ਬਠਿੰਡਾ :- ਅੱਜ ਸਵੇਰੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਬਠਿੰਡਾ ਦੇ ਰਾਮਪੁਰਾ ਫੂਲ ਵਿਖੇ ਨਵੇਂ ਰੇਲਵੇ ਓਵਰ ਬ੍ਰਿਜ ਦਾ ਉਦਘਾਟਨ ਕੀਤਾ। ਇਸ ਮੌਕੇ ਹਲਕੇ ਦੇ ਐਮਐਲਏ ਬਲਕਾਰ ਸਿੰਘ ਸਿੱਧੂ ਵੀ ਮੌਜੂਦ ਸਨ।
ਲੰਬਾਈ ਅਤੇ ਖਰਚਾ
ਨਵਾਂ ਓਵਰ ਬ੍ਰਿਜ 1.5 ਕਿਲੋਮੀਟਰ ਲੰਬਾ ਹੈ। ਇਸਦੇ ਨਿਰਮਾਣ ‘ਤੇ 100 ਕਰੋੜ ਰੁਪਏ ਖਰਚ ਹੋਏ ਹਨ। ਇਸ ਨਾਲ ਪਿਛਲੇ ਚਾਰ ਸਾਲਾਂ ਤੋਂ ਰਹੀ ਆਵਾਜਾਈ ਦੀ ਸਮੱਸਿਆ ਦੂਰ ਹੋਵੇਗੀ।
ਲੋਕਾਂ ਲਈ ਸੌਖੀ ਆਵਾਜਾਈ
ਰਾਮਪੁਰਾ ਮੰਡੀ ਦੇ ਦੋ ਹਿੱਸਿਆਂ ਵਿੱਚ ਵੰਡੇ ਇਲਾਕਿਆਂ ਦੇ ਵਾਸੀਆਂ ਹੁਣ ਆਸਾਨੀ ਨਾਲ ਦੋਹਾਂ ਪਾਸਿਆਂ ਵਿੱਚ ਆ-ਜਾ ਸਕਣਗੇ। ਨਵੇਂ ਬ੍ਰਿਜ ਨਾਲ ਸੜਕਾਂ ‘ਤੇ ਜਾਮ ਅਤੇ ਰੁਕਾਵਟ ਘੱਟ ਹੋਵੇਗੀ।
ਵਪਾਰ ਅਤੇ ਆਵਾਜਾਈ ‘ਚ ਸੁਵਿਧਾ
ਨਵੇਂ ਓਵਰ ਬ੍ਰਿਜ ਦੇ ਖੁੱਲ੍ਹਣ ਨਾਲ ਇਲਾਕੇ ਵਿੱਚ ਆਵਾਜਾਈ ਤੇਜ਼ ਹੋਏਗੀ ਅਤੇ ਵਪਾਰਕ ਗਤੀਵਿਧੀਆਂ ਨੂੰ ਵੀ ਸਹੂਲਤ ਮਿਲੇਗੀ।
