ਚੰਡੀਗੜ੍ਹ :- ਸਤਲੁਜ ਦਰਿਆ ਦੇ ਕੰਢੇ ਅੱਜ ਸਵੇਰੇ ਛੱਟ ਪੂਜਾ ਦੇ ਦੌਰਾਨ ਆਸਥਾ ਦਾ ਵਿਲੱਖਣ ਦਰਸ਼ਨ ਹੋਇਆ। ਉੱਤਰ ਪ੍ਰਦੇਸ਼ ਅਤੇ ਬਿਹਾਰ ਤੋਂ ਸਬੰਧਿਤ ਪ੍ਰਵਾਸੀ ਪਰਿਵਾਰ ਵੱਡੀ ਗਿਣਤੀ ਵਿੱਚ ਇਕੱਠੇ ਹੋਏ ਅਤੇ ਪਾਣੀ ਵਿੱਚ ਖੜ੍ਹ ਕੇ ਸੂਰਜ ਦੇਵਤਾ ਅੱਗੇ ਪ੍ਰਾਰਥਨਾ ਕੀਤੀ। ਸ਼ਰਧਾਲੂਆਂ ਵੱਲੋਂ ਪਰਿਵਾਰਕ ਸੁਖ-ਸਮ੍ਰਿੱਧੀ, ਸੰਤਾਨ-ਰੱਖਿਆ ਅਤੇ ਚੰਗੀ ਸਿਹਤ ਲਈ ਅਰਦਾਸ ਕੀਤੀ ਗਈ।
ਰਵਾਇਤੀ ਰੰਗਾਂ-ਰੂਪ ਨਾਲ ਮਨਾਇਆ ਗਿਆ ਤਿਉਹਾਰ
ਔਰਤਾਂ ਅਤੇ ਮਰਦਾਂ ਨੇ ਰਵਾਇਤੀ ਪਹਿਰਾਵੇ ਵਿੱਚ ਪੂਜਾ ਅਦਾ ਕੀਤੀ। ਸੂਪ, ਫਲਾਂ, ਗੰਨੇ, ਤੇਕਰੀਆਂ ਅਤੇ ਮਿਠਾਈਆਂ ਨਾਲ ਸਜੇ ਟੋਕਰੇ ਦਰਿਆ-ਕਿਨਾਰੇ ਆਸਥਾ ਦਾ ਦ੍ਰਿਸ਼ ਰਚ ਰਹੇ ਸਨ। ਸੁਰਜੋਦੇ ਤੋਂ ਪਹਿਲਾਂ ਭਜਨ-ਕੀਰਤਨ ਤੇ ਆਰਤੀਆਂ ਦੇ ਸੁਰਾਂ ਨਾਲ ਪੂਰਾ ਇਲਾਕਾ ਗੂੰਜਦਾ ਰਿਹਾ।
ਪ੍ਰਾਚੀਨ ਵੇਦਕ ਪਰੰਪਰਾ ਨਾਲ ਜੁੜਿਆ ਇਹ ਤਿਉਹਾਰ
ਛੱਟ ਪੂਜਾ ਸੂਰਜ ਦੇਵਤਾ ਨੂੰ ਸਮਰਪਿਤ ਸਭ ਤੋਂ ਪ੍ਰਾਚੀਨ ਧਾਰਮਿਕ ਰਸਮਾਂ ਵਿਚੋਂ ਇੱਕ ਮੰਨੀ ਜਾਂਦੀ ਹੈ। ਇਸ ਤਿਉਹਾਰ ਵਿੱਚ ਚਾਰ ਦਿਨਾਂ ਤੱਕ ਵੱਖ-ਵੱਖ ਉਪਾਸਨਾਵਾਂ ਕੀਤੀਆਂ ਜਾਂਦੀਆਂ ਹਨ, ਜਿਨ੍ਹਾਂ ਵਿੱਚ ਉਦੀਅਮਾਨ ਸੂਰਜ ਅਰਘਿਆ ਸਭ ਤੋਂ ਮਹੱਤਵਪੂਰਨ ਮੰਨੀ ਜਾਂਦੀ ਹੈ। ਇਹ ਉਪਾਸਨਾ ਮਨੁੱਖ ਦੇ ਪ੍ਰਕ੍ਰਿਤੀ ਪ੍ਰਤੀ ਕ੍ਰਿਤਜ ਹੋਣ ਦਾ ਪ੍ਰਤੀਕ ਮੰਨੀ ਜਾਂਦੀ ਹੈ।
ਪ੍ਰਸ਼ਾਸਨ ਵੱਲੋਂ ਵਿਸ਼ੇਸ਼ ਪ੍ਰਬੰਧ
ਨੰਗਲ ਪ੍ਰਸ਼ਾਸਨ ਵੱਲੋਂ ਸੁਰੱਖਿਆ ਅਤੇ ਸਫ਼ਾਈ ਦੇ ਕੜੇ ਪ੍ਰਬੰਧ ਕੀਤੇ ਗਏ। ਦਰਿਆ-ਕਿਨਾਰੇ ਬੈਰੀਕੇਡ ਲਗਾਏ ਗਏ, ਰੋਸ਼ਨੀ ਅਤੇ ਮੈਡੀਕਲ ਸਹਾਇਤਾ ਲਈ ਪ੍ਰਬੰਧ ਉਪਲਬਧ ਕਰਵਾਏ ਗਏ। ਸਥਾਨਕ ਲੋਕਾਂ ਨੇ ਵੀ ਪ੍ਰਵਾਸੀ ਭਾਈਚਾਰੇ ਦੀ ਮਦਦ ਲਈ ਵੋਲੰਟੀਅਰ ਵਜੋਂ ਸੇਵਾ ਨਿਭਾਈ।
