ਚੰਡੀਗੜ੍ਹ :- ਪੰਜਾਬ ਹੀ ਨਹੀਂ, ਦੇਸ਼ ਭਰ ਵਿੱਚ ਨਜ਼ਰ ਕਮਜ਼ੋਰ ਹੋਣ ਦੇ ਮਾਮਲੇ ਤੇਜ਼ੀ ਨਾਲ ਵੱਧ ਰਹੇ ਹਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਹ ਸਮੱਸਿਆ ਹੁਣ ਕੇਵਲ ਬਜ਼ੁਰਗਾਂ ਤੱਕ ਸੀਮਿਤ ਨਹੀਂ, ਬਲਕਿ ਜਵਾਨ ਅਤੇ ਸਕੂਲੀ ਬੱਚਿਆਂ ਵਿੱਚ ਵੀ ਵੇਖੀ ਜਾ ਰਹੀ ਹੈ। ਨੇਤ੍ਰ ਵਿਗਿਆਨੀਆਂ ਮੁਤਾਬਕ, ਇਸ ਵਧਦੀ ਸਮੱਸਿਆ ਦੇ ਪਿੱਛੇ ਸਿਰਫ਼ ਸਕਰੀਨ ਟਾਈਮ ਹੀ ਨਹੀਂ, ਸਰੀਰ ਵਿੱਚ ਜ਼ਰੂਰੀ ਵਿਟਾਮਿਨਾਂ ਦੀ ਗੰਭੀਰ ਕਮੀ ਵੀ ਵੱਡਾ ਕਾਰਨ ਹੈ।
ਤਿੰਨ ਵਿਟਾਮਿਨ, A, B12 ਤੇ D, ਅੱਖਾਂ ਦੀ ਤੰਦਰੁਸਤੀ ਨਾਲ ਸਿੱਧੇ ਜੁੜੇ ਹਨ। ਇਨ੍ਹਾਂ ਵਿੱਚੋਂ ਕਿਸੇ ਇੱਕ ਦੀ ਕਮੀ ਵੀ ਅੱਖਾਂ ਦੀ ਰੌਸ਼ਨੀ ਨੂੰ ਤੇਜ਼ੀ ਨਾਲ ਪ੍ਰਭਾਵਿਤ ਕਰ ਸਕਦੀ ਹੈ।
ਵਿਟਾਮਿਨ A ਦੀ ਘਾਟ ਰਾਤ ਵਿਚ ਨਹੀ ਦਿਸਣਾ ਸਭ ਤੋਂ ਵੱਡਾ ਲੱਛਣ
ਵਿਟਾਮਿਨ A ਰੈਟਿਨਾ ਦੀ ਸਿਹਤ ਲਈ ਬੁਨਿਆਦੀ ਮਹੱਤਵ ਰੱਖਦਾ ਹੈ। ਮਹਿਰ ਦੱਸਦੇ ਹਨ ਕਿ ਇਸ ਦੀ ਕਮੀ ਨਾਲ:
-
ਅੱਖਾਂ ਵਿੱਚ ਸੁੱਕਾਪਣ
-
ਰਾਤ ਵਿੱਚ ਦ੍ਰਿਸ਼ਟੀ ਕਮਜ਼ੋਰ ਹੋਣਾ
-
ਰੌਸ਼ਨੀ ਨਾਲ ਅਨੁਕੂਲਤਾ ਘੱਟਣਾ
ਜੇ ਸਮੇਂ ’ਤੇ ਧਿਆਨ ਨਾ ਦਿੱਤਾ ਜਾਵੇ ਤਾਂ ਹਾਲਤ ਸਥਾਈ ਨਜ਼ਰ ਖੋਹਣ ਤੱਕ ਪਹੁੰਚ ਸਕਦੀ ਹੈ।
ਵਿਟਾਮਿਨ B12 ਦੀ ਕਮੀ, ਆਪਟਿਕ ਨਰਵ ‘ਤੇ ਸਿੱਧਾ ਅਸਰ
ਵਿਟਾਮਿਨ B12 ਉਹ ਪੋਸ਼ਕ ਤੱਤ ਹੈ ਜੋ ਨਰਵਾਂ ਦੀ ਸਿਹਤ, ਖਾਸ ਕਰਕੇ ਆਪਟਿਕ ਨਰਵ, ਨੂੰ ਮਜ਼ਬੂਤ ਰੱਖਦਾ ਹੈ। ਕਮੀ ਹੋਣ ’ਤੇ:
