ਚੰਡੀਗੜ੍ਹ :- ਰੇਲਵੇ ਵਿਭਾਗ ਵੱਲੋਂ ਪੰਜਾਬ ’ਚ ਅਗਲੇ ਤਿੰਨ ਦਿਨਾਂ ਲਈ ਕਈ ਟ੍ਰੇਨਾਂ ਦੇ ਸ਼ੈਡਿਊਲ ’ਚ ਤਬਦੀਲੀ ਕੀਤੀ ਗਈ ਹੈ। ਇਸ ਕਾਰਨ 12, 13 ਅਤੇ 14 ਅਕਤੂਬਰ ਨੂੰ ਸਫਰ ਕਰਨ ਵਾਲੇ ਯਾਤਰੀਆਂ ਨੂੰ ਕਾਫ਼ੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਅਧਿਕਾਰੀਆਂ ਨੇ ਅਪੀਲ ਕੀਤੀ ਹੈ ਕਿ ਯਾਤਰੀ ਰਵਾਨਗੀ ਤੋਂ ਪਹਿਲਾਂ ਆਪਣੀ ਟ੍ਰੇਨ ਦੀ ਤਾਜ਼ਾ ਸਥਿਤੀ ਜ਼ਰੂਰ ਜਾਂਚ ਲੈਣ।
ਰੇਲਵੇ ਲਾਈਨ ’ਤੇ ਕੰਮ ਕਾਰਨ ਪ੍ਰਭਾਵਿਤ ਰਹੇਗਾ ਸੈਕਸ਼ਨ
ਜਾਣਕਾਰੀ ਮੁਤਾਬਿਕ ਜਲੰਧਰ ਕੈਂਟ–ਸਾਹਨੇਵਾਲ–ਅੰਮ੍ਰਿਤਸਰ ਸੈਕਸ਼ਨ ’ਚ ਫਿਰੋਜ਼ਪੁਰ ਡਿਵੀਜ਼ਨ ਵੱਲੋਂ ਆਰਸੀਸੀ ਬਾਕਸ ਦਾ ਕੰਮ ਕੀਤਾ ਜਾ ਰਿਹਾ ਹੈ। ਇਸ ਤਕਨੀਕੀ ਕੰਮ ਕਾਰਨ ਲਾਈਨ ’ਤੇ ਟ੍ਰੈਫਿਕ ਪ੍ਰਭਾਵਿਤ ਰਹੇਗਾ ਅਤੇ ਕਈ ਟ੍ਰੇਨਾਂ ਨੂੰ ਜਾਂ ਤਾਂ ਦੇਰੀ ਨਾਲ ਚਲਾਇਆ ਜਾਵੇਗਾ ਜਾਂ ਉਨ੍ਹਾਂ ਦਾ ਰੂਟ ਬਦਲਿਆ ਜਾਵੇਗਾ।
12 ਅਕਤੂਬਰ – ਕਈ ਟ੍ਰੇਨਾਂ ਦੇਰੀ ਨਾਲ ਚਲਣਗੀਆਂ
ਛਤਰਪਤੀ ਸ਼ਿਵਾਜੀ ਟਰਮੀਨਲਜ਼ ਤੋਂ ਅੰਮ੍ਰਿਤਸਰ ਆਉਣ ਵਾਲੀ ਐਕਸਪ੍ਰੈਸ 90 ਮਿੰਟ ਦੇਰੀ ਨਾਲ ਪਹੁੰਚੇਗੀ।
13 ਅਕਤੂਬਰ – ਸੱਤ ਟ੍ਰੇਨਾਂ ਦੇ ਸਮੇਂ ’ਚ ਬਦਲਾਅ
ਪੂਰਨੀਆ ਕੋਰਟ–ਅੰਮ੍ਰਿਤਸਰ ਐਕਸਪ੍ਰੈਸ 60 ਮਿੰਟ ਦੇਰੀ ਨਾਲ ਪਹੁੰਚੇਗੀ।
ਜੈਨਗਰ–ਅੰਮ੍ਰਿਤਸਰ ਐਕਸਪ੍ਰੈਸ ਵੀ 60 ਮਿੰਟ ਦੇਰੀ ਨਾਲ ਚੱਲੇਗੀ।
