ਚੰਡੀਗੜ੍ਹ :- ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਵੀਰਵਾਰ ਨੂੰ ਸ਼੍ਰੋਮਣੀ ਅਕਾਲੀ ਦਲ ਨੂੰ ਸਿੱਧਾ ਨਿਸ਼ਾਨਾ ਬਣਾਉਂਦਿਆਂ ਕਿਹਾ ਕਿ ਕੁਝ ਸਿਆਸੀ ਪੱਖਾਂ ਨੇ ਹਮੇਸ਼ਾ ਧਾਰਮਿਕ ਭਾਵਨਾਵਾਂ ਨੂੰ ਵੋਟਾਂ ਜੋੜਨ ਦਾ ਸਾਧਨ ਬਣਾਇਆ ਹੈ। ਉਨ੍ਹਾਂ ਦੋਸ਼ ਲਗਾਇਆ ਕਿ ਜਦੋਂ ਵੀ ਇਨ੍ਹਾਂ ਨੂੰ ਘੇਰਿਆ ਜਾਂਦਾ ਹੈ ਜਾਂ ਕੋਈ ਉਨ੍ਹਾਂ ਦੀ ਨੀਤੀਆਂ ‘ਤੇ ਉਂਗਲ ਚੁੱਕਦਾ ਹੈ, ਇਹ ਧਰਮ ਦੀ ਚਾਦਰ ਢਾਲ ਵਾਂਗ ਤਾਣ ਲੈਂਦੇ ਹਨ।
ਆਪਣੀਆਂ ਨਾਕਾਮੀਆਂ ਤੋਂ ਬਚਣ ਲਈ ਧਰਮ ਦਾ ਸਹਾਰਾ — CM ਮਾਨ
ਮੁੱਖ ਮੰਤਰੀ ਨੇ ਤਿੱਖੇ ਸ਼ਬਦਾਂ ਵਿੱਚ ਕਿਹਾ ਕਿ ਆਪਣੇ ਤਰਕਹੀਣ ਫੈਸਲਿਆਂ ਤੇ ਗਲਤੀਆਂ ਨੂੰ ਲੁਕਾਉਣ ਲਈ ਧਰਮ ਦਾ ਸਹਾਰਾ ਲੈਣਾ ਸਿਆਸੀ ਬੇਈਮਾਨੀ ਦੇ ਬਰਾਬਰ ਹੈ। ਉਨ੍ਹਾਂ ਕਿਹਾ ਕਿ “ਜੋ ਕੰਮ ਕਰਦੇ ਨਹੀਂ, ਉਹ ਧਰਮ ਨੂੰ ਅੱਗੇ ਕਰਦੇ ਹਨ।”
ਆਉਣ ਵਾਲੇ ਸੈਸ਼ਨ ਵਿੱਚ ‘ਸਾਰੇ ਕੱਚੇ ਚਿੱਠੇ’ ਖੋਲ੍ਹਣ ਦੀ ਚੇਤਾਵਨੀ
ਭਗਵੰਤ ਮਾਨ ਨੇ ਚੇਤਾਵਨੀ ਦਿੱਤੀ ਕਿ ਅਗਲੇ ਵਿਧਾਨ ਸਭਾ ਸੈਸ਼ਨ ਦੌਰਾਨ ਇਹ ਸਾਰੇ ਮਾਮਲੇ ਖੁੱਲ੍ਹ ਕੇ ਸਾਹਮਣੇ ਲਿਆਂਦੇ ਜਾਣਗੇ। ਉਨ੍ਹਾਂ ਸਾਫ਼ ਕੀਤਾ ਕਿ ਲੋਕਾਂ ਨੂੰ ਧਾਰਮਿਕ ਜਜ਼ਬਾਤਾਂ ਦੇ ਨਾਂ ‘ਤੇ ਭਟਕਾਉਣ ਦੀ ਰਾਜਨੀਤਕ ਰਣਨੀਤੀ ਹੁਣ ਨਹੀਂ ਚਲਣੀ, ਅਤੇ ਸੱਚਾਈ ਜਨਤਾ ਦੇ ਸਾਹਮਣੇ ਆ ਕੇ ਰਹੇਗੀ।
