ਚੰਡੀਗੜ੍ਹ :- ਪੰਜਾਬੀ ਸੰਗੀਤ ਜਗਤ ਦੇ ਮਸ਼ਹੂਰ ਗਾਇਕ ਰਾਜਵੀਰ ਜਵੰਦਾ ਦੀ ਆਤਮਿਕ ਸ਼ਾਂਤੀ ਲਈ ਅੱਜ ਲੁਧਿਆਣਾ ਵਿਖੇ ਸਹਿਜ ਪਾਠ ਦੇ ਭੋਗ ਪਾਏ ਜਾਣਗੇ। ਜਾਣਕਾਰੀ ਮੁਤਾਬਕ, ਸਮਾਗਮ ਵਿਚ ਸੰਗੀਤ ਅਤੇ ਫਿਲਮ ਇੰਡਸਟਰੀ ਨਾਲ ਜੁੜੀਆਂ ਕਈ ਹਸਤੀਆਂ ਸ਼ਿਰਕਤ ਕਰਨ ਦੀ ਸੰਭਾਵਨਾ ਹੈ।
ਹਾਦਸੇ ਬਾਰੇ ਚਲ ਰਹੀ ਗੁੰਜਲ, ਪੁਲਿਸ ਨੇ ਦਿੱਤੀ ਸਪੱਸ਼ਟੀਕਰਨ
ਰਾਜਵੀਰ ਜਵੰਦਾ ਦੀ ਮੌਤ ਨੂੰ ਲੈ ਕੇ ਸ਼ੁਰੂ ਤੋਂ ਹੀ ਕਈ ਤਰ੍ਹਾਂ ਦੇ ਅਨੁਮਾਨ ਤੇ ਚਰਚਾਵਾਂ ਚੱਲ ਰਹੀਆਂ ਸਨ। ਕੁਝ ਲੋਕਾਂ ਨੇ ਦਾਅਵਾ ਕੀਤਾ ਸੀ ਕਿ ਗਾਇਕ ਦੀ ਮੌਤ ਕਾਲੀ ਬੋਲੈਰੋ ਕਾਰ ਨਾਲ ਟਕਰਾਉਣ ਕਾਰਨ ਹੋਈ, ਪਰ ਹੁਣ ਪੰਚਕੂਲਾ ਪੁਲਿਸ ਨੇ ਇਸ ਦਾਅਵੇ ਨੂੰ ਨਕਾਰ ਦਿੱਤਾ ਹੈ।
ਜਾਂਚ ਅਧਿਕਾਰੀ ਦੇ ਮੁਤਾਬਕ, ਘਟਨਾ ਸਥਾਨ ‘ਤੇ ਕੋਈ ਬੋਲੈਰੋ ਕਾਰ ਮੌਜੂਦ ਨਹੀਂ ਸੀ। ਹਾਦਸਾ ਉਸ ਵੇਲੇ ਹੋਇਆ ਜਦੋਂ ਜਵੰਦਾ ਦੀ ਮੋਟਰਸਾਈਕਲ ਇੱਕ ਆਵਾਰਾ ਪਸ਼ੂ ਨਾਲ ਟਕਰਾ ਗਈ।
ਪੰਜ ਦੋਸਤਾਂ ਨਾਲ ਜਾ ਰਿਹਾ ਸੀ ਸ਼ਿਮਲਾ, ਰਸਤੇ ‘ਚ ਹੋਇਆ ਹਾਦਸਾ
27 ਸਤੰਬਰ ਨੂੰ ਰਾਜਵੀਰ ਜਵੰਦਾ ਆਪਣੇ ਪੰਜ ਸਾਥੀਆਂ ਦੇ ਨਾਲ ਬੱਦੀ ਤੋਂ ਸ਼ਿਮਲਾ ਵੱਲ ਜਾ ਰਿਹਾ ਸੀ। ਹਰ ਕੋਈ ਆਪਣੀ ਮੋਟਰਸਾਈਕਲ ‘ਤੇ ਸਵਾਰ ਸੀ। ਪਿੰਜੌਰ ਨੇੜੇ ਪਹੁੰਚਣ ‘ਤੇ ਉਸਦੀ ਮੋਟਰਸਾਈਕਲ ਅਚਾਨਕ ਸੜਕ ‘ਤੇ ਆਏ ਇੱਕ ਆਵਾਰਾ ਪਸ਼ੂ ਨਾਲ ਟਕਰਾ ਗਈ। ਝਟਕੇ ਨਾਲ ਉਹ ਸੜਕ ‘ਤੇ ਡਿੱਗ ਪਿਆ ਤੇ ਗੰਭੀਰ ਰੂਪ ਨਾਲ ਜ਼ਖ਼ਮੀ ਹੋ ਗਿਆ।