ਕਟੜਾ–ਅੰਬੇਡਕਰ ਨਗਰ ਐਕਸਪ੍ਰੈਸ 70 ਮਿੰਟ ਦੇਰੀ ਨਾਲ ਚੱਲੇਗੀ।
ਅੰਮ੍ਰਿਤਸਰ–ਕਾਨਪੁਰ ਸੈਂਟਰਲ ਐਕਸਪ੍ਰੈਸ 60 ਮਿੰਟ ਦੇਰੀ ਨਾਲ।
ਅੰਮ੍ਰਿਤਸਰ–ਜੈਨਗਰ ਐਕਸਪ੍ਰੈਸ 70 ਮਿੰਟ ਦੇਰੀ ਨਾਲ।
ਅੰਮ੍ਰਿਤਸਰ–ਨੰਗਲ ਡੈਮ ਐਕਸਪ੍ਰੈਸ 40 ਮਿੰਟ ਦੇਰੀ ਨਾਲ।
ਕਟੜਾ–ਬਾਂਦਰਾ ਟਰਮੀਨਸ ਐਕਸਪ੍ਰੈਸ 40 ਮਿੰਟ ਦੇਰੀ ਨਾਲ ਰਵਾਨਾ ਹੋਵੇਗੀ।
14 ਅਕਤੂਬਰ – ਕਈ ਟ੍ਰੇਨਾਂ ਦੇ ਰੂਟ ਬਦਲੇ ਜਾਣਗੇ
ਨਵੀਂ ਦਿੱਲੀ–ਅੰਮ੍ਰਿਤਸਰ ਐਕਸਪ੍ਰੈਸ ਨੂੰ ਫਗਵਾੜਾ ਵਿਖੇ ਸ਼ਾਰਟ-ਟਰਮੀਨੇਟ ਕੀਤਾ ਜਾਵੇਗਾ, ਜਿੱਥੋਂ ਇਹ ਮੁੜ ਨਵੀਂ ਦਿੱਲੀ ਵਾਪਸ ਚੱਲੇਗੀ।
ਨਵੀਂ ਦਿੱਲੀ–ਲੋਹੀਆਂ ਖਾਸ ਐਕਸਪ੍ਰੈਸ ਨੂੰ ਲੁਧਿਆਣਾ ਤੋਂ ਜਲੰਧਰ ਸ਼ਹਿਰ ਵੱਲ ਭੇਜਣ ਦੀ ਬਜਾਏ, ਫਿਲੌਰ–ਨਕੋਦਰ ਰਾਹੀਂ ਮੋੜਿਆ ਜਾਵੇਗਾ।
ਅੰਮ੍ਰਿਤਸਰ–ਅਜਮੇਰ ਐਕਸਪ੍ਰੈਸ ਨੂੰ ਲੁਧਿਆਣਾ–ਜਲੰਧਰ ਸ਼ਹਿਰ–ਫਿਰੋਜ਼ਪੁਰ ਰਾਹੀਂ ਜਾਣ ਦੀ ਬਜਾਏ, ਕਪੂਰਥਲਾ ਤੇ ਲੋਹੀਆਂ ਖਾਸ ਦੇ ਰਸਤੇ ਰਵਾਨਾ ਕੀਤਾ ਜਾਵੇਗਾ।
ਰੇਲਵੇ ਦੀ ਅਪੀਲ – ਸਫ਼ਰ ਤੋਂ ਪਹਿਲਾਂ ਕਰੋ ਪੁਸ਼ਟੀ
ਰੇਲਵੇ ਵਿਭਾਗ ਨੇ ਸਾਰੇ ਯਾਤਰੀਆਂ ਨੂੰ ਅਪੀਲ ਕੀਤੀ ਹੈ ਕਿ ਤਿੰਨ ਦਿਨਾਂ ਦੌਰਾਨ ਸਫ਼ਰ ਤੋਂ ਪਹਿਲਾਂ ਆਪਣੀ ਟ੍ਰੇਨ ਦਾ ਸਮਾਂ, ਰੂਟ ਅਤੇ ਸਟੇਸ਼ਨ ਸਥਿਤੀ ਦੀ ਪੁਸ਼ਟੀ ਕਰ ਲੈਣ ਤਾਂ ਜੋ ਕਿਸੇ ਵੀ ਤਰ੍ਹਾਂ ਦੀ ਅਸੁਵਿਧਾ ਤੋਂ ਬਚਿਆ ਜਾ ਸਕੇ।
