ਪਟਨਾ :- ਨਵੀਂ ਸਰਕਾਰ ਬਣਦੇ ਹੀ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਇਹ ਸਪਸ਼ਟ ਕਰ ਦਿੱਤਾ ਕਿ ਅਗਲੇ ਪੰਜ ਸਾਲ ਬਿਹਾਰ ਲਈ ਬਦਲਾਅ ਦੇ ਹੋਣਗੇ। ਪਟਨਾ ਵਿੱਚ ਹੋਈ ਪਹਿਲੀ ਕੈਬਨਿਟ ਮੀਟਿੰਗ ਵਿੱਚ 10 ਮਹੱਤਵਪੂਰਨ ਪ੍ਰਸਤਾਵਾਂ ਨੂੰ ਮਨਜ਼ੂਰੀ ਦਿੱਤੀ ਗਈ, ਜਿਸ ਵਿੱਚ ਸਭ ਤੋਂ ਵੱਡਾ ਫੈਸਲਾ ਰੁਜ਼ਗਾਰ ਨੂੰ ਲੈ ਕੇ ਹੈ। ਸਰਕਾਰ ਦਾ ਲਕਸ਼ ਹੈ ਕਿ 2030 ਤੱਕ ਇੱਕ ਕਰੋੜ ਨੌਜਵਾਨਾਂ ਨੂੰ ਨੌਕਰੀ ਜਾਂ ਰੁਜ਼ਗਾਰ ਨਾਲ ਜੋੜਿਆ ਜਾਵੇ।
ਬਿਹਾਰ ਨੂੰ ਬਣਾਇਆ ਜਾਵੇਗਾ ਪੂਰਬੀ ਭਾਰਤ ਦਾ ਸਭ ਤੋਂ ਵੱਡਾ ‘ਟੈੱਕ ਹੱਬ’
ਮੁੱਖ ਸਕੱਤਰ ਨੇ ਦੱਸਿਆ ਕਿ ਸਰਕਾਰ ਬਿਹਾਰ ਨੂੰ ਆਧੁਨਿਕ ਤਕਨੀਕਾਂ ਦਾ ਕੇਂਦਰ ਬਣਾਉਣ ਲਈ ਮਜ਼ਬੂਤੀ ਨਾਲ ਅੱਗੇ ਵੱਧ ਰਹੀ ਹੈ। ਰਾਜ ਨੂੰ ‘ਬੈਕ-ਐਂਡ ਹੱਬ’ ਅਤੇ ‘ਗਲੋਬਲ ਵਰਕ ਪਲੇਸ’ ਦੇ ਤੌਰ ਤੇ ਤਿਆਰ ਕਰਨ ਲਈ ‘ਨਿਊ ਏਜ ਇਕਾਨਮੀ’ ’ਤੇ ਧਿਆਨ ਦਿੱਤਾ ਜਾ ਰਿਹਾ ਹੈ। ਇਸ ਲਈ ਉੱਚ-ਪੱਧਰੀ ਕਮੇਟੀ ਬਣਾਈ ਗਈ ਹੈ, ਜੋ 6 ਮਹੀਨਿਆਂ ਵਿੱਚ ਰਿਪੋਰਟ ਪੇਸ਼ ਕਰੇਗੀ।
ਡਿਫੈਂਸ ਕਾਰੀਡੋਰ ਅਤੇ ਸੈਮੀਕੰਡਕਟਰ ਪਾਰਕ ਦੀ ਤਿਆਰੀ
ਰਾਜ ਵਿੱਚ ਡਿਫੈਂਸ ਕਾਰੀਡੋਰ, ਸੈਮੀਕੰਡਕਟਰ ਪਾਰਕ ਅਤੇ ਮੈਗਾ ਟੈੱਕ ਸਿਟੀ ਬਣਾਉਣ ਦੀ ਪ੍ਰਕਿਰਿਆ ਚੱਲ ਰਹੀ ਹੈ। ਇਹ ਪ੍ਰੋਜੈਕਟ ਬਿਹਾਰ ਦੀ ਅਰਥਵਿਵਸਥਾ ਨੂੰ ਨਵੀਂ ਰਫ਼ਤਾਰ ਦੇਣ ਦੀ ਸਮਰੱਥਾ ਰੱਖਦੇ ਹਨ।
AI ਮਿਸ਼ਨ ਨੂੰ ਮਨਜ਼ੂਰੀ – ਨੌਜਵਾਨਾਂ ਨੂੰ ਮਿਲੇਗੀ ਨਵੀਂ ਟੈਕ ਵੱਲ ਪਹੁੰਚ
