ਚੰਡੀਗੜ੍ਹ :- ਹਰਿਆਣਾ ਅਤੇ ਪੰਜਾਬ ਪੁਲਸ ਨੇ 21 ਨਵੰਬਰ ਨੂੰ ਗੈਂਗਸਟਰ ਮਾਫ਼ੀਆ ‘ਤੇ ਸਿੱਧਾ ਜੰਗੀ ਐਕਸ਼ਨ ਚਲਾਇਆ। ਇੱਕੋ ਦਿਨ ਦੋਵਾਂ ਰਾਜਾਂ ਵਿੱਚ ਚਾਰ ਵੱਡੇ ਐਨਕਾਊਂਟਰ ਹੋਏ, ਜਿਨ੍ਹਾਂ ਨੇ ਦੋਸ਼ੀਆਂ ਦੇ ਹੌਸਲੇ ਪੂਰੀ ਤਰ੍ਹਾਂ ਪਸਤ ਕਰ ਦਿੱਤੇ। ਰੋਹਤਕ ਤੋਂ ਲੈ ਕੇ ਅੰਮ੍ਰਿਤਸਰ, ਲੁਧਿਆਣਾ ਅਤੇ ਫਿਰੋਜ਼ਪੁਰ ਤੱਕ ਗੋਲੀਆਂ ਦੀ ਤੜਤੜਾਹਟ ਸੁਣੀ ਗਈ। ਪੁਲਸ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਹੁਣ ਗੈਂਗਸਟਰਾਂ, ਟਾਰਗੇਟ ਕਿਲਰਾਂ ਅਤੇ ਵਿਦੇਸ਼ੀ ਹੈਂਡਲਰਾਂ ਲਈ ਪੰਜਾਬ–ਹਰਿਆਣਾ ਜ਼ਮੀਨ ਸੁਰੱਖਿਅਤ ਨਹੀਂ ਰਹੀ।
ਲੁਧਿਆਣਾ: ਸਲਮਾਨ ਖਾਨ ਦੇ ਘਰ ਫਾਇਰਿੰਗ ਕਾਂਡ ਨਾਲ ਜੁੜਿਆ ਦੋਸ਼ੀ ਗ੍ਰਿਫਤਾਰ
ਲੁਧਿਆਣਾ ਵਿੱਚ ਪੁਲਸ ਨੇ ਵੱਡੀ ਘੇਰਾਬੰਦੀ ਕਰਕੇ ਇੱਕ ਗਿਰੋਹ ਨੂੰ ਕਾਬੂ ਕੀਤਾ, ਜੋ ਵਰਚੁਅਲ ਨੰਬਰਾਂ ਰਾਹੀਂ ਪਾਕਿਸਤਾਨੀ ਹੈਂਡਲਰਾਂ ਦੇ ਇਸ਼ਾਰਿਆਂ ‘ਤੇ ਕੰਮ ਕਰ ਰਿਹਾ ਸੀ। ਇਨ੍ਹਾਂ ‘ਤੇ ਪੰਜਾਬ ਵਿੱਚ ਧਾਰਮਿਕ ਅਮਨ ਭੰਗ ਕਰਨ ਤੇ ਗ੍ਰੇਨੇਡ ਹਮਲੇ ਦੀ ਯੋਜਨਾ ਦਾ ਦੋਸ਼ ਹੈ। ਪੁੱਛਗਿੱਛ ਵਿੱਚ ਇੱਕ ਬੰਦੇ ਨੇ ਕਬੂਲਿਆ ਕਿ ਉਸਦੇ ਭਰਾ ਹੈਰੀ ਦੇ ਨਾਲ ਮਿਲਕੇ ਸਲਮਾਨ ਖਾਨ ਦੇ ਘਰ ‘ਤੇ ਗੋਲੀਆਂ ਚਲਾਉਣ ਵਿੱਚ ਉਹ ਸ਼ਾਮਲ ਸੀ।
ਅੰਮ੍ਰਿਤਸਰ: ਆਈਐਸਆਈ ਨਾਲ ਜੁੜਿਆ ਹਰਜਿੰਦਰ ਉਰਫ਼ ਹੈਰੀ ਢੇਰ
ਅੰਮ੍ਰਿਤਸਰ ਵਿੱਚ ਪੁਲਸ ਨੇ ਕੁਖਿਆਤ ਗੈਂਗਸਟਰ ਹਰਜਿੰਦਰ ਉਰਫ਼ ਹੈਰੀ ਨੂੰ ਮੁਠਭੇੜ ਦੌਰਾਨ ਮਾਰ ਗਿਰਾਇਆ। ਹੈਰੀ ਕੁਝ ਸਮਾਂ ਪਹਿਲਾਂ ਹੀ ਜੇਲ੍ਹ ਤੋਂ ਬਾਹਰ ਆਇਆ ਸੀ ਅਤੇ ਆਈਐਸਆਈ ਨਾਲ ਸੰਪਰਕ ਵਿੱਚ ਸੀ। ਸੂਚਨਾ ਮਿਲਣ ‘ਤੇ ਪੁਲਸ ਨੇ ਕਾਰਵਾਈ ਸ਼ੁਰੂ ਕੀਤੀ ਅਤੇ ਗੋਲੀਬਾਰੀ ਵਿੱਚ ਹੈਰੀ ਜ਼ਖਮੀ ਹੋ ਕੇ ਹਸਪਤਾਲ ਵਿੱਚ ਮਰ ਗਿਆ। ਇਸਦੇ ਪਾਸੋਂ ਦੋ ਪਿਸਤੌਲ ਤੇ ਕਾਰਤੂਸ ਮਿਲੇ।