ਚਸ਼ਮਦੀਦਾਂ ਨੇ ਵੀ ਦਿੱਤਾ ਪੁਲਿਸ ਨੂੰ ਸਾਫ਼ ਬਿਆਨ
ਜਾਂਚ ਦੌਰਾਨ ਪੁਲਿਸ ਨੇ ਮੌਕੇ ‘ਤੇ ਮੌਜੂਦ ਲੋਕਾਂ ਦੇ ਬਿਆਨ ਦਰਜ ਕੀਤੇ। ਉਨ੍ਹਾਂ ਸਪੱਸ਼ਟ ਤੌਰ ‘ਤੇ ਕਿਹਾ ਕਿ ਕੋਈ ਕਾਲੀ ਬੋਲੈਰੋ ਕਾਰ ਮੌਜੂਦ ਨਹੀਂ ਸੀ। ਹਾਦਸੇ ਤੋਂ ਕੁਝ ਹੀ ਦੂਰੀ ‘ਤੇ ਸ਼ੌਰਿਆ ਹਸਪਤਾਲ ਮੌਜੂਦ ਹੈ, ਜਿੱਥੇ ਜਵੰਦਾ ਨੂੰ ਤੁਰੰਤ ਲਿਜਾਇਆ ਗਿਆ।
11 ਦਿਨਾਂ ਦੀ ਜੰਗ ਹਾਰ ਗਿਆ ਰਾਜਵੀਰ ਜਵੰਦਾ
ਡਾਕਟਰੀ ਰਿਪੋਰਟਾਂ ਅਨੁਸਾਰ, ਹਾਦਸੇ ‘ਚ ਜਵੰਦਾ ਦੀ ਗਰਦਨ ਅਤੇ ਦਿਮਾਗ ‘ਤੇ ਗੰਭੀਰ ਸੱਟਾਂ ਲੱਗੀਆਂ ਸਨ। ਪਹਿਲਾਂ ਉਸਦਾ ਇਲਾਜ ਪਿੰਜੌਰ ਨੇੜੇ ਦੇ ਹਸਪਤਾਲ ‘ਚ ਕੀਤਾ ਗਿਆ, ਫਿਰ ਹਾਲਤ ਗੰਭੀਰ ਹੋਣ ਕਾਰਨ ਉਸਨੂੰ ਮੋਹਾਲੀ ਦੇ ਫੋਰਟਿਸ ਹਸਪਤਾਲ ਲਿਜਾਇਆ ਗਿਆ। 11 ਦਿਨਾਂ ਤਕ ਚੱਲੇ ਇਲਾਜ ਬਾਅਦ ਉਸਨੇ ਆਖ਼ਰੀ ਸਾਹ ਲਿਆ।
ਸੰਗੀਤ ਜਗਤ ਵਿਚ ਸੋਗ ਦਾ ਮਾਹੌਲ
ਰਾਜਵੀਰ ਜਵੰਦਾ ਦੀ ਮੌਤ ਤੋਂ ਬਾਅਦ ਪੂਰੇ ਪੰਜਾਬੀ ਸੰਗੀਤ ਜਗਤ ਵਿਚ ਮਾਯੂਸੀ ਅਤੇ ਸੋਗ ਦਾ ਮਾਹੌਲ ਹੈ। ਪ੍ਰਸ਼ੰਸਕਾਂ ਨੇ ਸੋਸ਼ਲ ਮੀਡੀਆ ‘ਤੇ ਉਸਦੀ ਯਾਦ ਵਿਚ ਸ਼ਰਧਾਂਜਲੀਆਂ ਭੇਜ ਰਹੇ ਹਨ। ਜਵੰਦਾ ਆਪਣੀ ਸਾਫ਼ ਆਵਾਜ਼ ਅਤੇ ਭਾਵੁਕ ਗਾਇਕੀ ਲਈ ਜਾਣਿਆ ਜਾਂਦਾ ਸੀ, ਜਿਸਨੂੰ ਸੰਗੀਤ ਪ੍ਰੇਮੀ ਹਮੇਸ਼ਾਂ ਯਾਦ ਰੱਖਣਗੇ।
