ਜਮੂੰ :- ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਯਾਤਰਾ ਮੰਗਲਵਾਰ ਨੂੰ ਵੀ ਖਰਾਬ ਮੌਸਮ ਦੇ ਚਲਦੇ ਮੁਅੱਤਲ ਰਹੀ। ਯਾਤਰਾ ਦਾ ਇਹ ਰੁਕਾਵ ਲਗਾਤਾਰ ਤੀਜੇ ਦਿਨ ਜਾਰੀ ਰਿਹਾ। ਸ਼੍ਰਾਈਨ ਬੋਰਡ ਨੇ ਦੱਸਿਆ ਕਿ ਮੌਸਮ ਵਿਭਾਗ ਦੀ ਚੇਤਾਵਨੀ ਨੂੰ ਧਿਆਨ ਵਿੱਚ ਰੱਖਦਿਆਂ ਇਹ ਫੈਸਲਾ ਕੀਤਾ ਗਿਆ ਹੈ। ਯਾਤਰਾ ਹੁਣ 8 ਅਕਤੂਬਰ (ਬੁੱਧਵਾਰ) ਤੋਂ ਮੁੜ ਸ਼ੁਰੂ ਕਰਨ ਦੀ ਤਿਆਰੀ ਹੈ।
ਅਗਸਤ ਦੇ ਹਾਦਸੇ ਤੋਂ ਬਾਅਦ ਪਹਿਲਾਂ ਵੀ ਰੋਕਣੀ ਪਈ ਸੀ ਯਾਤਰਾ
ਇਹ ਵੀ ਯਾਦ ਰਹੇ ਕਿ 26 ਅਗਸਤ ਨੂੰ ਮੋਹਲੇਧਾਰ ਮੀਂਹ ਅਤੇ ਜ਼ਮੀਨ ਖਿਸਕਣ ਦੀ ਘਟਨਾ ਕਾਰਨ ਯਾਤਰਾ ਰੋਕਣੀ ਪਈ ਸੀ। ਅਰਧਕੁਮਾਰੀ ਨੇੜੇ ਇੰਦਰਪ੍ਰਸਥ ਰੈਸਟੋਰੈਂਟ ਕੋਲ ਹੋਏ ਇਸ ਹਾਦਸੇ ਵਿੱਚ 34 ਲੋਕਾਂ ਦੀ ਜਾਨ ਗਈ ਸੀ, ਜਦਕਿ ਕਈ ਹੋਰ ਯਾਤਰੀ ਜ਼ਖਮੀ ਹੋਏ ਸਨ।
ਯਾਤਰੀਆਂ ਨੂੰ ਅੱਜ ਤੋਂ ਮਿਲੀ ਰਾਹਤ
ਸ਼੍ਰਾਈਨ ਬੋਰਡ ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਮੌਸਮ ਸਧਾਰੂ ਹੋਣ ਦੇ ਬਾਅਦ ਬੁੱਧਵਾਰ ਤੋਂ ਯਾਤਰਾ ਨੂੰ ਮੁੜ ਚਾਲੂ ਕੀਤਾ ਗਿਆ ਹੈ, ਤਾਂ ਜੋ ਰੁਕੇ ਹੋਏ ਸ਼ਰਧਾਲੂ ਆਪਣੀ ਯਾਤਰਾ ਜਾਰੀ ਰੱਖ ਸਕਣ।
