ਸ਼੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 350ਵੇਂ ਸ਼ਹੀਦੀ ਦਿਹਾੜੇ, ਅਨੰਦਪੁਰ ਸਾਹਿਬ ‘ਚ ਵੱਡੇ ਪੱਧਰ ’ਤੇ ਤਿਆਰੀਆਂ ਮੁਕੰਮਲ

ਸਮਾਗਮਾਂ ਦੀ ਲੜੀ 21 ਤੋਂ 29 ਨਵੰਬਰ ਤੱਕ

ਆਨੰਦਪੁਰ ਸਾਹਿਬ :- ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਦੱਸਿਆ ਹੈ ਕਿ ਸ਼੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦੀ 350 ਸਾਲਾ ਸ਼ਹੀਦੀ ਨੂੰ ਸਮਰਪਿਤ ਸਮਾਗਮ 21 ਨਵੰਬਰ ਤੋਂ 29 ਨਵੰਬਰ ਤੱਕ ਗੁਰਦੁਆਰਾ ਸ਼ੀਸ਼ਗੰਜ ਸਾਹਿਬ, ਅਨੰਦਪੁਰ ਸਾਹਿਬ ਵਿੱਚ ਸ਼ੁਰੂ ਹੋ ਰਹੇ ਹਨ। ਤਖਤ ਸ੍ਰੀ ਕੇਸਗੜ੍ਹ ਸਾਹਿਬ ਦੇ ਮੈਨੇਜਰ ਮੁਤਾਬਿਕ ਸਾਰੇ ਇੰਤਜ਼ਾਮ ਤਕਰੀਬਨ ਠੀਕਰੇ ਮੁਕੰਮਲ ਹੋ ਚੁੱਕੇ ਹਨ।

ਸੰਗਤ ਲਈ ਰਿਹਾਇਸ਼, ਲੰਗਰ ਤੇ ਸਹੂਲਤਾਂ ਦੇ ਖ਼ਾਸ ਪ੍ਰਬੰਧ

ਅਨੰਦਪੁਰ ਸਾਹਿਬ ਵੱਲ ਵੱਡੀ ਗਿਣਤੀ ‘ਚ ਪਹੁੰਚ ਰਹੀ ਸੰਗਤ ਨੂੰ ਧਿਆਨ ਵਿੱਚ ਰੱਖਦਿਆਂ SGPC ਨੇ ਵਿਸ਼ਾਲ ਪੱਧਰ ’ਤੇ ਰਿਹਾਇਸ਼ ਅਤੇ ਖੁਰਾਕ ਦੇ ਪ੍ਰਬੰਧ ਕੀਤੇ ਹਨ।

• 55 ਲੰਗਰ ਵੱਖ-ਵੱਖ ਸੰਸਥਾਵਾਂ ਦੇ ਸਹਿਯੋਗ ਨਾਲ ਚਲਾਏ ਜਾਣਗੇ

• ਸਰਾਵਾਂ ਦੇ ਨਾਲ ਨਾਲ ਤਖਤ ਸ੍ਰੀ ਕੇਸਗੜ੍ਹ ਸਾਹਿਬ ਦੀ ਗਰਾਊਂਡ ‘ਚ ਟੈਂਟ ਸਿਟੀ ਤਿਆਰ

• ਆਉਣ ਵਾਲੀ ਸਾਰੀ ਸੰਗਤ ਲਈ ਰਿਹਾਇਸ਼ ਦਾ ਪੂਰਾ ਬੰਧੋਬਸਤ

ਕਮੇਟੀ ਦਾ ਕਹਿਣਾ ਹੈ ਕਿ ਕਿਸੇ ਵੀ ਯਾਤਰੀ ਨੂੰ ਰਹਿਣ–ਖਾਣ ਨੂੰ ਲੈ ਕੇ ਕੋਈ ਮੁਸ਼ਕਿਲ ਨਾ ਆਵੇ, ਇਸ ਲਈ ਇੰਤਜ਼ਾਮ ਲਗਾਤਾਰ ਮਜ਼ਬੂਤ ਕੀਤੇ ਜਾ ਰਹੇ ਹਨ।

20 ਕਿਲੋਮੀਟਰ ਤੱਕ ਐਕਸੀਡੈਂਟਲ ਇੰਸ਼ੋਰੈਂਸ

ਸਮਾਗਮ ਦੌਰਾਨ ਕੋਈ ਵੀ ਅਣਚਾਹੀ ਘਟਨਾ ਵਾਪਰਨ ਦੀ ਸਥਿਤੀ ਵਿੱਚ SGPC ਨੇ ਇੱਕ ਵੱਡਾ ਫ਼ੈਸਲਾ ਲਿਆ ਹੈ।
ਜਿਹੜੇ ਵੀ ਯਾਤਰੀ ਅਨੰਦਪੁਰ ਸਾਹਿਬ ਤੋਂ 20 ਕਿਲੋਮੀਟਰ ਦੇ ਘੇਰੇ ਵਿੱਚ ਮੌਜੂਦ ਰਹਿਣਗੇ, ਉਹਨਾਂ ਦਾ ਐਕਸੀਡੈਂਟਲ ਬੀਮਾ ਹੋਵੇਗਾ ਤਾਂ ਜੋ ਸੰਗਤ ਨੂੰ ਤੁਰੰਤ ਮਦਦ ਮਿਲ ਸਕੇ।

ਬਜ਼ੁਰਗ ਤੇ ਅਪੰਗ ਸੰਗਤ ਲਈ ਈ-ਰਿਕਸ਼ਾ ਸੇਵਾ

ਸੰਗਤ ਦੀ ਸੁਵਿਧਾ ਲਈ SGPC ਨੇ ਬੱਸ ਸਟੈਂਡ ਤੋਂ ਈ-ਰਿਕਸ਼ਾ ਸੇਵਾ ਵੀ ਸ਼ੁਰੂ ਕੀਤੀ ਹੈ।
ਇਹ ਸੇਵਾ ਖ਼ਾਸ ਕਰਕੇ ਬਜ਼ੁਰਗਾਂ, ਅਪਾਹਜਾਂ ਅਤੇ ਉਹਨਾਂ ਲਈ ਹੈ ਜਿਨ੍ਹਾਂ ਨੂੰ ਪੈਦਲ ਚਲਣ ਵਿੱਚ ਦਿੱਕਤ ਹੋਵੇ। ਇਸ ਨਾਲ ਉਹ ਆਸਾਨੀ ਨਾਲ ਗੁਰੂ ਘਰਾਂ ਦੇ ਦਰਸ਼ਨ ਕਰ ਸਕਣਗੇ।