ਚੰਡੀਗੜ :- ਠੰਢ ਦੇ ਮੌਸਮ ਵਿੱਚ ਸਰੀਰ ਨੂੰ ਗਰਮ ਰੱਖਣ ਅਤੇ ਰੋਗ-ਨਿਰੋਧਕ ਤਾਕਤ ਵਧਾਉਣ ਲਈ ਆਂਡੇ ਨੂੰ ਹਮੇਸ਼ਾਂ ਵਧੀਆ ਭੋਜਨ ਮੰਨਿਆ ਗਿਆ ਹੈ। ਪ੍ਰੋਟੀਨ, ਵਿਟਾਮਿਨ-B12 ਅਤੇ ਕਈ ਅਨਿਵਾਰ ਤੱਤਾਂ ਨਾਲ ਭਰਪੂਰ ਹੋਣ ਕਰਕੇ ਬਹੁਤ ਸਾਰੇ ਲੋਕ ਦਿਨ ਦੀ ਸ਼ੁਰੂਆਤ ਆਂਡੇ ਨਾਲ ਹੀ ਕਰਦੇ ਹਨ। ਰੋਜ਼ਾਨਾ ਆਂਡੇ ਖਾਣ ਨਾਲ ਇਮਿਊਨਿਟੀ ਮਜ਼ਬੂਤ ਹੁੰਦੀ ਹੈ ਤੇ ਜ਼ੁਕਾਮ-ਖਾਂਸੀ ਤੋਂ ਬਚਾਅ ਵਧਦਾ ਹੈ।
ਭੁਰਜੀ, ਸਧਾਰਨ ਪਰ ਤਾਕਤ ਨਾਲ ਭਰਪੂਰ
ਆਂਡੇ ਦੀ ਭੁਰਜੀ ਸਰਦੀਆਂ ਦੀਆਂ ਕੁਝ ਸਭ ਤੋਂ ਆਸਾਨ ਅਤੇ ਚਟਪਟੀਆਂ ਡਿਸ਼ਾਂ ਵਿੱਚੋਂ ਇੱਕ ਹੈ। ਪਿਆਜ਼, ਟਮਾਟਰ, ਹਰੀ ਮਿਰਚ ਅਤੇ ਹਲਕੇ ਮਸਾਲਿਆਂ ਨਾਲ ਬਣੀ ਇਹ ਡਿਸ਼ ਸਰੀਰ ਨੂੰ ਤੁਰੰਤ ਗਰਮਾਹਟ ਦੇਂਦੀ ਹੈ। ਨਾਸ਼ਤੇ ਵਿੱਚ ਰੋਟੀ ਜਾਂ ਬਰੈੱਡ ਨਾਲ ਇਹ ਹੋਰ ਵੀ ਸੁਆਦਿਸ਼ਟ ਲੱਗਦੀ ਹੈ।
ਆਂਡਾ ਕਰੀ, ਹਰ ਰਸੋਈ ਦਾ ਮਨਪਸੰਦ ਸੁਆਦ
ਠੰਢੇ ਮੌਸਮ ਵਿੱਚ ਇੱਕ ਗਰਮਾ-ਗਰਮ ਆਂਡਾ ਕਰੀ ਦਾ ਸੁਆਦ ਹੀ ਵੱਖਰਾ ਹੁੰਦਾ ਹੈ। ਉਬਲੇ ਆਂਡਿਆਂ ਨੂੰ ਮਸਾਲਿਆਂ, ਪਿਆਜ਼-ਟਮਾਟਰ ਦੀ ਗਾੜ੍ਹੀ ਗ੍ਰੇਵੀ ਵਿੱਚ ਪਕਾ ਕੇ ਤਿਆਰ ਕੀਤੀ ਇਹ ਡਿਸ਼ ਹਜ਼ਮ ਕਰਨ ਵਿੱਚ ਹਲਕੀ ਅਤੇ ਊਰਜਾ ਦੇਣ ਵਿੱਚ ਮਦਦਗਾਰ ਹੁੰਦੀ ਹੈ।
ਬਿਰਿਆਨੀ ਵਿੱਚ ਆਂਡਾ, ਸੁਆਦ ਦਾ ਨਵਾਂ ਤਜ਼ਰਬਾ
