ਅੰਮ੍ਰਿਤਸਰ :- ਅੰਮ੍ਰਿਤਸਰ ਤੋਂ ਸਹਰਸਾ (ਬਿਹਾਰ) ਵੱਲ ਜਾ ਰਹੀ ਗਰੀਬ ਰਥ ਐਕਸਪ੍ਰੈਸ ਵਿੱਚ ਅੱਜ ਸਵੇਰੇ ਵੱਡਾ ਹਾਦਸਾ ਹੋਣ ਤੋਂ ਬਚ ਗਿਆ। ਘਟਨਾ ਦੌਰਾਨ ਕੋਚਾਂ ਵਿੱਚ ਮੌਜੂਦ ਯਾਤਰੀ ਆਪਣੀ ਜਾਨ ਬਚਾਉਣ ਲਈ ਹੜਬੜਾਹਟ ਵਿੱਚ ਬਾਹਰ ਨਿਕਲ ਆਏ।
ਸਰਹਿੰਦ ਨੇੜੇ ਕੰਪ੍ਰੈਸਰ ਫਟਣ ਨਾਲ ਮਚਿਆ ਹੜਕੰਪ
ਟ੍ਰੇਨ ਵਿੱਚ ਲੱਗੇ ਏਅਰ ਕੰਪ੍ਰੈਸਰ ਦੇ ਅਚਾਨਕ ਫਟਣ ਤੋਂ ਬਾਅਦ ਗੈਸ ਲੀਕ ਹੋ ਗਈ, ਜਿਸ ਕਾਰਨ ਮੌਕੇ ‘ਤੇ ਕਾਲਾ ਧੂੰਆ ਅਸਮਾਨ ਵੱਲ ਚੜ੍ਹਦਾ ਦਿੱਖਿਆ। ਪੰਜਾਬ ਦੇ ਸਰਹਿੰਦ ਇਲਾਕੇ ਵਿੱਚ ਵਾਪਰੀ ਇਸ ਘਟਨਾ ਨਾਲ ਯਾਤਰੀਆਂ ਵਿੱਚ ਦਹਿਸ਼ਤ ਫੈਲ ਗਈ।
ਤਿੰਨ ਡੱਬਿਆਂ ਨੂੰ ਅੱਗ ਨੇ ਜਕੜਿਆ
ਲੱਗੀ ਅੱਗ ਕੁਝ ਹੀ ਸਮੇਂ ਵਿੱਚ ਤਿੰਨ ਡੱਬਿਆਂ ਤਕ ਫੈਲ ਗਈ, ਜਿਸ ਨਾਲ ਉਹ ਲਗਭਗ ਪੂਰੀ ਤਰ੍ਹਾਂ ਸੜ ਕੇ ਨੁਕਸਾਨੀ ਹੋ ਗਏ। ਸਮੇਂ ਸਿਰ ਡ੍ਰਾਈਵਰ ਨੇ ਟ੍ਰੇਨ ਰੋਕ ਦਿੱਤੀ, ਜਿਸ ਨਾਲ ਵੱਡੀ ਜਾਨੀ ਹਾਨੀ ਹੋਣ ਤੋਂ ਬਚਾਵ ਹੋ ਗਿਆ।
ਯਾਤਰੀਆਂ ਨੇ ਦੌੜਕੇ ਬਚਾਈ ਜਾਨ
ਜਿਵੇਂ ਹੀ ਧੂੰਏਂ ਦੀਆਂ ਲਪਟਾਂ ਅਤੇ ਗੈਸ ਲੀਕ ਦੀ ਗੰਧ ਡੱਬਿਆਂ ਵਿੱਚ ਫੈਲੀ, ਯਾਤਰੀ ਘਬਰਾਹਟ ਵਿੱਚ ਟ੍ਰੇਨ ਤੋਂ ਬਾਹਰ ਦੌੜੇ। ਮੌਕੇ ‘ਤੇ ਮਜੂਦ ਸੁਰੱਖਿਆ ਸਟਾਫ਼ ਅਤੇ ਸਥਾਨਕ ਲੋਕਾਂ ਨੇ ਰਾਹਤ ਕਾਰਜ ਵਿੱਚ ਸਹਾਇਤਾ ਦਿੱਤੀ।
ਅਧਿਕਾਰੀਆਂ ਵਲੋਂ ਜਾਂਚ ਦੇ ਹੁਕਮ
ਘਟਨਾ ਦੀ ਸੂਚਨਾ ਮਿਲਦੇ ਹੀ ਰੇਲਵੇ ਅਧਿਕਾਰੀਆਂ ਵਲੋਂ ਜਾਂਚ ਦੇ ਆਦੇਸ਼ ਜਾਰੀ ਕੀਤੇ ਗਏ ਹਨ। ਪ੍ਰਾਰੰਭਿਕ ਜਾਂਚ ਅਨੁਸਾਰ ਮੰਨਿਆ ਜਾ ਰਿਹਾ ਹੈ ਕਿ ਤਕਨੀਕੀ ਖਰਾਬੀ ਕਾਰਨ ਕੰਪ੍ਰੈਸਰ ਵਿੱਚ ਬਲਾਸਟ ਹੋਇਆ।