-
ਚੀਜ਼ਾਂ ਧੁੰਦਲੀਆਂ ਦਿਸਣ ਲੱਗਣੀਆਂ
-
ਰੰਗਾਂ ਦੀ ਪਹਿਚਾਣ ਧੁੰਦਲੀ ਹੋ ਜਾਣੀ
-
ਦਿਮਾਗ ਤੱਕ ਦ੍ਰਿਸ਼ਟੀ ਸੰਕੇਤ ਸੁਚਾਰੂ ਨਾ ਪਹੁੰਚਣਾ
ਸ਼ਾਕਾਹਾਰੀਆਂ ਲਈ B12 ਦੇ ਕੁਦਰਤੀ ਸਰੋਤ ਘੱਟ ਹਨ, ਪਰ ਦੁੱਧ, ਦਹੀਂ, ਪਨੀਰ ਅਤੇ ਫੋਰਟੀਫਾਈਡ ਸੇਰਿਅਲ ਇਸ ਕਮੀ ਨੂੰ ਪੂਰਾ ਕਰਨ ਵਿੱਚ ਮਦਦਗਾਰ ਹਨ। ਨਾਨ-ਵੇਜ ਖਾਣ ਵਾਲਿਆਂ ਲਈ ਸੈਲਮਨ, ਟ੍ਰਾਊਟ ਵਗੈਰਾ ਉੱਤਮ ਸਰੋਤ ਹਨ।
ਵਿਟਾਮਿਨ D ਦੀ ਘਾਟ – ਡਰਾਈ ਆਈ ਤੋਂ ਜਲਣ ਤੱਕ
ਵਿਟਾਮਿਨ D ਹੱਡੀਆਂ ਨਾਲ ਨਾਲ ਅੱਖਾਂ ਦੀ ਸਿਹਤ ਲਈ ਵੀ ਜ਼ਰੂਰੀ ਹੈ। ਇਸ ਦੀ ਕਮੀ ਨਾਲ:
-
ਅੱਖਾਂ ਵਿੱਚ ਸੁੱਕਾਪਣ
-
ਜਲਣ, ਚੁੱਭਣ ਅਤੇ ਥਕਾਵਟ
-
ਆਪਟਿਕ ਨਰਵ ਦੀ ਕਾਰਗੁਜ਼ਾਰੀ ਪ੍ਰਭਾਵਿਤ
ਸਵੇਰ ਦੀ ਧੁੱਪ ਦੇ ਕੇਵਲ 10–15 ਮਿੰਟ ਸਭ ਤੋਂ ਵਧੀਆ ਅਤੇ ਕੁਦਰਤੀ ਸਰੋਤ ਹਨ। ਆਇਲੀ ਫਿਸ਼, ਅੰਡਿਆਂ ਦੀ ਜਰਦੀ ਅਤੇ ਫੋਰਟੀਫਾਈਡ ਫੂਡ ਵੀ ਲਾਭਦਾਇਕ ਹਨ।
ਲੱਛਣਾਂ ਨੂੰ ਹਲਕੇ ਵਿੱਚ ਨਾ ਲਓ – ਸਮੇਂ ’ਤੇ ਜਾਂਚ ਜ਼ਰੂਰੀ
ਜੇਕਰ ਤੁਹਾਨੂੰ:
-
ਚੀਜ਼ਾਂ ਧੁੰਦਲੀਆਂ ਦਿਸਣ
-
ਰਾਤ ਵਿੱਚ ਸਹੀ ਦ੍ਰਿਸ਼ਟੀ ਨਾ ਆਉਣਾ
-
ਅੱਖਾਂ ਵਿੱਚ ਜਲਣ ਜਾਂ ਬੇਚੈਨੀ
-
ਰੌਸ਼ਨੀ ਘੱਟ ਮਹਿਸੂਸ ਹੋਣੀ
ਜਿਹੇ ਲੱਛਣ ਲਗਾਤਾਰ ਦਿਖਾਈ ਦੇ ਰਹੇ ਹਨ ਤਾਂ ਡਾਕਟਰੀ ਜਾਂਚ ਵਿੱਚ ਦੇਰੀ ਨਾ ਕਰੋ। ਸਮੇਂ ’ਤੇ ਕਾਰਨ ਦਾ ਪਤਾ ਲੱਗਣ ਨਾਲ ਰੌਸ਼ਨੀ ਨੂੰ ਬਚਾਇਆ ਜਾ ਸਕਦਾ ਹੈ।
