ਚੰਡੀਗੜ੍ਹ :- ਇਹ ਮਹੀਨਾ ਪੰਜਾਬ ਲਈ ਗਹਿਰੇ ਦੁੱਖਾਂ ਨਾਲ ਭਰਿਆ ਰਿਹਾ। ਪਹਿਲਾਂ ਹੜ੍ਹਾਂ ਨੇ ਕਈ ਪਰਿਵਾਰ ਉਜਾੜ ਦਿੱਤੇ, ਫਿਰ ਕਾਮੇਡੀ ਆਰਟਿਸਟ ਜਸਵਿੰਦਰ ਭੱਲਾ ਦੇ ਦੇਹਾਂਤ ਦੀ ਖ਼ਬਰ ਆਈ। ਉਸ ਤੋਂ ਬਾਅਦ ਸੰਗੀਤ ਜਗਤ ਦੇ ਮਸ਼ਹੂਰ ਚਰਨਜੀਤ ਆਹੂਜਾ ਅਤੇ ਫਿਰ ਹੁਣ ਰਾਜਵੀਰ ਜਵੰਦਾ ਦੀ ਹਾਦਸੇ ਵਿੱਚ ਮੌਤ ਨੇ ਪੂਰੇ ਪੰਜਾਬ ਨੂੰ ਝੰਜੋੜ ਦਿੱਤਾ।
ਸੋਗ ਦੇ ਵਿਚਕਾਰ ਚੋਰਾਂ ਦੀ ਹਰਕਤ
ਜਦੋਂ ਪੂਰਾ ਸੂਬਾ ਦੁੱਖ ਵਿੱਚ ਡੁੱਬਿਆ ਸੀ, ਤਦੋਂ ਕੁਝ ਬੇਹਿਸ ਲੋਕਾਂ ਨੇ ਮੌਕੇ ਦਾ ਫਾਇਦਾ ਚੁਕਣ ਦੀ ਕੋਸ਼ਿਸ਼ ਕੀਤੀ। ਇਹ ਚੋਰ ਮੋਬਾਈਲ ਫੋਨ ਚੋਰੀ ਕਰਨ ਪਹੁੰਚੇ, ਜਿਸ ਨਾਲ ਲੋਕਾਂ ਵਿੱਚ ਗੁੱਸੇ ਦੀ ਲਹਿਰ ਦੌੜ ਪਈ। ਲੋਕਾਂ ਨੇ ਪੁੱਛਿਆ ਕਿ ਕੀ ਮਨੁੱਖਤਾ ਇੰਨੀ ਠੰਢੀ ਪੈ ਗਈ ਹੈ ਕਿ ਕਿਸੇ ਦੇ ਸੋਗ ਵਿੱਚ ਵੀ ਕੁਝ ਲੋਕ ਧੰਦੇ ਦੇ ਚੱਕਰ ਵਿੱਚ ਲੱਗੇ ਹਨ?
ਜਸਬੀਰ ਜੱਸੀ ਦੀ ਪ੍ਰਤੀਕਿਰਿਆ ਤੇ ਸਖ਼ਤ ਅਪੀਲ
ਗਾਇਕ ਜਸਬੀਰ ਜੱਸੀ ਨੇ ਇਸ ਘਟਨਾ ਨੂੰ ਨਿੰਦਣਯੋਗ ਕਰਾਰ ਦਿੰਦੇ ਕਿਹਾ ਕਿ ਚੋਰੀ ਦਾ ਇਹ ਰੁਝਾਨ ਮਾੜੀ ਗਾਇਕੀ ਤੇ ਨਸ਼ੇ ਨਾਲੋਂ ਵੀ ਵੱਧ ਖ਼ਤਰਨਾਕ ਹੈ। ਉਨ੍ਹਾਂ ਨੇ ਪੰਜਾਬ ਪੁਲਿਸ ਨੂੰ ਅਪੀਲ ਕੀਤੀ ਕਿ ਜ਼ਿੰਮੇਵਾਰ ਲੋਕਾਂ ਨੂੰ ਜਲਦੀ ਗ੍ਰਿਫ਼ਤਾਰ ਕੀਤਾ ਜਾਵੇ ਤੇ ਪੰਜਾਬ ਸਰਕਾਰ ਨੂੰ ਵੀ ਇਸ ਮਾਮਲੇ ਦਾ ਨੋਟਿਸ ਲੈਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਜਦੋਂ ਤੱਕ ਅਜਿਹੇ ਲੋਕ ਕਾਨੂੰਨ ਦੇ ਘੇਰੇ ’ਚ ਨਹੀਂ ਆਉਂਦੇ, ਤਦ ਤੱਕ ਸੂਬੇ ਦੀ ਕਾਨੂੰਨ-ਵਿਵਸਥਾ ਮਜ਼ਬੂਤ ਨਹੀਂ ਹੋ ਸਕਦੀ।
