ਚੰਡੀਗੜ੍ਹ ਏਅਰਪੋਰਟ ਦੀਆਂ ਉਡਾਣਾਂ ਦੇ ਸਮੇਂ ਚ ਬਦਲਾਵ, ਵੇਖੋ ਨਵੀਂ ਸੂਚੀ

ਚੰਡੀਗੜ੍ਹ :- ਚੰਡੀਗੜ੍ਹ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ 26 ਅਕਤੂਬਰ 2025 ਤੋਂ 28 ਮਾਰਚ 2026 ਤੱਕ ਨਵਾਂ ਵਿੰਟਰ ਸ਼ੈਡਿਊਲ ਲਾਗੂ ਰਹੇਗਾ। ਇਸ ਦੌਰਾਨ ਸਵੇਰੇ 5:20 ਵਜੇ ਤੋਂ ਰਾਤ 11:55 ਵਜੇ ਤੱਕ ਰੋਜ਼ਾਨਾ 55 ਫਲਾਈਟਾਂ ਟੇਕਆਫ ਕਰਨਗੀਆਂ।

ਡੋਮੇਸਟਿਕ ਫਲਾਈਟਾਂ ਦੀ ਜਾਣਕਾਰੀ
ਇੰਡਿਗੋ, ਏਅਰ ਇੰਡੀਆ, ਏਅਰ ਇੰਡੀਆ ਐਕਸਪ੍ਰੈਸ ਅਤੇ ਅਲਾਇੰਸ ਏਅਰ ਦੀਆਂ ਸੇਵਾਵਾਂ ਸ਼ਾਮਲ ਹੋਣਗੀਆਂ। ਦਿੱਲੀ ਲਈ ਸਵੇਰੇ 5:45 ਵਜੇ ਤੋਂ ਰਾਤ 10:30 ਵਜੇ ਤੱਕ ਉਡਾਣਾਂ, ਮੁੰਬਈ ਲਈ ਸਵੇਰੇ 5:20 ਵਜੇ ਤੋਂ ਸ਼ਾਮ 5:05 ਵਜੇ ਤੱਕ ਉਡਾਣਾਂ, ਬੈਂਗਲੁਰੂ ਲਈ 7:30 ਵਜੇ, 3:15 ਵਜੇ ਅਤੇ 11:20 ਵਜੇ, ਸ਼੍ਰੀਨਗਰ ਲਈ 12:55 ਦੁਪਹਿਰ ਅਤੇ 8:10 ਰਾਤ ਦੀਆਂ ਉਡਾਣਾਂ ਸ਼ੁਰੂ ਕੀਤੀਆਂ ਗਈਆਂ ਹਨ।

ਅੰਤਰਰਾਸ਼ਟਰੀ ਉਡਾਣਾਂ
ਅਬੂ ਧਾਬੀ ਲਈ ਦੁਪਹਿਰ 1:20 ਵਜੇ ਅਤੇ ਦੁਬਈ ਲਈ 3:30 ਵਜੇ ਫਲਾਈਟਾਂ ਨਿਰਧਾਰਤ ਕੀਤੀਆਂ ਗਈਆਂ ਹਨ।

ਨਵੇਂ ਰੂਟ ਅਤੇ ਸੇਵਾਵਾਂ

• ਦਿੱਲੀ–ਚੰਡੀਗੜ੍ਹ ਸੇਵਾ 17 ਦਸੰਬਰ 2025 ਤੋਂ 1 ਫਰਵਰੀ 2026 ਤੱਕ।

• ਪਟਨਾ–ਚੰਡੀਗੜ੍ਹ–ਪਟਨਾ ਸੇਵਾ 27 ਅਕਤੂਬਰ ਤੋਂ 16 ਦਸੰਬਰ 2025 ਤੱਕ।

• ਚੰਡੀਗੜ੍ਹ–ਹਿਸਾਰ ਸਿੱਧੀ ਉਡਾਣ 22 ਨਵੰਬਰ ਤੋਂ: ਸਵੇਰੇ 11:10 ਚੰਡੀਗੜ੍ਹ ਤੋਂ, ਵਾਪਸੀ 12:35 ਹਿਸਾਰ ਤੋਂ।

• ਲੇਹ ਲਈ ਨਵੀਂ ਸੇਵਾ: ਸਵੇਰੇ 10:10 ਲੇਹ ਤੋਂ, ਵਾਪਸੀ 11:45 ਚੰਡੀਗੜ੍ਹ ਤੋਂ।

• ਗੋਆ ਲਈ ਸਿੱਧੀ ਫਲਾਈਟ: ਚੰਡੀਗੜ੍ਹ ਤੋਂ ਦੁਪਹਿਰ 2:30, ਵਾਪਸੀ 1:10 ਦੁਪਹਿਰ।

ਯਾਤਰੀਆਂ ਲਈ ਸਲਾਹ
ਚੰਡੀਗੜ੍ਹ ਇੰਟਰਨੈਸ਼ਨਲ ਏਅਰਪੋਰਟ ਅਥਾਰਿਟੀ ਨੇ ਸਲਾਹ ਦਿੱਤੀ ਹੈ ਕਿ ਯਾਤਰੀ ਆਪਣੀ ਉਡਾਣ ਤੋਂ ਪਹਿਲਾਂ ਏਅਰਲਾਈਨ ਤੋਂ ਸਮਾਂ ਪੁਸ਼ਟੀ ਕਰ ਲਵਣ। ਪੰਜ ਰਾਤਰੀ ਫਲਾਈਟਾਂ ਰਾਤ ਨੂੰ ਪਾਰਕ ਰਹਿਣਗੀਆਂ ਅਤੇ ਅਗਲੀ ਸਵੇਰ ਟੇਕਆਫ ਕਰਨਗੀਆਂ।

ਭਵਿੱਖੀ ਰੂਟਾਂ
ਨਾਂਦੇੜ ਸਾਹਿਬ ਲਈ ਵੀ ਉਡਾਣ ਸ਼ੁਰੂ ਕਰਨ ਦੀ ਕੋਸ਼ਿਸ਼ ਜਾਰੀ ਹੈ, ਜਦ ਕਿ ਬਾਕੀ ਰੂਟਾਂ ਦੀ ਪ੍ਰਕਿਰਿਆ ਪੂਰੀ ਹੋਣ ‘ਤੇ ਬੁਕਿੰਗ ਖੁੱਲ੍ਹੀ ਜਾਵੇਗੀ।