ਨਵੀਂ ਦਿੱਲੀ :- ਬੁੱਧਵਾਰ ਦੀ ਸਵੇਰ ਦਿੱਲੀ-ਐਨਸੀਆਰ ਲਈ ਇਕ ਵਾਰੀ ਫਿਰ ਡਰਾਉਣੀ ਸਾਬਤ ਹੋਈ। ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ (CPCB) ਦੁਆਰਾ ਜਾਰੀ ਕੀਤੇ ਤਾਜ਼ਾ ਅੰਕੜਿਆਂ ਨੇ ਇਹ ਸਪਸ਼ਟ ਕਰ ਦਿੱਤਾ ਕਿ ਰਾਜਧਾਨੀ ਦੀ ਹਵਾ ਬੇਹੱਦ ਜ਼ਹਿਰੀਲੀ ਹੋ ਚੁੱਕੀ ਹੈ। ਕਈ ਖੇਤਰਾਂ ਵਿੱਚ ਏਕਿਊਆਈ ‘ਗੰਭੀਰ’ ਤੋਂ ਵੀ ਪਾਰ ਹੋ ਕੇ ‘Hazardous’ ਸ਼੍ਰੇਣੀ ਵਿੱਚ ਜਾ ਵੜਿਆ ਹੈ।
NCR ਦੇ ਸ਼ਹਿਰ ਦਿੱਲੀ ਤੋਂ ਵੀ ਬਦਤਰ, ਗ੍ਰੇਟਰ ਨੋਇਡਾ ਤੇ ਨੋਇਡਾ ਟੌਪ ‘ਤੇ
ਐਨਸੀਆਰ ‘ਚ ਪ੍ਰਦੂਸ਼ਣ ਦੇ ਪੱਧਰ ਨੇ ਸਭ ਨੂੰ ਹੈਰਾਨ ਕੀਤਾ ਹੈ।
-
ਗ੍ਰੇਟਰ ਨੋਇਡਾ: 414 AQI
-
ਨੋਇਡਾ: 409 AQI
ਦੋਵੇਂ ਸ਼ਹਿਰ ‘ਖ਼ਤਰਨਾਕ’ ਸ਼੍ਰੇਣੀ ਵਿੱਚ।
ਇਸ ਤੋਂ ਇਲਾਵਾ ਗਾਜ਼ੀਆਬਾਦ 395 ‘ਤੇ ਤੇ ਦਿੱਲੀ ਦਾ ਔਸਤ 389 ਦਰਜ ਹੋਇਆ। ਲਖਨਊ, ਚੰਡੀਗੜ੍ਹ ਅਤੇ ਮੇਰਠ ਦੀ ਹਵਾ ਵੀ ਸਾਹ ਲੈਣ ਯੋਗ ਨਹੀਂ ਰਹੀ।
ਦਿੱਲੀ ਸਰਕਾਰ ਦਾਫ਼ੈਸਲਾ – ਨਿੱਜੀ ਦਫ਼ਤਰਾਂ ‘ਚ 50% ਲੋਕਾਂ ਲਈ ਲਾਜ਼ਮੀ ‘ਵਰਕ ਫਰੋਮ ਹੋਮ’
ਹਾਲਾਤ ਦੀ ਗੰਭੀਰਤਾ ਨੂੰ ਵੇਖਦਿਆਂ ਦਿੱਲੀ ਸਰਕਾਰ ਨੇ ਪਹਿਲਾਂ ਵਾਰ ਨਿੱਜੀ ਦਫ਼ਤਰਾਂ ਲਈ ਸਖ਼ਤ ਆਦੇਸ਼ ਜਾਰੀ ਕੀਤੇ ਹਨ।
ਰਾਜਧਾਨੀ ਦੇ ਸਾਰੇ ਪ੍ਰਾਇਵੇਟ ਦਫ਼ਤਰਾਂ ‘ਚ ਅੱਧੇ ਕਰਮਚਾਰੀਆਂ ਨੂੰ ਘਰੋਂ ਹੀ ਕੰਮ ਕਰਨ ਦਾ ਹੁਕਮ ਲਾਗੂ ਕੀਤਾ ਗਿਆ ਹੈ।
ਪਹਿਲਾਂ ਇਸ ਬਾਰੇ ਸਿਰਫ਼ ਸਲਾਹ ਦਿੱਤੀ ਜਾਂਦੀ ਸੀ, ਪਰ ਹੁਣ ਦਫ਼ਤਰਾਂ ਨੂੰ ਇਸ ਨਿਯਮ ਦੀ ਪਾਲਣਾ ਕਰਨਾ ਲਾਜ਼ਮੀ ਹੋਵੇਗਾ।
ਰਾਜਧਾਨੀ ‘ਗੈਸ ਚੈਂਬਰ’ ਕਿਉਂ ਬਣ ਰਹੀ ਹੈ?
