ਚੰਡੀਗੜ੍ਹ :- ਪੰਜਾਬ ਸਰਕਾਰ ਨੇ ਸੂਬੇ ਵਿੱਚ ਉਦਯੋਗਿਕ ਮਾਹੌਲ ਨੂੰ ਹੋਰ ਮਜ਼ਬੂਤ ਕਰਨ ਲਈ ਇੱਕ ਮਹੱਤਵਪੂਰਨ ਪੜਾਅ ਤਹਿ ਕਰਦਿਆਂ ਅੱਜ “ਫਾਸਟ੍ਰੈਕ ਪੰਜਾਬ ਪੋਰਟਲ” ਦੇ ਦੂਜੇ ਵਰਜਨ ਦੀ ਸ਼ੁਰੂਆਤ ਕਰ ਦਿੱਤੀ ਹੈ। ਇਸ ਪਲੇਟਫ਼ਾਰਮ ਰਾਹੀਂ ਹੁਣ 173 ਵੱਖ-ਵੱਖ ਸਰਕਾਰੀ ਸੇਵਾਵਾਂ ਇੱਕੋ ਜਗ੍ਹਾ ਉਪਲਬਧ ਹੋਣਗੀਆਂ, ਜਿਸ ਨਾਲ ਉਦਯੋਗਾਂ ਨੂੰ ਮਨਜ਼ੂਰੀਆਂ, ਦਸਤਾਵੇਜ਼ੀ ਪ੍ਰਕਿਰਿਆ ਅਤੇ ਹੋਰ ਲੋੜੀਂਦੇ ਕੰਮ ਕਾਫ਼ੀ ਤੇਜ਼ੀ ਨਾਲ ਪੂਰੇ ਹੋਣਗੇ।
ਮੁੱਖ ਮੰਤਰੀ ਨੇ ਕਿਹਾ – ਪੰਜਾਬ ਹੁਣ ਪੂਰੀ ਤਰ੍ਹਾਂ ਡਿਜ਼ਿਟਲ, ਪਾਰਦਰਸ਼ੀ ਅਤੇ ਨਿਵੇਸ਼ਕ-ਮਿਤਰ ਮਾਡਲ ਵੱਲ
ਇਸ ਮੌਕੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਨਿਵੇਸ਼ਕਾਂ ਨੂੰ ਭਰੋਸਾ ਦਿੰਦਿਆਂ ਕਿਹਾ ਕਿ ਪੰਜਾਬ ਹੁਣ ਇੱਕ ਐਸਾ ਸੂਬਾ ਬਣ ਰਹਾ ਹੈ ਜਿੱਥੇ ਹਰ ਪ੍ਰਕਿਰਿਆ ਸਾਫ਼-ਸੁਥਰੀ ਅਤੇ ਸਮੇਂਬੱਧ ਤਰੀਕੇ ਨਾਲ ਹੁੰਦੀ ਹੈ।
ਉਨ੍ਹਾਂ ਕਿਹਾ ਕਿ “ਸਿੰਗਲ ਵਿੰਡੋ ਵਿਦ ਅ ਸਿੰਗਲ ਪੈਨ” ਮਾਡਲ ਲਾਗੂ ਹੋਣ ਨਾਲ ਪੰਜਾਬ ਦੀ ਉਦਯੋਗਿਕ ਨੀਤੀ ਇੱਕ ਨਵੇਂ ਡਿਜ਼ਿਟਲ ਯੁੱਗ ਵਿੱਚ ਦਾਖ਼ਲ ਹੋ ਗਈ ਹੈ। ਹੁਣ ਨਿਵੇਸ਼ ਲਈ ਦੌੜ-ਭੱਜ ਜਾਂ ਫਾਈਲਾਂ ਦੇ ਚੱਕਰ ਨਹੀਂ—ਸਭ ਕੁਝ ਇੱਕੋ ਪੋਰਟਲ ਰਾਹੀਂ ਨਿੱਜੀ ਪੱਧਰ ‘ਤੇ ਟਰੈਕ ਹੋਵੇਗਾ।
173 ਸੇਵਾਵਾਂ ਨਾਲ ਉਦਯੋਗਾਂ ਨੂੰ ਮਿਲਣਗੇ ਤੁਰੰਤ ਫਾਇਦੇ
