ਅੰਮ੍ਰਿਤਸਰ :- ਅੰਮ੍ਰਿਤਸਰ ਦੇ ਅਟਾਰੀ ਸਰਹੱਦ ‘ਤੇ ਹੋਣ ਵਾਲੀ ਰਿਟਰੀਟ ਸੈਰੇਮਨੀ ਦੇਖਣ ਵਾਲਿਆਂ ਲਈ ਅਹਿਮ ਖ਼ਬਰ ਸਾਹਮਣੇ ਆਈ ਹੈ। ਮੌਸਮ ਵਿੱਚ ਹੋ ਰਹੇ ਬਦਲਾਅ ਦੇ ਕਾਰਨ ਬੀਐਸਐਫ ਨੇ ਸੈਰੇਮਨੀ ਦਾ ਸਮਾਂ ਫਿਰ ਤੋਂ ਬਦਲ ਦਿੱਤਾ ਹੈ।
ਹੁਣ ਇਹ ਪਰੇਡ ਸ਼ਾਮ 5:00 ਵਜੇ ਤੋਂ 5:30 ਵਜੇ ਤੱਕ ਹੋਵੇਗੀ। ਪਹਿਲਾਂ ਇਹ ਸਮਾਂ 5:30 ਵਜੇ ਤੋਂ 6:00 ਵਜੇ ਦਾ ਸੀ।
ਹੱਥ ਮਿਲਾਉਣ ’ਤੇ ਪਾਕਿਸਤਾਨ ਨੇ ਲਾਈ ਰੋਕ
ਦੂਜੇ ਪਾਸੇ, ਪਾਕਿਸਤਾਨ ਨਾਲ ਆਪ੍ਰੇਸ਼ਨ ਸਿੰਦੂਰ ਤੋਂ ਬਾਅਦ ਹੱਥ ਮਿਲਾਉਣ ’ਤੇ ਅਜੇ ਵੀ ਰੋਕ ਲਗਾਈ ਗਈ ਹੈ। ਜ਼ੀਰੋ ਲਾਈਨ ਦੇ ਦੋਵੇਂ ਪਾਸੇ ਗੇਟ ਬੰਦ ਰਹਿੰਦੇ ਹਨ, ਇਸ ਲਈ ਦਰਸ਼ਕਾਂ ਨੂੰ ਇਸ ਬਾਰੇ ਸਾਵਧਾਨ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ।