ਬਾਸਮਤੀ ਚੌਲਾਂ, ਖੁਸ਼ਬੂਦਾਰ ਮਸਾਲਿਆਂ ਅਤੇ ਉਬਲੇ ਆਂਡਿਆਂ ਦੀ ਜੋੜੀ ਸਰਦੀਆਂ ਵਿੱਚ ਬਿਰਿਆਨੀ ਦਾ ਸੁਆਦ ਹੋਰ ਵੀ ਵਧਾਉਂਦੀ ਹੈ। ਹਰੀ ਚਟਨੀ ਨਾਲ ਪਰੋਸੀ ਗਈ ਇਹ ਡਿਸ਼ ਪੂਰਾ ਭੋਜਨ ਬਣ ਜਾਂਦੀ ਹੈ ਅਤੇ ਲੰਮੇ ਸਮੇਂ ਤੱਕ ਊਰਜਾ ਬਣਾਈ ਰੱਖਦੀ ਹੈ।
ਉਬਲਾ ਆਂਡਾ, ਫਿਟਨੈੱਸ ਲਈ ਸਭ ਤੋਂ ਵਧੀਆ ਚੋਣ
ਜੇ ਤੁਸੀਂ ਹਲਕਾ ਅਤੇ ਸਾਦਾ ਭੋਜਨ ਪਸੰਦ ਕਰਦੇ ਹੋ ਤਾਂ ਉਬਲਾ ਆਂਡਾ ਬਿਹਤਰ ਵਿਕਲਪ ਹੈ। ਇਹ ਭਾਰ ਕੰਟਰੋਲ ਕਰਨ ਵਿੱਚ ਮਦਦ ਕਰਦਾ ਹੈ, ਪੇਟ ਦੇ ਲਈ ਹਲਕਾ ਹੁੰਦਾ ਹੈ ਅਤੇ ਸਰੀਰ ਨੂੰ ਕੁਦਰਤੀ ਤਰੀਕੇ ਨਾਲ ਗਰਮ ਰੱਖਦਾ ਹੈ।
ਆਮਲੇਟ: ਇੱਕ ਪੂਰਾ ਅਤੇ ਸੰਤੁਲਿਤ ਨਾਸ਼ਤਾ
ਸਬਜ਼ੀਆਂ ਨਾਲ ਬਣਿਆ ਆਮਲੇਟ ਸਰਦੀਆਂ ਦਾ ਕਲਾਸਿਕ ਨਾਸ਼ਤਾ ਹੈ। ਪ੍ਰੋਟੀਨ, ਫਾਈਬਰ ਅਤੇ ਕਈ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਇਹ ਵਿਅੰਜਨ ਸਵੇਰੇ ਸਰੀਰ ਨੂੰ ਊਰਜਾ ਦਿੰਦਾ ਹੈ ਅਤੇ ਠੰਢ ਦੇ ਪ੍ਰਭਾਵ ਨੂੰ ਘਟਾਉਂਦਾ ਹੈ।
ਆਂਡੇ ਦੇ ਸਿਹਤ ਫਾਇਦੇ, ਕਿਉਂ ਜ਼ਰੂਰੀ ਹੈ ਸਰਦੀਆਂ ਵਿੱਚ ਖਾਣਾ?
ਆਂਡਾ ਹੱਡੀਆਂ ਨੂੰ ਮਜ਼ਬੂਤ ਬਣਾਉਣ ਲਈ ਲੋੜੀਂਦਾ ਵਿਟਾਮਿਨ-ਡੀ ਪ੍ਰਦਾਨ ਕਰਦਾ ਹੈ ਅਤੇ ਦਿਮਾਗ ਲਈ ਮਹੱਤਵਪੂਰਨ ਪ੍ਰੋਟੀਨ ਦਾ ਸਰੋਤ ਹੈ। ਨਿਯਮਿਤ ਵਰਤੋਂ ਨਾਲ:
-
ਸਰੀਰ ਦੀ ਗਰਮੀ ਕਾਇਮ ਰਹਿੰਦੀ ਹੈ
-
ਜ਼ੁਕਾਮ, ਖਾਂਸੀ ਤੇ ਸੀਜ਼ਨਲ ਬਿਮਾਰੀਆਂ ਤੋਂ ਬਚਾਅ ਮਿਲਦਾ ਹੈ
-
ਊਰਜਾ ਪੱਧਰ ਸਥਿਰ ਰਹਿੰਦਾ ਹੈ