ਪੋਰਟਲ-2 ਲਾਂਚ ਹੋਣ ਨਾਲ ਨਵੀਨ ਉਦਯੋਗਾਂ ਤੋਂ ਲੈ ਕੇ ਵੱਡੇ ਨਿਰਮਾਤਾਵਾਂ ਤੱਕ ਸਭ ਨੂੰ ਇੱਕੋ ਥਾਂ ਤੇ ਸੇਵਾਵਾਂ ਮਿਲਣਗੀਆਂ। ਇਸ ਵਿੱਚ ਸ਼ਾਮਲ ਹਨ—
-
ਲਾਇਸੰਸ ਅਤੇ ਪਰਮਿਟ ਜਾਰੀ ਕਰਨ ਦੀ ਪ੍ਰਕਿਰਿਆ
-
ਵਾਤਾਵਰਣ ਅਤੇ ਸੁਰੱਖਿਆ ਮਨਜ਼ੂਰੀਆਂ
-
ਬਿਜਲੀ, ਪਾਣੀ, ਬੁਨਿਆਦੀ ਢਾਂਚੇ ਨਾਲ ਜੁੜੀਆਂ ਸੇਵਾਵਾਂ
-
ਨਵੇਂ ਨਿਵੇਸ਼ ਪ੍ਰੋਜੈਕਟਾਂ ਲਈ ਅਰਜ਼ੀਆਂ
ਇਸ ਮੈਕੈਨਿਜ਼ਮ ਨਾਲ ਇਨਵੈਸਟਮੈਂਟ ਨੂੰ ਰੁਕਾਵਟਾਂ ਤੋਂ ਬਿਨਾਂ ਅੱਗੇ ਵਧਾਉਣ ਵਿੱਚ ਮਦਦ ਮਿਲੇਗੀ।
ਫਾਸਟ੍ਰੈਕ ਪੰਜਾਬ – ਨਵੇਂ ਨਿਵੇਸ਼ ਲਈ ਖੁੱਲ੍ਹ ਰਿਹਾ ਵੱਡਾ ਦਰਵਾਜ਼ਾ
ਮੁੱਖ ਮੰਤਰੀ ਨੇ ਦਾਅਵਾ ਕੀਤਾ ਕਿ ਇਸ ਪੋਰਟਲ ਰਾਹੀਂ ਪੰਜਾਬ ਆਪ ਨੂੰ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਇੱਕ ਨਿਵੇਸ਼-ਮਿਤਰ ਸੂਬੇ ਵਜੋਂ ਸਾਬਤ ਕਰੇਗਾ। ਉਨ੍ਹਾਂ ਕਿਹਾ ਕਿ ਇਹ ਸਿਸਟਮ ਅਧਿਕਾਰਤ ਕਾਗਜ਼ੀ ਕਾਰਵਾਈ ਨੂੰ ਬਹੁਤ ਘੱਟ ਕਰੇਗਾ ਅਤੇ ਕੰਮ ਦੀ ਗਤੀ ਵਿੱਚ ਕਈ ਗੁਣਾ ਵਾਧਾ ਲਿਆਏਗਾ। ਇਸ ਨਾਲ ਉਦਯੋਗਿਕ ਖੇਤਰ ਨੂੰ ਸਹਿਜਤਾ, ਰਫ਼ਤਾਰ ਅਤੇ ਵਿਸ਼ਵਾਸ ਤਿੰਨੋ ਮਿਲਣਗੇ।
ਪੰਜਾਬ ਦੇ ਉਦਯੋਗਿਕ ਭਵਿੱਖ ਲਈ ਵੱਡਾ ਕਦਮ
ਮੁੱਖ ਮੰਤਰੀ ਦੇ ਅਨੁਸਾਰ, ਇਹ ਪੋਰਟਲ ਸਿਰਫ਼ ਡਿਜ਼ਿਟਲ ਸਹੂਲਤ ਨਹੀਂ, ਸਗੋਂ ਉਦਯੋਗਾਂ ਲਈ ਇੱਕ ਸਪੱਸ਼ਟ ਸੰਦੇਸ਼ ਹੈ – ਪੰਜਾਬ ਨਿਵੇਸ਼ ਲਈ ਤਿਆਰ ਹੈ, ਅਤੇ ਸਰਕਾਰ ਨਿਵੇਸ਼ਕਾਂ ਦੇ ਨਾਲ ਡਟ ਕੇ ਖੜੀ ਹੈ।
