ਚੰਡੀਗੜ੍ਹ :- ਅੱਜਕੱਲ੍ਹ ਲੋਕ ਆਪਣੀ ਚਮੜੀ, ਵਾਲ ਅਤੇ ਖੂਬਸੂਰਤੀ ਨੂੰ ਲੰਬੇ ਸਮੇਂ ਤੱਕ ਜਵਾਨ ਰੱਖਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਪਰ ਅਣਜਾਣੇ ਵਿਚ ਕੀਤੀਆਂ ਕੁਝ ਆਮ ਗਲਤੀਆਂ ਚਿਹਰੇ ‘ਤੇ ਜਲਦੀ ਬੁੱਢਾਪੇ ਦੇ ਲੱਛਣ ਲਿਆ ਸਕਦੀਆਂ ਹਨ। ਇਨ੍ਹਾਂ ਵਿੱਚ ਸਭ ਤੋਂ ਵੱਡੀ ਗਲਤੀ ਹੈ—ਜ਼ਿਆਦਾ ਮਿੱਠੀਆਂ ਚੀਜ਼ਾਂ ਦਾ ਸੇਵਨ।
ਕੋਲੇਜਨ ਅਤੇ ਚਮੜੀ ਦਾ ਸਬੰਧ:
ਕੋਲੇਜਨ ਇਕ ਅਹਿਮ ਪ੍ਰੋਟੀਨ ਹੈ ਜੋ ਚਮੜੀ ਨੂੰ ਲਚਕੀਲਾ, ਟਾਈਟ ਅਤੇ ਤੰਦਰੁਸਤ ਰੱਖਦਾ ਹੈ। ਜਦੋਂ ਇਸ ਦੀ ਮਾਤਰਾ ਘਟਦੀ ਹੈ, ਤਾਂ ਸਕਿਨ ਢਿੱਲੀ ਹੋ ਜਾਂਦੀ ਹੈ ਅਤੇ ਝੁਰੜੀਆਂ ਤੇ ਫਾਈਨ ਲਾਈਨਜ਼ ਜਲਦੀ ਦਿਖਾਈ ਦੇਣ ਲੱਗਦੀਆਂ ਹਨ। ਖੰਡ ਦਾ ਜ਼ਿਆਦਾ ਸੇਵਨ ਗਲਾਈਕੇਸ਼ਨ ਪ੍ਰਕਿਰਿਆ ਨੂੰ ਤੇਜ਼ ਕਰਦਾ ਹੈ, ਜਿਸ ਨਾਲ ਕੋਲੇਜਨ ਦੀ ਤਬਾਹੀ ਤੇਜ਼ ਹੋ ਜਾਂਦੀ ਹੈ।
ਚਿਹਰੇ ਨੂੰ ਨੁਕਸਾਨ ਪਹੁੰਚਾਉਣ ਵਾਲੀਆਂ ਆਮ ਆਦਤਾਂ:
1. ਮਿੱਠੀਆਂ ਚੀਜ਼ਾਂ ਦਾ ਵੱਧ ਸੇਵਨ
ਕੇਕ, ਚਾਕਲੇਟ, ਪੇਸਟਰੀ ਅਤੇ ਹੋਰ ਸ਼ੱਕਰ ਵਾਲੀਆਂ ਚੀਜ਼ਾਂ ਕੋਲੇਜਨ ਨੂੰ ਨਸ਼ਟ ਕਰਦੀਆਂ ਹਨ। ਇਸ ਦੀ ਬਜਾਏ ਤੁਸੀਂ ਕੁਦਰਤੀ ਮਿਠਾਸ—ਜਿਵੇਂ ਸ਼ਹਿਦ ਜਾਂ ਗੁੜ—ਦਾ ਵਰਤੋਂ ਕਰੋ।
2. ਸਿਗਰਟ ਪੀਣਾ