ਵਾਤਾਵਰਣ ਮਾਹਿਰਾਂ ਮੁਤਾਬਕ ਦਿੱਲੀ ਦੇ ਹਵਾ ਪ੍ਰਦੂਸ਼ਣ ਪਿੱਛੇ ਕਈ ਕਾਰਨ ਮਿਲਜੁਲ ਕੇ ਕੰਮ ਕਰ ਰਹੇ ਹਨ—
-
ਪਰਾਲੀ ਸਾੜਨ ਨਾਲ ਵਧਿਆ ਧੂੰਆਂ
-
ਤਾਪਮਾਨ ਡਿੱਗਣ ਕਾਰਨ ਹਵਾ ਦਾ ਰੁਕਣਾ
-
ਠੰਢੀ ਹਵਾ ਦੀ ਕਮੀ
-
ਵਾਹਨਾਂ ਦਾ ਧੂੰਆਂ
-
ਨਿਰਮਾਣ ਸਾਈਟਾਂ ‘ਤੇ ਉੱਡਦੀ ਧੂੜ
ਇਹ ਸਾਰੇ ਤੱਤ ਹਵਾ ਨੂੰ ਜ਼ਮੀਨ ਦੇ ਨਜ਼ਦੀਕ ਅਟਕਾ ਰਹੇ ਹਨ, ਜਿਸ ਨਾਲ ਹਾਲਾਤ ਹੋਰ ਭਿਆਨਕ ਬਣ ਰਹੇ ਹਨ।
ਡਾਕਟਰਾਂ ਦੀ ਵੱਡੀ ਚੇਤਾਵਨੀ – ਮਾਸਕ ਬਿਨਾਂ ਬਾਹਰ ਨਿਕਲਣਾ ਖ਼ਤਰਨਾਕ
ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ ਕਿ ਪ੍ਰਦੂਸ਼ਣ ਦਾ ਇਹ ਪੱਧਰ ਫੇਫੜਿਆਂ ਲਈ ਤੀਬਰ ਖ਼ਤਰਾ ਪੈਦਾ ਕਰਦਾ ਹੈ।
ਬੱਚਿਆਂ, ਬਜ਼ੁਰਗਾਂ ਅਤੇ ਦਿਲ ਦੇ ਮਰੀਜ਼ਾਂ ਲਈ ਇਹ ਹਵਾ ਖ਼ਾਸ ਤੌਰ ‘ਤੇ ਹਾਨਿਕਾਰਕ ਹੈ। ਮੈਡੀਕਲ ਟੀਮਾਂ ਨੇ ਲੋਕਾਂ ਨੂੰ ਸਲਾਹ ਦਿੱਤੀ ਹੈ—
-
ਘਰੋਂ ਬਿਨਾਂ ਲੋੜ ਬਾਹਰ ਨਾ ਨਿਕਲੋ
-
N95 ਮਾਸਕ ਲਾਜ਼ਮੀ ਵਰਤੋ
-
ਘਰਾਂ ਵਿੱਚ HEPA ਫਿਲਟਰ ਵਾਲੇ ਏਅਰ ਪਿਊਰੀਫਾਇਰ ਚਲਾਓ
