ਨਵੀਂ ਦਿੱਲੀ :- ਦੀਵਾਲੀ ਦੇ ਮੌਕੇ ਦਿੱਲੀ ਫਾਇਰ ਸਰਵਿਸ ਨੂੰ ਅੱਧੀ ਰਾਤ ਤੱਕ ਕੁੱਲ 269 ਕਾਲਾਂ ਪ੍ਰਾਪਤ ਹੋਈਆਂ, ਜੋ ਅੱਗ ਨਾਲ ਜੁੜੀਆਂ ਘਟਨਾਵਾਂ ਸੰਬੰਧੀ ਸਨ। ਹਾਲਾਂਕਿ, ਖੁਸ਼ਕਿਸਮਤੀ ਇਹ ਰਹੀ ਕਿ ਕਿਸੇ ਵੀ ਵੱਡੇ ਜਾਨੀ ਜਾਂ ਮਾਲੀ ਨੁਕਸਾਨ ਦੀ ਪੁਸ਼ਟੀ ਨਹੀਂ ਹੋਈ।
ਹਾਈ ਅਲਰਟ ‘ਤੇ ਫਾਇਰ ਬ੍ਰਿਗੇਡ, ਸਾਰੇ ਸਟੇਸ਼ਨ ਤਾਇਨਾਤ
ਦਿੱਲੀ ਫਾਇਰ ਸਰਵਿਸ ਨੇ ਇਸ ਤਿਉਹਾਰ ਦੌਰਾਨ ਪੂਰੇ ਸ਼ਹਿਰ ਵਿੱਚ ਹਾਈ ਅਲਰਟ ਜਾਰੀ ਰੱਖਿਆ। ਸਾਰੇ ਫਾਇਰ ਸਟੇਸ਼ਨ ਅਤੇ ਰੈਪਿਡ ਰਿਸਪਾਂਸ ਟੀਮਾਂ ਤਿਆਰ ਹਾਲਤ ਵਿੱਚ ਮੌਜ਼ੂਦ ਸਨ। ਡੀਐਫਐਸ ਦੇ ਅਧਿਕਾਰੀਆਂ ਮੁਤਾਬਕ, ਪਹਿਲਾਂ ਹੀ ਸਾਰੇ ਕਰਮਚਾਰੀਆਂ ਦੀਆਂ ਛੁੱਟੀਆਂ ਰੱਦ ਕਰ ਦਿੱਤੀਆਂ ਗਈਆਂ ਸਨ, ਜਿਸ ਕਾਰਨ ਕਿਸੇ ਵੀ ਕਾਲ ‘ਤੇ ਤੁਰੰਤ ਕਾਰਵਾਈ ਸੁਨਿਸ਼ਚਿਤ ਕੀਤੀ ਗਈ।
ਪਟਾਕਿਆਂ ਅਤੇ ਦੀਵਿਆਂ ਕਾਰਨ ਛੋਟੀਆਂ ਅੱਗਾਂ
ਵਿਭਾਗ ਨੇ ਦੱਸਿਆ ਕਿ ਪ੍ਰਾਪਤ ਕਾਲਾਂ ਵਿੱਚੋਂ ਜ਼ਿਆਦਾਤਰ ਛੋਟੀਆਂ ਅੱਗਾਂ ਸਨ, ਜੋ ਪਟਾਕਿਆਂ, ਦੀਵਿਆਂ ਜਾਂ ਸਜਾਵਟੀ ਸਮੱਗਰੀ ਕਾਰਨ ਲੱਗੀਆਂ। ਅਧਿਕਾਰੀ ਨੇ ਕਿਹਾ ਕਿ ਡਿਪਲોયਮੈਂਟ ਪਹਿਲਾਂ ਤੋਂ ਮਜ਼ਬੂਤ ਕਰ ਦਿੱਤੀ ਗਈ ਸੀ, ਇਸ ਕਰਕੇ ਕਿਸੇ ਵੀ ਘਟਨਾ ਨੂੰ ਵੱਡੇ ਹਾਦਸੇ ਵਿੱਚ ਬਦਲਣ ਤੋਂ ਪਹਿਲਾਂ ਹੀ ਕਾਬੂ ਕਰ ਲਿਆ ਗਿਆ।
ਪਿਛਲੇ ਸਾਲ ਨਾਲੋਂ ਵੱਧ ਕਾਲਾਂ
ਡੀਐਫਐਸ ਅਨੁਸਾਰ, ਪਿਛਲੇ ਸਾਲ ਦੀਵਾਲੀ ਦੀ ਰਾਤ 200 ਤੋਂ ਵੱਧ ਕਾਲਾਂ ਦਰਜ਼ ਹੋਈਆਂ ਸਨ, ਜਦਕਿ ਇਸ ਵਾਰ ਇਹ ਗਿਣਤੀ 269 ‘ਤੇ ਪਹੁੰਚ ਗਈ। ਅਧਿਕਾਰੀ ਨੇ ਦੱਸਿਆ ਕਿ ਤਿਉਹਾਰਾਂ ਦੌਰਾਨ ਵਿਭਾਗ ਵੱਲੋਂ ਜਨਤਾ ਦੀ ਸੁਰੱਖਿਆ ਲਈ ਵਿਸ਼ੇਸ਼ ਯੋਜਨਾਵਾਂ ਲਾਗੂ ਕੀਤੀਆਂ ਜਾਂਦੀਆਂ ਹਨ, ਜਿਹੜੀਆਂ ਇਸ ਵਾਰ ਵੀ ਪ੍ਰਭਾਵੀ ਸਾਬਤ ਹੋਈਆਂ।
