ਹਿਮਾਚਲ ਦੇ 5 ਜ਼ਿਲ੍ਹਿਆਂ ‘ਚ ਮਾਨਸੂਨੀ ਤਬਾਹੀ, ਬੱਦਲ ਫਟਣ ਅਤੇ ਹੜ੍ਹਾਂ ਨਾਲ ਵੱਡਾ ਨੁਕਸਾਨ

ਸ਼ਿਮਲਾ ਜ਼ਿਲ੍ਹੇ ਦੇ ਰਾਮਪੁਰ ਖੇਤਰ ‘ਚ ਸ਼੍ਰੀਖੰਡ ਮਹਾਦੇਵ ਨੇੜੇ ਬੱਦਲ ਫਟਣ ਨਾਲ ਗਨਵੀ ਘਾਟੀ ਵਿੱਚ ਭਾਰੀ ਹੜ੍ਹ ਆ ਗਿਆ। ਇਸ ਦੌਰਾਨ ਗਨਵੀ ਖੱਡ ਓਵਰਫਲੋਅ ਹੋਣ ਕਾਰਨ ਗਨਵੀ ਪੁਲ ਵਹਿ ਗਿਆ, ਜਿਸ ਨਾਲ ਕੁਟ ਅਤੇ ਕਿਆਵ ਪੰਚਾਇਤਾਂ ਦਾ ਸੰਪਰਕ ਰਾਮਪੁਰ ਨਾਲ ਟੁੱਟ ਗਿਆ। ਬੱਸ ਸਟੈਂਡ ਅਤੇ ਨੇੜਲੇ ਬਾਜ਼ਾਰ ਪਾਣੀ ਤੇ ਮਲਬੇ ਨਾਲ ਡੁੱਬ ਗਏ। ਕਈ ਸ਼ੈੱਡ ਵਹਿ ਗਏ ਤੇ ਕੁਝ ਖ਼ਤਰੇ ਵਿੱਚ ਹਨ।

ਕੁੱਲੂ ਦੀ ਤੀਰਥਨ ਘਾਟੀ ਵਿੱਚ ਹੜ੍ਹ ਨੇ 5 ਵਾਹਨਾਂ ਅਤੇ 4 ਝੌਂਪੜੀਆਂ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ। ਲਾਹੌਲ-ਸਪਿਤੀ ਦੀ ਮਯਾਦ ਘਾਟੀ ਵਿੱਚ 22 ਪਰਿਵਾਰਾਂ ਨੂੰ ਸੁਰੱਖਿਅਤ ਥਾਵਾਂ ‘ਤੇ ਪਹੁੰਚਾਇਆ ਗਿਆ। ਇਸੇ ਤਰ੍ਹਾਂ, ਕਿਨੌਰ ਦੇ ਪੂਹ ਵਿੱਚ ਆਈਟੀਬੀਪੀ ਕੈਂਪ ਦੀ ਮਸ਼ੀਨਰੀ ਅਤੇ 5 ਜਵਾਨ ਫਸ ਗਏ, ਜਿਨ੍ਹਾਂ ਦੀ ਰਾਹਤ ਕਾਰਵਾਈ ਜਾਰੀ ਹੈ।

ਪ੍ਰਸ਼ਾਸਨ ਨੇ ਪ੍ਰਭਾਵਿਤ ਖੇਤਰਾਂ ਦੇ ਘਰ ਖਾਲੀ ਕਰਵਾ ਦਿੱਤੇ ਹਨ ਅਤੇ ਲੋਕਾਂ ਨੂੰ ਸਾਵਧਾਨ ਰਹਿਣ ਦੀ ਅਪੀਲ ਕੀਤੀ ਹੈ