ਵੋਟਰ ਆਈਡੀ ਨਾ ਹੋਣ ’ਤੇ ਵੀ ਪਾ ਸਕੋਗੇ ਵੋਟ — ਚੋਣ ਕਮਿਸ਼ਨ ਨੇ ਦਿੱਤੀ 12 ਦਸਤਾਵੇਜ਼ਾਂ ਨਾਲ ਪਛਾਣ ਦੀ ਮਨਜ਼ੂਰੀ

ਚੰਡੀਗੜ੍ਹ :- ਭਾਰਤੀ ਚੋਣ ਕਮਿਸ਼ਨ (ECI) ਨੇ ਆਉਣ ਵਾਲੀਆਂ ਚੋਣਾਂ ਨੂੰ ਹੋਰ ਸੁਗਮ ਅਤੇ ਪਾਰਦਰਸ਼ੀ ਬਣਾਉਣ ਵੱਲ ਇੱਕ ਵੱਡਾ ਕਦਮ ਚੁੱਕਿਆ ਹੈ। ਹੁਣ ਜੇ ਕਿਸੇ ਵੋਟਰ ਕੋਲ ਵੋਟਰ ਆਈਡੀ ਕਾਰਡ (EPIC) ਨਹੀਂ ਹੈ, ਤਾਂ ਵੀ ਉਹ ਬਿਨਾਂ ਕਿਸੇ ਰੁਕਾਵਟ ਦੇ ਆਪਣਾ ਮਤਾਧਿਕਾਰ ਵਰਤ ਸਕੇਗਾ। ਚੋਣ ਕਮਿਸ਼ਨ ਨੇ 7 ਅਕਤੂਬਰ 2025 ਨੂੰ ਜਾਰੀ ਨੋਟੀਫਿਕੇਸ਼ਨ ਰਾਹੀਂ ਸਪੱਸ਼ਟ ਕੀਤਾ ਹੈ ਕਿ ਪਛਾਣ ਲਈ 12 ਹੋਰ ਸਰਕਾਰੀ ਫੋਟੋ ਪਛਾਣ ਪੱਤਰਾਂ ਨੂੰ ਵੀ ਵੈਧ ਮੰਨਿਆ ਜਾਵੇਗਾ। ਇਹ ਫੈਸਲਾ ਖ਼ਾਸਕਰ ਪੇਂਡੂ ਇਲਾਕਿਆਂ, ਨਵੇਂ ਵੋਟਰਾਂ ਅਤੇ ਉਹਨਾਂ ਲੋਕਾਂ ਲਈ ਰਾਹਤ ਲੈ ਕੇ ਆਇਆ ਹੈ ਜਿਨ੍ਹਾਂ ਦੇ ਵੋਟਰ ਕਾਰਡ ਅਜੇ ਤੱਕ ਨਹੀਂ ਬਣੇ।

ਇਹ 12 ਪਛਾਣ ਪੱਤਰ ਹੋਣਗੇ ਵੋਟ ਪਾਉਣ ਲਈ ਵੈਧ
ਚੋਣ ਕਮਿਸ਼ਨ ਦੇ ਨਵੇਂ ਹੁਕਮ ਅਨੁਸਾਰ, ਜੇ ਕਿਸੇ ਵੋਟਰ ਕੋਲ ਵੋਟਰ ਆਈਡੀ ਨਹੀਂ ਹੈ, ਤਾਂ ਉਹ ਹੇਠ ਲਿਖੇ ਕਿਸੇ ਵੀ 12 ਦਸਤਾਵੇਜ਼ਾਂ ਨਾਲ ਆਪਣੀ ਪਛਾਣ ਕਰਵਾ ਕੇ ਵੋਟ ਪਾ ਸਕਦਾ ਹੈ —

1. ਆਧਾਰ ਕਾਰਡ

2. ਮਨਰੇਗਾ ਜੌਬ ਕਾਰਡ

3. ਬੈਂਕ ਜਾਂ ਡਾਕਘਰ ਦੁਆਰਾ ਜਾਰੀ ਕੀਤੀ ਗਈ ਫੋਟੋ ਪਾਸਬੁੱਕ

4. ਕਿਰਤ ਮੰਤਰਾਲੇ ਜਾਂ ਆਯੁਸ਼ਮਾਨ ਭਾਰਤ ਸਿਹਤ ਯੋਜਨਾ ਤਹਿਤ ਜਾਰੀ ਸਿਹਤ ਬੀਮਾ ਸਮਾਰਟ ਕਾਰਡ

   1. ਡਰਾਈਵਿੰਗ ਲਾਇਸੈਂਸ

   2. ਪੈਨ ਕਾਰਡ

   3. ਸਮਾਰਟ ਕਾਰਡ

   4. ਭਾਰਤੀ ਪਾਸਪੋਰਟ

   5. ਫੋਟੋ ਸਮੇਤ ਪੈਨਸ਼ਨ ਦਸਤਾਵੇਜ਼

   6. ਕੇਂਦਰ, ਰਾਜ ਸਰਕਾਰ, ਪਬਲਿਕ ਸੈਕਟਰ ਯੂਨਿਟ ਜਾਂ ਪਬਲਿਕ ਲਿਮਟਿਡ ਕੰਪਨੀ ਦੁਆਰਾ ਕਰਮਚਾਰੀਆਂ ਨੂੰ ਜਾਰੀ ਕੀਤੇ ਫੋਟੋ ਵਾਲੇ ਸਰਵਿਸ ਆਈਡੀ ਕਾਰਡ

   7. ਸੰਸਦ ਮੈਂਬਰਾਂ, ਵਿਧਾਇਕਾਂ ਜਾਂ ਵਿਧਾਨ ਪਰਿਸ਼ਦ ਮੈਂਬਰਾਂ ਨੂੰ ਜਾਰੀ ਅਧਿਕਾਰਤ ਪਛਾਣ ਪੱਤਰ

   8. ਸਮਾਜਿਕ ਨਿਆਂ ਅਤੇ ਸਸ਼ਕਤੀਕਰਨ ਮੰਤਰਾਲੇ ਵੱਲੋਂ ਜਾਰੀ ਵਿਲੱਖਣ ਅਪੰਗਤਾ ਪਛਾਣ ਪੱਤਰ (UDID ਕਾਰਡ)

ਲੋਕਤੰਤਰ ਮਜ਼ਬੂਤ ਕਰਨ ਵੱਲ ਕਦਮ
ਇਹ ਫੈਸਲਾ ਚੋਣ ਕਮਿਸ਼ਨ ਵੱਲੋਂ ਲੋਕਤੰਤਰਕ ਪ੍ਰਕਿਰਿਆ ਨੂੰ ਹੋਰ ਸਭ-ਸਮਾਵੇਸ਼ੀ ਬਣਾਉਣ ਵੱਲ ਇੱਕ ਮਹੱਤਵਪੂਰਣ ਕਦਮ ਮੰਨਿਆ ਜਾ ਰਿਹਾ ਹੈ, ਜਿਸ ਨਾਲ ਹਰ ਨਾਗਰਿਕ ਨੂੰ ਆਪਣਾ ਵੋਟ ਦੇਣ ਦਾ ਅਧਿਕਾਰ ਬਿਨਾਂ ਕਿਸੇ ਤਕਨੀਕੀ ਰੁਕਾਵਟ ਦੇ ਮਿਲੇਗਾ।