ਅੰਮ੍ਰਿਤਸਰ :- ਚਾਇਨਾ ਡੋਰ ਦੀ ਮਨਾਹੀ ਦੇ ਬਾਵਜੂਦ ਅੰਮ੍ਰਿਤਸਰ ਜ਼ਿਲ੍ਹੇ ਵਿੱਚ ਇਸ ਨਾਲ ਜੁੜੀ ਇਕ ਹੋਰ ਖ਼ਤਰਨਾਕ ਘਟਨਾ ਸਾਹਮਣੇ ਆਈ ਹੈ। ਸਾਧਾ ਪਿੰਡ ਨੇੜੇ ਬਾਈਪਾਸ ’ਤੇ ਦਫ਼ਤਰ ਜਾ ਰਿਹਾ ਇਕ ਨੌਜਵਾਨ ਮੌਤ ਦੇ ਮੂੰਹ ’ਚ ਜਾਣ ਤੋਂ ਬਚ ਗਿਆ। ਮੋਟਰਸਾਈਕਲ ’ਤੇ ਜਾ ਰਹੇ ਜਸਕਰਨ ਪਾਲ ਸਿੰਘ ਦੀ ਗਰਦਨ ਅਤੇ ਹੱਥ ’ਚ ਅਚਾਨਕ ਚਾਇਨਾ ਡੋਰ ਲਿਪਟ ਗਈ ਜਿਸ ਨਾਲ ਉਹ ਗੰਭੀਰ ਜ਼ਖਮੀ ਹੋ ਗਿਆ।
ਚਾਇਨਾ ਡੋਰ ਨੇ ਕੀਤਾ ਹਮਲਾ, ਬੈਗ ਵੀ ਪਾੜਿਆ
ਜਸਕਰਨ ਪਾਲ ਸਿੰਘ ਨੇ ਦੱਸਿਆ ਕਿ ਉਹ ਰੋਜ਼ਾਨਾ ਵਾਂਗ ਦਫ਼ਤਰ ਵੱਲ ਜਾ ਰਿਹਾ ਸੀ ਜਦੋਂ ਅਚਾਨਕ ਇਕ ਡੋਰ ਉਸਦੀ ਗਰਦਨ ਅਤੇ ਉਂਗਲੀ ਵਿਚ ਫਸ ਗਈ। ਡੋਰ ਐਨੀ ਤਿੱਖੀ ਸੀ ਕਿ ਉਸਦਾ ਬੈਗ ਪੂਰੀ ਤਰ੍ਹਾਂ ਕੱਟ ਗਿਆ ਅਤੇ ਗਰਦਨ ਤੇ ਹੱਥ ’ਤੇ ਡੂੰਘੇ ਜਖ਼ਮ ਆ ਗਏ। ਖੁਸ਼ਕਿਸਮਤੀ ਨਾਲ ਉਸਦੀ ਜਾਨ ਬਚ ਗਈ ਪਰ ਹਾਦਸੇ ਨੇ ਉਸਨੂੰ ਸਦਮੇ ’ਚ ਛੱਡ ਦਿੱਤਾ।
ਸਰਕਾਰ ਤੇ ਪ੍ਰਸ਼ਾਸਨ ਨੂੰ ਅਪੀਲ – “ਹੁਣ ਨਹੀਂ ਤਾਂ ਕਦੋਂ?”
ਜਸਕਰਨ ਨੇ ਰਾਜ ਸਰਕਾਰ ਤੇ ਪ੍ਰਸ਼ਾਸਨ ਨੂੰ ਅਪੀਲ ਕੀਤੀ ਕਿ ਚਾਇਨਾ ਡੋਰ ’ਤੇ ਤੁਰੰਤ ਪੂਰੀ ਪਾਬੰਦੀ ਲਗਾਈ ਜਾਵੇ। ਉਸਦਾ ਕਹਿਣਾ ਹੈ ਕਿ “ਅੱਜ ਮੇਰੇ ਨਾਲ ਵਾਪਰਿਆ, ਕੱਲ੍ਹ ਕਿਸੇ ਹੋਰ ਦੀ ਜਾਨ ਵੀ ਜਾ ਸਕਦੀ ਹੈ। ਹੁਣੇ ਕਾਰਵਾਈ ਹੋਣੀ ਚਾਹੀਦੀ ਹੈ।” ਸਥਾਨਕ ਲੋਕਾਂ ਨੇ ਵੀ ਘਟਨਾ ’ਤੇ ਗੁੱਸਾ ਜ਼ਾਹਿਰ ਕਰਦਿਆਂ ਮੰਗ ਕੀਤੀ ਕਿ ਬਾਜ਼ਾਰਾਂ ਵਿੱਚ ਚਾਇਨਾ ਡੋਰ ਵੇਚਣ ਵਾਲਿਆਂ ’ਤੇ ਸਖ਼ਤ ਕਾਰਵਾਈ ਕੀਤੀ ਜਾਵੇ।
