ਚੰਡੀਗੜ੍ਹ :- ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਸ਼ਾਂਤੀ ਕਾਇਮ ਰੱਖਣ ਲਈ ਵੱਡਾ ਫ਼ੈਸਲਾ ਲਿਆ ਹੈ। ਜਿਲ੍ਹਾ ਪਰਿਸ਼ਦ ਅਤੇ ਪੰਚਾਇਤ ਸਮਿਤੀ–2025 ਦੇ ਚੋਣੀ ਤਿਆਰੀਆਂ ਨੂੰ ਧਿਆਨ ਵਿੱਚ ਰੱਖਦਿਆਂ ਪੰਜਾਬ ਵਿੱਚ ਕਾਨੂੰਨ–ਵਿਵਸਥਾ ਨੂੰ ਮਜ਼ਬੂਤ ਬਣਾਉਣ ਲਈ ਵੱਡਾ ਕਦਮ ਚੁੱਕਿਆ ਗਿਆ ਹੈ। ਮੁੱਖ ਚੋਣ ਕਮਿਸ਼ਨ, ਪੰਜਾਬ ਦੀਆਂ ਹਦਾਇਤਾਂ ਅਨੁਸਾਰ ਇਹ ਚੋਣਾਂ ਐਤਵਾਰ, 14 ਦਸੰਬਰ 2025 ਨੂੰ ਹੋਣ ਜਾ ਰਹੀਆਂ ਹਨ।
ਹਥਿਆਰ ਬਿਨਾਂ ਚੁੱਕੇ ਚੱਲਣ ’ਤੇ ਪੂਰੀ ਪਾਬੰਦੀ
ਜ਼ਿਲ੍ਹਾ ਮੈਜਿਸਟ੍ਰੇਟ–ਕਮ–ਡਿਪਟੀ ਕਮਿਸ਼ਨਰ ਵਿਰਾਜ ਐਸ. ਤਿੜਕੇ ਨੇ ਭਾਰਤੀ ਨਾਗਰਿਕ ਸੁਰੱਖਿਆ ਸੰਹਿਤਾ (B.N.S.S.) 2023 ਦੀ ਧਾਰਾ 163 ਅਧੀਨ ਮਿਲੇ ਅਧਿਕਾਰਾਂ ਦੀ ਵਰਤੋਂ ਕਰਦਿਆਂ ਜ਼ਿਲ੍ਹੇ ਵਿੱਚ ਇੱਕ ਸਖ਼ਤ ਆਰਡਰ ਜਾਰੀ ਕੀਤਾ ਹੈ, ਜਿਸ ਤਹਿਤ ਚੋਣੀ ਮਾਹੌਲ ਵਿੱਚ ਕਿਸੇ ਵੀ ਤਰ੍ਹਾਂ ਦੇ ਹਥਿਆਰ ਚੁੱਕ ਕੇ ਚੱਲਣ ’ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ।
ਪਾਬੰਦੀ ਦਾ ਉਦੇਸ਼ ਚੋਣਾਂ ਦੌਰਾਨ ਅਮਨ–ਚੈਨ ਨੂੰ ਯਕੀਨੀ ਬਣਾਉਣਾ ਅਤੇ ਸੰਭਾਵਿਤ ਗੜਬੜ ਨੂੰ ਪਹਿਲਾਂ ਹੀ ਰੋਕਣਾ ਹੈ।
ਗੰਡਾਸੇ, ਤਲਵਾਰਾਂ ਤੋਂ ਵਿਸਫੋਟਕ ਤੱਕ ਹਰ ਕਿਸਮ ਦੇ ਹਥਿਆਰ ’ਤੇ ਰੋਕ
ਹੁਕਮਾਂ ਅਨੁਸਾਰ, ਜ਼ਿਲ੍ਹੇ ਦੀ ਹਦੂਦ ਵਿੱਚ ਹੇਠ ਲਿਖੀਆਂ ਚੀਜ਼ਾਂ ਚੁੱਕ ਕੇ ਚੱਲਣ ’ਤੇ ਪੂਰੀ ਮਨਾਹੀ ਹੋਵੇਗੀ:
-
ਗੰਡਾਸੇ
-
ਤੇਜ਼ਧਾਰ ਟਕੂਏ
-
ਕੁਲਹਾੜੀਆਂ
-
ਤਲਵਾਰਾਂ
-
ਵਿਸਫੋਟਕ ਸਮੱਗਰੀ
-
ਹੋਰ ਕਿਸੇ ਵੀ ਕਿਸਮ ਦਾ ਗਾਤਕ ਤੇ ਜਾਨਲੇਵਾ ਅਸਲਾ
ਭਾਵੇਂ ਉਹ ਲਾਇਸੰਸੀ ਹੀ ਕਿਉਂ ਨਾ ਹੋਵੇ।
ਕਿਹੜਿਆਂ ’ਤੇ ਇਹ ਹੁਕਮ ਲਾਗੂ ਨਹੀਂ ਹੋਵੇਗਾ?
ਹਥਿਆਰ ਚੁੱਕ ਕੇ ਚੱਲਣ ’ਤੇ ਪਾਬੰਦੀ ਹੇਠ ਲਿਖੇ ਲੋਕਾਂ ਲਈ ਲਾਗੂ ਨਹੀਂ ਹੋਵੇਗੀ:
-
ਆਰਮੀ ਦੇ ਜਵਾਨ
-
ਪੈਰਾ–ਮਿਲਟਰੀ ਫੋਰਸਿਜ਼
-
ਬਰਦੀਧਾਰੀ ਪੁਲਿਸ ਕਰਮਚਾਰੀ
-
ਬੈਂਕਾਂ ਵਿੱਚ ਸੁਰੱਖਿਆ ਗਾਰਡ ਵਜੋਂ ਡਿਊਟੀ ਕਰਨ ਵਾਲੇ ਕਰਮਚਾਰੀ
ਪਾਬੰਦੀ ਕਦ ਤੱਕ?
ਇਹ ਆਰਡਰ 17 ਦਸੰਬਰ 2025 ਤੱਕ ਲਾਗੂ ਰਹੇਗਾ। ਚੋਣਾਂ ਦੇ ਦਿਨ ਅਤੇ ਉਸ ਤੋਂ ਇਲਾਵਾ ਪੂਰੇ ਹਫ਼ਤੇ ਲਈ ਕਾਨੂੰਨ–ਵਿਵਸਥਾ ਨੂੰ ਬੇਹਤਰ ਬਣਾਉਣ ਲਈ ਇਹ ਕਦਮ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ।
