ਚੰਡੀਗੜ੍ਹ :- ਟੈਕਸਦਾਤਾਵਾਂ ਲਈ ਰਾਹਤਭਰੀ ਖ਼ਬਰ ਆਈ ਹੈ। ਵਿੱਤ ਮੰਤਰਾਲੇ ਨੇ ਐਲਾਨ ਕੀਤਾ ਹੈ ਕਿ ਆਮਦਨ ਕਰ ਰਿਟਰਨ (ITR) ਫਾਈਲ ਕਰਨ ਦੀ ਆਖਰੀ ਮਿਤੀ ਇਕ ਦਿਨ ਹੋਰ ਵਧਾ ਦਿੱਤੀ ਗਈ ਹੈ। ਹੁਣ ਟੈਕਸਦਾਤਾ 16 ਸਤੰਬਰ 2025 ਤੱਕ ਆਪਣੀ ITR ਭਰ ਸਕਣਗੇ।
ਸਰਵਰ ਸਮੱਸਿਆਵਾਂ ਕਾਰਨ ਲਿਆ ਗਿਆ ਫੈਸਲਾ
ਇਹ ਦੂਜੀ ਵਾਰ ਹੈ ਜਦੋਂ ਮਿਆਦ ਵਧਾਈ ਗਈ ਹੈ। ਪਹਿਲਾਂ ਇਹ ਮਿਤੀ 31 ਜੁਲਾਈ ਸੀ, ਜਿਸਨੂੰ ਵਧਾ ਕੇ 15 ਸਤੰਬਰ ਕੀਤਾ ਗਿਆ ਸੀ। ਪਰ, ਟੈਕਸਦਾਤਾਵਾਂ ਅਤੇ ਸੀਏ ਵੱਲੋਂ ਆਈਟੀਆਰ ਪੋਰਟਲ ’ਤੇ ਸਰਵਰ ਡਾਊਨ, ਟਾਈਮਆਊਟ ਅਤੇ ਹੋਰ ਗਲਤੀਆਂ ਦੀਆਂ ਸ਼ਿਕਾਇਤਾਂ ਮਿਲਣ ਕਾਰਨ ਸਰਕਾਰ ਨੇ ਮੁੜ ਫੈਸਲਾ ਕੀਤਾ। ਇਸ ਤਹਿਤ, ਆਖਰੀ ਮਿਤੀ ਹੁਣ 16 ਸਤੰਬਰ ਕਰ ਦਿੱਤੀ ਗਈ ਹੈ।
ਆਮਦਨ ਕਰ ਵਿਭਾਗ ਨੇ ਐਕਸ ‘ਤੇ ਦਿੱਤਾ ਬਿਆਨ…..
ਆਮਦਨ ਕਰ ਵਿਭਾਗ ਨੇ ਐਕਸ ‘ਤੇ ਪੋਸਟ ਕਰਦੇ ਹੋਏ ਲਿਖਿਆ ਕਿ —
“ਮੁਲਾਂਕਣ ਸਾਲ 2025-26 ਲਈ ITR ਫਾਈਲ ਕਰਨ ਦੀ ਮਿਤੀ 31 ਜੁਲਾਈ ਸੀ। ਇਸਨੂੰ ਪਹਿਲਾਂ 15 ਸਤੰਬਰ ਅਤੇ ਹੁਣ 16 ਸਤੰਬਰ ਤੱਕ ਵਧਾਇਆ ਗਿਆ ਹੈ।”
ਇਸ ਦੌਰਾਨ, 15 ਅਤੇ 16 ਸਤੰਬਰ ਦੀ ਰਾਤ ਨੂੰ ਪੋਰਟਲ ’ਤੇ ਰਾਤ 12 ਤੋਂ ਸਵੇਰੇ 2.30 ਵਜੇ ਤੱਕ ਰੱਖ-ਰਖਾਅ ਕੰਮ ਵੀ ਕੀਤਾ ਗਿਆ।
ਕੌਣ-ਕੌਣ ਲੋਕਾਂ ਨੂੰ ITR ਭਰਨਾ ਜ਼ਰੂਰੀ?
ਤਨਖਾਹਦਾਰ ਤੇ ਪੈਨਸ਼ਨ ਲੈਣ ਵਾਲੇ ਲੋਕ
ਘਰ ਦੀ ਜਾਇਦਾਦ ਤੋਂ ਆਮਦਨ ਕਮਾਉਣ ਵਾਲੇ
ਲਾਟਰੀ ਜਾਂ ਘੋੜਾ ਦੌੜ ਤੋਂ ਕਮਾਈ ਕਰਨ ਵਾਲੇ
ਗੈਰ-ਸੂਚੀਬੱਧ ਇਕੁਇਟੀ ਵਿੱਚ ਨਿਵੇਸ਼ ਕਰਨ ਵਾਲੇ
ਕੰਪਨੀਆਂ ਦੇ ਡਾਇਰੈਕਟਰ
ਪੂੰਜੀ ਲਾਭ ਤੋਂ ਆਮਦਨ ਕਮਾਉਣ ਵਾਲੇ ਲੋਕ
ਕਿਸਾਨਾਂ ਨੂੰ ਵੱਡੀ ਸਲਾਹ
ਵਿੱਤ ਵਿਭਾਗ ਨੇ ਸਪਸ਼ਟ ਕੀਤਾ ਹੈ ਕਿ ਜਿਹੜੇ ਵੀ ਲੋਕ ਉਪਰੋਕਤ ਸ਼੍ਰੇਣੀਆਂ ਵਿੱਚ ਆਉਂਦੇ ਹਨ, ਉਨ੍ਹਾਂ ਲਈ ITR ਫਾਈਲ ਕਰਨੀ ਜ਼ਰੂਰੀ ਹੈ। ਨਹੀਂ ਤਾਂ ਜੁਰਮਾਨੇ ਦੇ ਨਾਲ ਕਾਨੂੰਨੀ ਕਾਰਵਾਈ ਵੀ ਕੀਤੀ ਜਾ ਸਕਦੀ ਹੈ।
