ਅੰਮ੍ਰਿਤਸਰ :- ਆਬਕਾਰੀ ਕਮਿਸ਼ਨਰ ਪੰਜਾਬ ਜਤਿੰਦਰ ਜੋਰਵਾਲ (IAS) ਅਤੇ ਜਲੰਧਰ ਜ਼ੋਨ ਦੇ ਡਿਪਟੀ ਕਮਿਸ਼ਨਰ ਆਬਕਾਰੀ ਐੱਸ.ਕੇ. ਗਰਗ ਦੇ ਨਿਰਦੇਸ਼ਾਂ ‘ਤੇ ਅੰਮ੍ਰਿਤਸਰ ਦਫ਼ਤਰ ਵਿੱਚ ਮੈਰਿਜ ਪੈਲੇਸ ਅਤੇ ਬੈਂਕੁਇਟ ਹਾਲ ਮਾਲਕਾਂ ਨਾਲ ਵਿਸ਼ੇਸ਼ ਮੀਟਿੰਗ ਆਯੋਜਿਤ ਕੀਤੀ ਗਈ। ਬੈਠਕ ਦੀ ਅਗਵਾਈ ਸਹਾਇਕ ਕਮਿਸ਼ਨਰ ਦਿਲਬਾਗ ਸਿੰਘ ਚੀਮਾ ਨੇ ਕੀਤੀ।
ਵਿਆਹ ਸਮਾਗਮਾਂ ਲਈ ਐੱਲ-50ਏ ਪਰਮਿਟ ਲਾਜ਼ਮੀ
ਵਿਭਾਗ ਨੇ ਸਾਰੇ ਲਾਇਸੈਂਸਧਾਰਕਾਂ ਨੂੰ ਚੇਤਾਵਨੀ ਦਿੱਤੀ ਕਿ ਵਿਆਹ ਦੇ ਸੀਜ਼ਨ ਦੌਰਾਨ ਹਰ ਇਕ ਸਮਾਗਮ ਲਈ ਐੱਲ-50ਏ ਪਰਮਿਟ/ਲਾਇਸੈਂਸ ਦੀ ਅਰਜ਼ੀ ਸਮੇਂ ਸਿਰ ਦੇਣਾ ਲਾਜ਼ਮੀ ਹੈ।
ਅਰਜ਼ੀ ਫਾਰਮ ਵਿੱਚ —
-
ਮੈਰਿਜ ਪੈਲੇਸ/ਬੈਂਕੁਇਟ ਹਾਲ ਦਾ ਜੀ.ਐੱਸ.ਟੀ. ਨੰਬਰ,
-
ਕੈਟਰਿੰਗ, ਸਜਾਵਟ ਅਤੇ ਹੋਰ ਸੇਵਾਵਾਂ ਦੇ ਪ੍ਰਦਾਤਾਵਾਂ ਦਾ ਜੀ.ਐੱਸ.ਟੀ. ਨੰਬਰ,
ਸ਼ਾਮਲ ਕਰਨਾ ਹੋਵੇਗਾ। ਜੀ.ਐੱਸ.ਟੀ. ਨੰਬਰ ਉਪਲਬਧ ਨਾ ਹੋਣ ‘ਤੇ ਪੈਨ ਕਾਰਡ ਨੰਬਰ ਲਿਖਣ ਦਾ ਨਿਰਦੇਸ਼ ਦਿੱਤਾ ਗਿਆ।
ਪੁਲਿਸ ਅਤੇ ਆਬਕਾਰੀ ਅਧਿਕਾਰੀਆਂ ਦੀ ਵੀ ਰਹੀ ਹਾਜ਼ਰੀ
ਬੈਠਕ ਵਿੱਚ ਅੰਮ੍ਰਿਤਸਰ ਅਤੇ ਤਰਨਤਾਰਨ ਰੇਂਜ ਦੇ ਆਬਕਾਰੀ ਅਧਿਕਾਰੀ ਲਲਿਤ ਕੁਮਾਰ, ਰਮਨ ਭਗਤ, ਇੰਦਰਜੀਤ ਸਿੰਘ ਸਹਿਜਰਾ, ਤੇ ਸਹਾਇਕ ਅਧਿਕਾਰੀ ਧਰਵਿੰਦਰ ਪਾਲ ਸ਼ਰਮਾ ਅਤੇ ਰਮਨ ਕੁਮਾਰ ਸਮੇਤ ਕਈ ਦਰਜੇਦਾਰ ਅਧਿਕਾਰੀ ਮੌਜੂਦ ਰਹੇ। ਵਿਭਾਗ ਨੇ ਮੌਕੇ ‘ਤੇ ਹੋਰ ਵੀ ਮਹੱਤਵਪੂਰਨ ਨਿਰਦੇਸ਼ ਜਾਰੀ ਕੀਤੇ।
ਲਾਇਸੈਂਸਧਾਰਕਾਂ ਨੇ ਨਿਯਮਾਂ ਦੀ ਪਾਲਣਾ ਦਾ ਭਰੋਸਾ ਦਿੱਤਾ
ਮੀਟਿੰਗ ਦੇ ਆਖ਼ਰੀ ਪੜਾਅ ‘ਚ ਮੈਰਿਜ ਪੈਲੇਸਾਂ ਅਤੇ ਬੈਂਕੁਇਟ ਹਾਲ ਮਾਲਕਾਂ ਨੇ ਵਿਭਾਗ ਨੂੰ ਭਰੋਸਾ ਦਿਵਾਇਆ ਕਿ ਉਹ ਜਾਰੀ ਕੀਤੀਆਂ ਹਦਾਇਤਾਂ ਦੀ ਪੂਰੀ ਇਮਾਨਦਾਰੀ ਨਾਲ ਪਾਲਣਾ ਕਰਨਗੇ।