ਫਿਰੋਜ਼ਪੁਰ: RSS ਨੇਤਾ ਨਵੀਨ ਅਰੋੜਾ ਦੀ ਹੱਤਿਆ ਦਾ ਮੁੱਖ ਦੋਸ਼ੀ ਕਾਬੂ
ਫਿਰੋਜ਼ਪੁਰ ਵਿੱਚ ਟਾਰਗੇਟ ਕਿਲਿੰਗ ਮਾਮਲੇ ਦੇ ਭਾਗੋੜੇ ਗੁਰਸਿਮਰਨ ਉਰਫ਼ ਕਾਲਾ ਨੂੰ ਮੁਠਭੇੜ ਦੌਰਾਨ ਪੁਲਸ ਨੇ ਲੱਤ ਵਿੱਚ ਗੋਲੀ ਮਾਰਕੇ ਕਾਬੂ ਕੀਤਾ। ਕਾਲਾ ਉੱਤੇ ਵਿਦੇਸ਼ੀ ਸਾਜ਼ਿਸ਼ਕਰਤਾਵਾਂ ਨਾਲ ਮਿਲਕੇ RSS ਨੇਤਾ ਨਵੀਨ ਅਰੋੜਾ ਦੀ ਹੱਤਿਆ ਕਰਨ ਦੇ ਦੋਸ਼ ਹਨ। ਪੁਲਸ ਨੇ ਵਿਦੇਸ਼ੀ ਮਾਸਟਰਮਾਈਂਡ ਦੀ ਵੀ ਪਛਾਣ ਕਰ ਲਈ ਹੈ।
ਰੋਹਤਕ: ਆਨਰ ਕਿਲਿੰਗ ਦੇ ਭਗੋੜੇ ਦੋਸ਼ੀ ਜ਼ਖਮੀ ਕਰਕੇ ਗ੍ਰਿਫਤਾਰ
ਹਰਿਆਣਾ ਦੇ ਰੋਹਤਕ ਵਿੱਚ ਸੀਆਈਏ ਟੀਮ ਨੇ ਅੱਧੀ ਰਾਤ ਓਪਰੇਸ਼ਨ ਚਲਾਕੇ ਸਪਨਾ ਆਨਰ ਕਿਲਿੰਗ ਦੇ ਦੋਸ਼ੀਆਂ ਨੂੰ ਗੋਲੀ ਲੱਗਣ ਤੋਂ ਬਾਅਦ ਗ੍ਰਿਫਤਾਰ ਕੀਤਾ। ਦੋਵਾਂ ਰਾਜਾਂ ਵਿੱਚ ਦਿਨ ਭਰ ਚਲੇ ਓਪਰੇਸ਼ਨ ਦੌਰਾਨ ਪੁਲਸ ਨੇ ਬਹੁਤ ਸਾਰਾ ਹਥਿਆਰ, ਹੈਂਡ ਗ੍ਰੇਨੇਡ ਅਤੇ ਗੋਲੀਆਂ ਵੀ ਬਰਾਮਦ ਕੀਤੀਆਂ।
ਪੁਲਸ ਦਾ ਸਪੱਸ਼ਟ ਸੰਦੇਸ਼
ਇੱਕੋ ਦਿਨ ਚਾਰੇ ਐਨਕਾਊਂਟਰ ਕਰਕੇ ਦੋਵਾਂ ਰਾਜਾਂ ਦੀ ਪੁਲਸ ਨੇ ਦਰਸਾ ਦਿੱਤਾ ਹੈ ਕਿ ਗੈਂਗਸਟਰਾਂ, ਟਾਰਗੇਟ ਕਿਲਰਾਂ ਅਤੇ ਆਤੰਕੀ ਲਿੰਕਾਂ ਨੂੰ ਚੁਣੌਤੀ ਦੇਣਾ ਹੁਣ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਸੁਰੱਖਿਆ ਏਜੰਸੀਆਂ ਦਾ ਮੰਨਣਾ ਹੈ ਕਿ ਇਹ ਓਪਰੇਸ਼ਨ ਅਗਲੇ ਦਿਨਾਂ ਵਿੱਚ ਹੋਰ ਸਖ਼ਤ ਰੂਪ ਲੈ ਸਕਦਾ ਹੈ।
