ਓਵਲ ’ਚ ਭਾਰਤ ਦਾ ਸ਼ਾਨਦਾਰ ਪ੍ਰਦਰਸ਼ਨ, ਸਿਰਾਜ-ਪ੍ਰਸਿੱਧ ਦੀ ਘਾਤਕ ਬੌਲਿੰਗ ਨਾਲ ਮਿਲੀ ਜਿੱਤ, ਇੰਗਲੈਂਡ ਨਾਲ ਸੀਰੀਜ਼ ਬਰਾਬਰ
ਅਖੀਰਲੇ ਦਿਨ ਤੱਕ ਚਲਿਆ ਟੈਸਟ, ਭਾਰਤ ਨੇ ਦਿਲ ਚਿੱਤ ਲੈਣ ਵਾਲੀ ਜਿੱਤ ਨਾਲ ਕੀਤਾ ਹਿਸਾਬ ਬਰਾਬਰ
ਲੰਡਨ ਦੇ ਓਵਲ ਸਟੇਡਿਅਮ ਵਿੱਚ ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਖੇਡੀ ਗਈ ਪੰਜ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਆਖਰੀ ਮੁਕਾਬਲਾ ਦਮਦਾਰ ਰਿਹਾ। ਇਹ ਮੈਚ ਆਖਰੀ ਦਿਨ ਤੱਕ ਖਿੱਚਿਆ ਗਿਆ ਅਤੇ ਭਾਰਤ ਨੇ ਇਸ ਵਿੱਚ ਵਧੀਆ ਜਿੱਤ ਦਰਜ ਕਰਕੇ ਸੀਰੀਜ਼ 2-2 ਦੀ ਬਰਾਬਰੀ ‘ਤੇ ਖਤਮ ਕੀਤੀ।
ਹਾਲਾਂਕਿ ਅੰਕੜਿਆਂ ਅਨੁਸਾਰ ਇਹ ਸੀਰੀਜ਼ ਡਰਾਅ ਰਹੀ, ਪਰ ਭਾਰਤੀ ਟੀਮ ਦੇ ਪ੍ਰਦਰਸ਼ਨ ਨੂੰ ਵੇਖਦਿਆਂ ਇਹਨੂੰ ਜਿੱਤ ਹੀ ਮੰਨਿਆ ਜਾ ਰਿਹਾ ਹੈ।
ਇੰਗਲੈਂਡ ਨੇ ਪਹਿਲਾ ਮੈਚ ਜਿੱਤਿਆ ਸੀ, ਪਰ ਭਾਰਤ ਨੇ ਦੂਜੇ ਮੈਚ ਵਿਚ ਵਾਪਸੀ ਕਰਦਿਆਂ ਮੌਜੂਦਾ ਫਾਰਮ ਸਾਬਤ ਕਰ ਦਿੱਤੀ। ਤੀਜਾ ਮੈਚ ਲਾਰਡਸ ‘ਚ ਹੋਇਆ ਜਿਸ ਵਿੱਚ ਭਾਰਤ ਨੂੰ ਹਾਰ ਮਿਲੀ, ਪਰ ਚੌਥਾ ਮੈਚ ਡਰਾਅ ਰਿਹਾ। ਆਖਰੀ ਮੈਚ ਵਿੱਚ ਭਾਰਤ ਨੇ ਦਿਲ ਜਿੱਤ ਲੈਣ ਵਾਲੀ ਜਿੱਤ ਦਰਜ ਕਰਕੇ ਸੀਰੀਜ਼ ਵਿਚ ਬਰਾਬਰੀ ਹਾਸਲ ਕਰ ਲਈ।
ਸਿਰਾਜ ਦੀ ਗੇਂਦਬਾਜ਼ੀ ਬਣੀ ਜਿੱਤ ਦੀ ਕੁੰਜੀ, ਗਿੱਲ ਦੀ ਕਮਾਨੀ ਕਾਬਿਲੇ-ਤਾਰੀਫ਼
