ਨਵੀਂ ਦਿੱਲੀ: ਨੈਸ਼ਨਲ ਡੈਮੋਕ੍ਰੈਟਿਕ ਅਲਾਇੰਸ (ਐੱਨਡੀਏ) ਦੇ ਨਾਮਜ਼ਦ ਉਮੀਦਵਾਰ ਸੀ.ਪੀ. ਰਾਧਾਕ੍ਰਿਸ਼ਣਨ ਨੂੰ ਭਾਰਤ ਦਾ ਨਵਾਂ ਉਪ-ਰਾਸ਼ਟਰਪਤੀ ਚੁਣਿਆ ਗਿਆ ਹੈ। ਉਹਨਾਂ ਨੇ ਜਸਟਿਸ ਬੀ. ਸੁਦਰਸ਼ਨ ਰੈਡੀ ਨੂੰ ਹਰਾ ਦਿੱਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਰਾਧਾਕ੍ਰਿਸ਼ਣਨ ਨੇ 452 ਵੋਟਾਂ ਨਾਲ ਜਿੱਤ ਦਰਜ ਕਰਾਈ ਹੈ, ਕਿਉਂਕਿ ਉਹਨਾਂ ਦੇ ਵਿਰੋਧੀ ਨੂੰ 300 ਵੋਟ ਮਿਲੇ ਹਨ।
788 ਮੈਂਬਰਾਂ ਪਾਰਲੀਮੈਂਟ ਵਿੱਚੋਂ 767 ਨੇ ਵੋਟ ਪਾਏ, ਜੋ ਕਿ 98 ਫੀਸਦੀ ਤੋਂ ਵੱਧ ਵੋਟਰ ਟਰਨਆਊਟ ਨੂੰ ਦਰਸਾਉਂਦਾ ਹੈ। ਇਹਨਾਂ ਵਿੱਚੋਂ 752 ਵੋਟ ਵੈਲਿਡ ਪਾਏ ਗਏ ਅਤੇ 15 ਨੂੰ ਦਰਜ ਨਹੀਂ ਕੀਤਾ ਗਿਆ।
ਇਹ ਚੋਣਾਂ ਜਗਦੀਪ ਧੰਨਖੜ ਦੇ ਅਚਾਨਕ ਅਸਤੀਫੇ ਤੋਂ ਬਾਅਦ ਹੋਈਆਂ ਹਨ। ਧੰਨਖੜ ਨੇ ਜੁਲਾਈ ਵਿੱਚ ਸਿਹਤ ਕਾਰਨਾਂ ਦਾ ਹਵਾਲਾ ਦਿੰਦਿਆਂ ਅਸਤੀਫਾ ਦਿੱਤਾ ਸੀ।
ਸੀ.ਪੀ. ਰਾਧਾਕ੍ਰਿਸ਼ਣਨ ਕੌਣ ਹਨ?