ਸਿਗਰਟ ਵਿੱਚ ਮੌਜੂਦ ਨਿਕੋਟਿਨ ਚਮੜੀ ‘ਤੇ ਖੂਨ ਦੀ ਸਪਲਾਈ ਘਟਾ ਦਿੰਦਾ ਹੈ। ਇਸ ਨਾਲ ਕੋਲੇਜਨ ਬਣਨਾ ਰੁਕ ਜਾਂਦਾ ਹੈ ਅਤੇ ਚਿਹਰਾ ਬੇਜਾਨ ਅਤੇ ਢਿੱਲਾ ਦਿਖਾਈ ਦੇਂਦਾ ਹੈ।
3. ਸਨਸਕ੍ਰੀਨ ਨਾ ਲਗਾਉਣਾ
UV ਕਿਰਨਾਂ ਚਮੜੀ ਦੇ ਕੋਲੇਜਨ ਨੂੰ ਤੋੜਦੀਆਂ ਹਨ। ਜੇ ਰੋਜ਼ਾਨਾ ਸਨਸਕ੍ਰੀਨ ਨਾ ਲਗਾਈਏ, ਤਾਂ ਜਲਦੀ ਝੁਰੜੀਆਂ, ਦਾਗ-ਧੱਬੇ ਅਤੇ ਫਾਈਨ ਲਾਈਨਜ਼ ਉਭਰ ਆਉਂਦੀਆਂ ਹਨ।
4. ਨੀਂਦ ਦੀ ਘਾਟ
ਚਮੜੀ ਦੀ ਰੀਪੇਅਰ ਪ੍ਰਕਿਰਿਆ ਨੀਂਦ ਦੌਰਾਨ ਹੋਦੀ ਹੈ। ਘੱਟ ਨੀਂਦ ਚਮੜੀ ਨੂੰ ਥੱਕਾ-ਥੱਕਾ ਅਤੇ ਬੁੱਢੀ ਦਿਖਾਉਂਦੀ ਹੈ।
5. ਲਗਾਤਾਰ ਤਣਾਅ (ਸਟ੍ਰੈੱਸ)
ਲੰਬੇ ਸਮੇਂ ਦਾ ਸਟ੍ਰੈੱਸ ਕੋਰਟੀਸੋਲ ਹਾਰਮੋਨ ਵਧਾਉਂਦਾ ਹੈ, ਜੋ ਕੋਲੇਜਨ ਨੂੰ ਤਬਾਹ ਕਰਦਾ ਹੈ। ਇਸ ਨਾਲ ਚਮੜੀ ਦੀ ਚਮਕ ਘੱਟ ਹੋ ਜਾਂਦੀ ਹੈ ਅਤੇ ਚਿਹਰਾ ਸੁੱਕਾ ਤੇ ਬੇਰੰਗ ਦਿਖਦਾ ਹੈ।
ਚਮੜੀ ਨੂੰ ਲੰਬੇ ਸਮੇਂ ਤੱਕ ਜਵਾਨ ਅਤੇ ਤੰਦਰੁਸਤ ਰੱਖਣ ਲਈ, ਖਾਣ-ਪੀਣ ਤੇ ਆਦਤਾਂ ‘ਤੇ ਧਿਆਨ ਦੇਣਾ ਬਹੁਤ ਜ਼ਰੂਰੀ ਹੈ। ਮਿੱਠੀਆਂ ਚੀਜ਼ਾਂ ਘੱਟ ਕਰੋ, ਨੀਂਦ ਪੂਰੀ ਲਵੋ, ਸਨਸਕ੍ਰੀਨ ਲਗਾਓ ਅਤੇ ਸਟ੍ਰੈੱਸ ਤੋਂ ਦੂਰ ਰਹੋ। ਇਹ ਸਧਾਰਨ ਪਰ ਅਸਰਦਾਰ ਕਦਮ ਤੁਹਾਡੇ ਚਿਹਰੇ ਨੂੰ ਬੁੱਢਾਪੇ ਤੋਂ ਬਚਾ ਸਕਦੇ ਹਨ।