ਬਿਹਾਰ ਸਰਕਾਰ ਨੇ ‘ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਮਿਸ਼ਨ’ ਦੀ ਸਥਾਪਨਾ ਨੂੰ ਹਰੀ ਝੰਡੀ ਦੇ ਦਿੱਤੀ ਹੈ। ਇਸ ਮਿਸ਼ਨ ਨਾਲ ਨੌਜਵਾਨਾਂ ਨੂੰ ਭਵਿੱਖ ਦੀਆਂ ਤਕਨੀਕਾਂ ਤੱਕ ਸਿੱਧੀ ਪਹੁੰਚ ਮਿਲੇਗੀ ਅਤੇ ਸੂਬੇ ਨੂੰ AI ਖੇਤਰ ਵਿੱਚ ਮੁੱਖ ਸਥਾਨ ਮਿਲੇਗਾ।
25 ਖੰਡ ਮਿੱਲਾਂ ਚਾਲੂ – ਕਿਸਾਨਾਂ ਲਈ ਵੱਡੀ ਰਾਹਤ
ਕਿਸਾਨਾਂ ਨੂੰ ਵਧੀਆਂ ਮੌਕਿਆਂ ਦੀ ਦੇਣ ਲਈ ਸਰਕਾਰ ਨੇ ਬੰਦ ਪਈਆਂ 9 ਸਰਕਾਰੀ ਖੰਡ ਮਿੱਲਾਂ ਨੂੰ ਦੁਬਾਰਾ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਹੈ। ਕੁੱਲ 25 ਖੰਡ ਮਿੱਲਾਂ ਦੇ ਚਲਣ ਨਾਲ ਪੇਂਡੂ ਅਰਥਵਿਵਸਥਾ ਨੂੰ ਵੱਡਾ ਲਾਭ ਹੋਵੇਗਾ।
ਸੀਤਾਮੜ੍ਹੀ ਵਿੱਚ ਬਣੇਗਾ ਨਵਾਂ ਆਧੁਨਿਕ ਸ਼ਹਿਰ ‘ਸੀਤਾਪੁਰਮ’
ਸ਼ਹਿਰੀ ਵਿਕਾਸ ਲਈ ਪਟਨਾ, ਸੋਨਪੁਰ ਸਮੇਤ 11 ਸ਼ਹਿਰਾਂ ਵਿੱਚ ਨਵੀਆਂ ਟਾਊਨਸ਼ਿਪ ਵਸਾਈਆਂ ਜਾਣਗੀਆਂ। ਸੀਤਾਮੜ੍ਹੀ ਵਿੱਚ ‘ਸੀਤਾਪੁਰਮ’ ਨਾਂ ਦੀ ਇੱਕ ਆਧੁਨਿਕ ਅਤੇ ਸੁਧਰੀ ਟਾਊਨਸ਼ਿਪ ਤਿਆਰ ਹੋਵੇਗੀ, ਜੋ ਨਿਵੇਸ਼ ਅਤੇ ਬੁਨਿਆਦੀ ਸਹੂਲਤਾਂ ਲਈ ਨਵਾਂ ਮਾਇਲਸਟੋਨ ਸਾਬਤ ਹੋਵੇਗੀ।
1 ਦਸੰਬਰ ਤੋਂ ਸਰਦ ਰੁੱਤ ਸੈਸ਼ਨ
ਕੈਬਨਿਟ ਨੇ 1 ਤੋਂ 5 ਦਸੰਬਰ ਤੱਕ ਸਰਦ ਰੁੱਤ ਸੈਸ਼ਨ ਰੱਖਣ ਦਾ ਫੈਸਲਾ ਕੀਤਾ ਹੈ। ਪਹਿਲੇ ਦਿਨ ਨਵੇਂ ਚੁਣੇ ਵਿਧਾਇਕ ਸਹੁੰ ਚੁੱਕਣਗੇ। CM ਨਿਤੀਸ਼ ਕੁਮਾਰ ਨੇ ਕਿਹਾ ਕਿ ਪਿਛਲੀ ਸਰਕਾਰ ਨੇ 50 ਲੱਖ ਰੁਜ਼ਗਾਰ ਦਿੱਤੇ ਸਨ, ਤੇ ਹੁਣ ਇਸ ਤੋਂ ਵੀ ਦੁੱਗਣੀ ਗਤੀ ਨਾਲ ਕੰਮ ਹੋਵੇਗਾ।