ਭਾਰਤੀ ਤੇਜ਼ ਗੇਂਦਬਾਜ਼ੀ ਦੀ ਤਿਕੜੀ ਨੇ ਇਸ ਮੈਚ ਵਿਚ ਕਮਾਲ ਕਰ ਦਿੱਤਾ। ਮੁਹੰਮਦ ਸਿਰਾਜ ਨੇ ਦੋਹਾਂ ਇਨਿੰਗਜ਼ ਵਿਚ 9 ਵਿਕਟਾਂ ਲਈਆਂ, ਜਿਸ ਨਾਲ ਮੈਚ ਦਾ ਪਾਸਾ ਭਾਰਤ ਦੇ ਹੱਕ ’ਚ ਮੁੜ ਗਿਆ। ਪ੍ਰਸਿੱਧ ਕ੍ਰਿਸ਼ਨਾ ਨੇ ਵੀ 8 ਵਿਕਟਾਂ ਨਾਲ ਸਿਰਾਜ ਦਾ ਚੰਗਾ ਸਾਥ ਦਿੱਤਾ।
ਭਾਰਤ ਨੇ ਮੈਚ ’ਚ ਸਿਰਫ਼ 3 ਤੇਜ਼ ਗੇਂਦਬਾਜ਼ ਖਿਡਾਏ ਸਨ, ਜਿਸ ਨਾਲ ਕਪਤਾਨ ਸ਼ੁਭਮਨ ਗਿੱਲ ਲਈ ਇਹ ਮੈਚ ਮੈਨੇਜ ਕਰਨਾ ਚੁਣੌਤੀ ਭਰਪੂਰ ਸੀ, ਪਰ ਉਨ੍ਹਾਂ ਨੇ ਸ਼ਾਨਦਾਰ ਕੰਮ ਕਰਕੇ ਆਪਣੇ ਆਪ ਨੂੰ ਇੰਗਲੈਂਡ ਵਿਚ ਅਟੁੱਟ ਰਹਿਣ ਵਾਲੇ ਕਪਤਾਨਾਂ ‘ਚ ਸ਼ਾਮਿਲ ਕਰਵਾ ਲਿਆ।
ਯਸ਼ਸਵੀ ਦਾ ਸ਼ਤਕ, ਜਡੇਜਾ-ਵਾਸ਼ਿੰਗਟਨ ਦਾ ਯੋਗਦਾਨ; ਇੰਗਲੈਂਡ ਨੂੰ ਮਿਲੀ ਲਾਰਡਜ਼ ਦੀ ਜਵਾਬੀ ਹਾਰ
ਭਾਰਤ ਨੇ ਪਹਿਲੀ ਇਨਿੰਗ ਵਿਚ 224 ਰਨ ਬਣਾਏ, ਜਦਕਿ ਇੰਗਲੈਂਡ ਨੇ 247 ਰਨ ਜੋੜ ਕੇ 23 ਰਨਾਂ ਦੀ ਲੀਡ ਲੈ ਲਈ। ਪਰ ਭਾਰਤ ਨੇ ਦੂਜੀ ਇਨਿੰਗ ਵਿੱਚ ਘਾਤਕ ਬੈਟਿੰਗ ਕਰਦਿਆਂ 396 ਰਨ ਲਾਏ।
ਯਸ਼ਸਵੀ ਜੈਸਵਾਲ ਨੇ ਤੀਬਰ ਸ਼ਤਕ ਜੜਿਆ, ਜਦਕਿ ਆਕਾਸ਼ ਦੀਪ, ਰਵਿੰਦਰ ਜਡੇਜਾ ਅਤੇ ਵਾਸ਼ਿੰਗਟਨ ਸੁੰਦਰ ਨੇ ਅਰਧਸ਼ਤਕ ਲਾ ਕੇ ਭਾਰਤ ਨੂੰ ਵੱਡੀ ਲੀਡ ਦਿੱਤੀ।
ਇੰਗਲੈਂਡ ਨੇ ਜਿੱਤ ਲਈ 374 ਰਨਾਂ ਦਾ ਟਾਰਗੇਟ ਹਾਸਿਲ ਕਰਨਾ ਸੀ, ਪਰ ਉਨ੍ਹਾਂ ਦੀ ਟੀਮ ਸਿਰਫ਼ 368 ‘ਤੇ ਢੇਰ ਹੋ ਗਈ। ਸਿਰਫ਼ 6 ਰਨ ਦੇ ਅੰਤਰ ਨਾਲ ਭਾਰਤ ਨੇ ਇਹ ਮੈਚ ਜਿੱਤ ਲਿਆ। ਇਹ ਵਾਹੀ ਕਰੀਬੀ ਹਾਰ ਸੀ ਜੋ ਲਾਰਡਜ਼ ‘ਚ ਭਾਰਤ ਨੂੰ ਮਿਲੀ ਸੀ, ਜਿਸਦਾ ਜਵਾਬ ਓਵਲ ‘ਚ ਦੇ ਦਿੱਤਾ ਗਿਆ।
