ, ਮੁਕਤਸਰ, ਮੋਗਾ, ਬਠਿੰਡਾ ਆਦਿ ਵਿੱਚ 25% ਤੱਕ ਮੀਂਹ ਪੈਣ ਦੀ ਉਮੀਦ ਹੈ।
ਪੌਂਗ ਡੈਮ ਤੋਂ ਅੱਜ ਛੱਡਿਆ ਜਾਵੇਗਾ ਪਾਣੀ, ਅਲਰਟ ਜਾਰੀ
ਪੌਂਗ ਡੈਮ ਦਾ ਪਾਣੀ ਪੱਧਰ 1369.44 ਫੁੱਟ ’ਤੇ ਪਹੁੰਚ ਗਿਆ ਹੈ। ਡੈਮ ’ਚ ਵਧਦੇ ਪਾਣੀ ਕਾਰਨ ਅੱਜ ਸ਼ਾਮ 5 ਵਜੇ ਫਲੱਡ ਗੇਟ ਖੋਲ੍ਹੇ ਜਾਣਗੇ। ਭਾਖੜਾ-ਬਿਆਸ ਮੈਨੇਜਮੈਂਟ ਬੋਰਡ ਵੱਲੋਂ ਸਬੰਧਤ ਇਲਾਕਿਆਂ ਨੂੰ ਅਲਰਟ ਜਾਰੀ ਕੀਤਾ ਗਿਆ ਹੈ। ਹਾਲਾਂਕਿ ਕਿਸੇ ਤੁਰੰਤ ਖ਼ਤਰੇ ਦੀ ਗੱਲ ਨਹੀਂ ਆਈ।
ਅਗਲੇ 3 ਦਿਨਾਂ ਦੀ ਭਵਿੱਖਬਾਣੀ
7 ਅਗਸਤ: ਪਠਾਨਕੋਟ, ਹੁਸ਼ਿਆਰਪੁਰ, ਰੂਪਨਗਰ – 25 ਤੋਂ 50% ਮੀਂਹ
ਕਪੂਰਥਲਾ, ਜਲੰਧਰ, ਮੋਹਾਲੀ ਆਦਿ ਵਿੱਚ ਕੁਝ ਥਾਵਾਂ ’ਤੇ 25% ਮੀਂਹ
8 ਅਗਸਤ: ਪਠਾਨਕੋਟ, ਰੂਪਨਗਰ, ਮੋਹਾਲੀ – 50 ਤੋਂ 75%
ਕਪੂਰਥਲਾ, ਪਟਿਆਲਾ, ਨਵਾਂਸ਼ਹਿਰ – 25 ਤੋਂ 50%
9 ਅਗਸਤ: ਪਠਾਨਕੋਟ, ਹੁਸ਼ਿਆਰਪੁਰ, ਰੂਪਨਗਰ – 100% ਮੀਂਹ ਦੀ ਸੰਭਾਵਨਾ
ਅੰਮ੍ਰਿਤਸਰ, ਲੁਧਿਆਣਾ, ਸੰਘਰੂਰ – 25 ਤੋਂ 50%
ਬਾਕੀ ਜ਼ਿਲ੍ਹਿਆਂ ਵਿੱਚ 25% ਤੱਕ ਮੀਂਹ ਹੋ ਸਕਦੀ ਹੈ।
