ਲੁਧਿਆਣਾ :- ਲੁਧਿਆਣਾ ਦੇ ਨਾਗਰਿਕਾਂ ਨੂੰ ਜਲਦ ਹੀ ਵਰਲਡ ਕਲਾਸ ਸੜਕਾਂ ਅਤੇ ਅਧੁਨਿਕ ਇੰਫ੍ਰਾਸਟ੍ਰਕਚਰ ਦੀ ਸੁਵਿਧਾ ਮਿਲਣ ਜਾ ਰਹੀ ਹੈ। ਇਸ ਪ੍ਰਾਜੈਕਟ ਨੂੰ ਲੈ ਕੇ ਹਾਲ ਹੀ ਵਿੱਚ ਇੱਕ ਹਾਈ ਲੈਵਲ ਮੀਟਿੰਗ ਕੈਬਨਿਟ ਮੰਤਰੀ ਸੰਜੀਵ ਅਰੋੜਾ ਦੀ ਅਗਵਾਈ ਵਿੱਚ ਹੋਈ। ਮੀਟਿੰਗ ਵਿੱਚ ਨਗਰ ਨਿਗਮ, ਪੁਲਸ, ਬਿਜਲੀ ਵਿਭਾਗ, ਪੀ. ਡਬਲਯੂ. ਡੀ. ਦੇ ਅਧਿਕਾਰੀ ਮੌਜੂਦ ਸਨ।
ਮੀਟਿੰਗ ਦੌਰਾਨ ਕੰਸਲਟੈਂਟ ਕੰਪਨੀ ਵੱਲੋਂ ਪ੍ਰੋਜੈਕਟ ਬਾਰੇ ਪ੍ਰੈਜ਼ੈਂਟੇਸ਼ਨ ਦਿੱਤੀ ਗਈ ਅਤੇ ਮੰਤਰੀ ਅਰੋੜਾ ਨੇ ਗਰਾਊਂਡ ਪੱਧਰ ਤੋਂ ਫੀਡਬੈਕ ਲੈ ਕੇ ਬਲੂ ਪ੍ਰਿੰਟ ਨੂੰ ਜਲਦੀ ਫਾਈਨਲ ਕਰਨ ਦੇ ਨਿਰਦੇਸ਼ ਦਿੱਤੇ।
ਪ੍ਰਾਜੈਕਟ ਦੇ ਮੁੱਖ ਅੰਸ਼
ਆਧੁਨਿਕ ਅਤੇ ਸੁਰੱਖਿਅਤ ਰੋਡ ਇੰਫ੍ਰਾਸਟ੍ਰਕਚਰ
ਮੰਤਰੀ ਅਰੋੜਾ ਨੇ ਕਿਹਾ ਕਿ ਸਰਕਾਰ ਦਾ ਧਿਆਨ ਅਰਬਨ ਰੋਡ ਟ੍ਰਾਂਸਪੋਰਟ ਸਿਸਟਮ ਨੂੰ ਵਰਲਡ ਕਲਾਸ ਸਟੈਂਡਰਡ ਦਾ ਬਣਾਉਣ ‘ਤੇ ਹੈ। ਲੁਧਿਆਣਾ ਤੋਂ ਇਸ ਦੀ ਸ਼ੁਰੂਆਤ ਕੀਤੀ ਜਾ ਰਹੀ ਹੈ।
ਪ੍ਰਾਜੈਕਟ ਵਿੱਚ ਇਹ ਵਿਸ਼ੇਸ਼ਤਾਵਾਂ ਸ਼ਾਮਲ ਹਨ:
-
ਪੈਦਲ ਚੱਲਣ ਅਤੇ ਸਾਈਕਲ ਸਵਾਰ ਲਈ ਸੁਰੱਖਿਅਤ ਲੇਨ
-
ਐਂਟਰੀ ਪੁਆਇੰਟ ਦੀ ਬਿਊਟੀਫਿਕੇਸ਼ਨ
-
ਜੰਕਸ਼ਨ ਇੰਪਰੂਵਮੈਂਟ ਨਾਲ ਟ੍ਰੈਫਿਕ ਜਾਮ ਦਾ ਹੱਲ
-
ਵਾਧੂ ਪਾਰਕਿੰਗ ਦੀ ਸਹੂਲਤ
ਮਾਰਕ ਕੀਤੀਆਂ ਸੜਕਾਂ
ਪ੍ਰਾਜੈਕਟ ਤਹਿਤ ਨਿਮਨਲਿਖਤ ਸੜਕਾਂ ‘ਤੇ ਕੰਮ ਕੀਤਾ ਜਾਵੇਗਾ:
-
ਸ਼ੇਰਪੁਰ ਚੌਕ ਤੋਂ ਜਗਰਾਓਂ ਪੁਲ ਤੱਕ
-
ਪੁਰਾਣੀ ਸਬਜ਼ੀ ਮੰਡੀ ਤੋਂ ਭਾਰਤ ਨਗਰ ਚੌਕ ਤੱਕ ਮਾਲ ਰੋਡ
-
ਫੁਹਾਰਾ ਚੌਕ ਤੋਂ ਆਰਤੀ ਚੌਕ
-
ਚੌੜਾ ਬਾਜ਼ਾਰ ਤੋਂ ਘਾਹ ਮੰਡੀ ਚੌਕ
-
ਡੀ. ਐੱਮ. ਸੀ. ਹਸਪਤਾਲ ਰੋਡ
-
ਫੀਲਡਗੰਜ ਤੋਂ ਸਿਵਲ ਹਸਪਤਾਲ
-
ਗਿੱਲ ਰੋਡ
-
ਮਾਡਲ ਟਾਊਨ ਰੋਡ
ਮੀਟਿੰਗ ਵਿੱਚ ਪੰਜਾਬ ਡਿਵੈਲਪਮੈਂਟ ਕਮਿਸ਼ਨ ਚੇਅਰਮੈਨ ਜੈਸਮੀਨ ਸ਼ਾਹ, ਮੇਅਰ ਇੰਦਰਜੀਤ ਕੌਰ, ਪੁਲਸ ਕਮਿਸ਼ਨਰ ਸਵਪਨ ਸ਼ਰਮਾ, ਨਗਰ ਨਿਗਮ ਕਮਿਸ਼ਨਰ ਆਦਿੱਤਿਆ ਅਤੇ ਏ. ਡੀ. ਸੀ. ਰਾਕੇਸ਼ ਕੁਮਾਰ** ਸਮੇਤ ਹੋਰ ਅਧਿਕਾਰੀ ਹਾਜ਼ਰ ਸਨ।