ਰਾਧਾਕ੍ਰਿਸ਼ਣਨ, ਜੋ ਹਾਲ ਹੀ ਵਿੱਚ ਮਹਾਰਾਸ਼ਟਰ ਦੇ ਗਵਰਨਰ ਵਜੋਂ ਭੂਮਿਕਾ ਨਿਭਾਅ ਰਹੇ ਸਨ, ਨੇ 31 ਜੁਲਾਈ 2024 ਨੂੰ ਮੁੰਬਈ ਵਿੱਚ ਰਾਜ ਭਵਨ ਦਾ ਚਾਰਜ ਲਿਆ ਸੀ। ਇਸ ਤੋਂ ਪਹਿਲਾਂ ਉਹ ਲਗਭਗ 18 ਮਹੀਨੇ ਝਾੜਖੰਡ ਦੇ ਰਾਜਪਾਲ ਵੀ ਰਹੇ।
ਉਹਨਾਂ ਦਾ ਕਰੀਅਰ ਰਾਜਨੀਤੀ ਅਤੇ ਜਨ ਸੇਵਾ ਵਿੱਚ ਲੰਬੇ ਸਮੇਂ ਦੀ ਸ਼ਮੂਲੀਅਤ ਨੂੰ ਦਰਸਾਉਂਦਾ ਹੈ, ਜੋ ਤਾਮਿਲਨਾਡੂ ਵਿੱਚ ਡੂੰਘਰੀ ਜੜ੍ਹਾਂ ਵਾਲੀ ਹੈ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਐੱਕਸ ‘ਤੇ ਇੱਕ ਸੁਨੇਹੇ ਵਿੱਚ ਰਾਧਾਕ੍ਰਿਸ਼ਣਨ ਨੂੰ ਇੱਕ ਅਜਿਹਾ ਲੀਡਰ ਕਿਹਾ ਜਿਸ ਨੇ “ਨਮਰਤਾ ਅਤੇ ਬੁੱਧੀ ਨਾਲ ਆਪਣੀ ਪਛਾਣ ਬਣਾਈ ਹੈ” ਅਤੇ ਉਹਨਾਂ ਨੂੰ ਹਾਸ਼ੀਏ ‘ਤੇ ਪਏ ਸਮੁਦਾਇਆਂ ਨੂੰ ਸਸ਼ਕਤ ਬਣਾਉਣ ਲਈ ਉਹਨਾਂ ਦੇ ਨਿਰੰਤਰ ਯਤਨਾਂ ਲਈ ਵਧਾਈ ਦਿੱਤੀ।
20 ਅਕਤੂਬਰ 1957 ਨੂੰ ਤਾਮਿਲਨਾਡੂ ਦੇ ਤਿਰੂਪੂਰ ਵਿੱਚ ਜਨਮੇ ਰਾਧਾਕ੍ਰਿਸ਼ਣਨ ਨੇ ਬਿਜ਼ਨੈੱਸ ਐਡਮਿਨਿਸਟ੍ਰੇਸ਼ਨ ਵਿੱਚ ਪੜ੍ਹਾਈ ਕੀਤੀ ਅਤੇ ਜਲਦੀ ਹੀ ਜਨ ਜੀਵਨ ਵਿੱਚ ਆ ਗਏ। ਉਹ ਤਾਮਿਲਨਾਡੂ ਵਿੱਚ ਓਬੀਸੀ ਗਰੁੱਪ ਗੌਂਡਰ ਕਮਿਊਨਿਟੀ ਨਾਲ ਸਬੰਧਤ ਹਨ ਅਤੇ ਭਾਜਪਾ ਦੀਆਂ ਸੰਗਠਨਾਤਮਕ ਗਤੀਵਿਧੀਆਂ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ।
2004 ਤੋਂ 2007 ਤੱਕ ਉਹ ਭਾਜਪਾ ਦੀ ਤਾਮਿਲਨਾਡੂ ਯੂਨਿਟ ਦੇ ਪ੍ਰਧਾਨ ਵੀ ਰਹੇ ਅਤੇ ਉਹ ਦੋ ਵਾਰ ਲੋਕ ਸਭਾ ਲਈ ਚੁਣੇ ਗਏ। ਉਹਨਾਂ ਦੇ ਸੰਸਦੀ ਅਨੁਭਵ ਅਤੇ ਪ੍ਰਸ਼ਾਸਕੀ ਲੀਡਰਸ਼ਿਪ ਦੇ ਮਿਸ਼ਰਣ ਨੇ ਉਹਨਾਂ ਨੂੰ ਉਪ-ਰਾਸ਼ਟਰਪਤੀ ਪਦ ਲਈ ਮਜ਼ਬੂਤ ਐੱਨਡੀਏ ਉਮੀਦਵਾਰ ਬਣਾਇਆ ਅਤ ਹੁਣ ਉਪ-ਰਾਸ਼ਟਰਪਤੀ ਬਣ ਵੀ ਗਏ ਹਨ।
