ਫਾਜ਼ਿਲਕਾ :- ਪੰਜਾਬ ਸਰਕਾਰ ਨੇ ਹੜ੍ਹਾਂ ਤੋਂ ਪ੍ਰਭਾਵਿਤ ਪਿੰਡਾਂ ਵਿੱਚ ਵਾਹੀਯੋਗ ਜ਼ਮੀਨਾਂ ਵਿੱਚ ਦਰਿਆਈ ਪਦਾਰਥਾਂ ਨੂੰ ਹਟਾਉਣ ਲਈ ਨਵੀਂ ਮੁਹਿੰਮ ਸ਼ੁਰੂ ਕੀਤੀ ਹੈ। ਇਸ ਦੌਰਾਨ ਫਾਜ਼ਿਲਕਾ ਦੇ 10 ਪਿੰਡਾਂ ਨੂੰ ਨੋਟੀਫਾਈ ਕੀਤਾ ਗਿਆ ਹੈ। ਮੁਹਿੰਮ ਦਾ ਉਦੇਸ਼ ਹੜ੍ਹਾਂ ਦੌਰਾਨ ਜਮੀਨਾਂ ਤੇ ਆਈ ਮਿੱਟੀ, ਰੇਤ ਅਤੇ ਦਰਿਆਈ ਪਦਾਰਥ ਨੂੰ ਲਿਫਟ/ਡੀ-ਸਿਲਟ ਕਰਵਾਉਣਾ ਹੈ।
ਨੋਟੀਫਾਈ ਕੀਤੇ ਪਿੰਡ
ਡਿਪਟੀ ਕਮਿਸ਼ਨਰ ਅਮਰਪ੍ਰੀਤ ਕੌਰ ਸੰਧੂ ਨੇ ਦੱਸਿਆ ਕਿ ਇਹ ਨੋਟੀਫਿਕੇਸ਼ਨ ਮਾਈਨਿੰਗ ਅਤੇ ਜਿਓਲਾਜੀ ਵਿਭਾਗ ਵੱਲੋਂ ਜਾਰੀ ਕੀਤਾ ਗਿਆ ਹੈ। ਨੋਟੀਫਾਈ ਪਿੰਡਾਂ ਵਿੱਚ ਸ਼ਾਮਿਲ ਹਨ:
- ਪਿੰਡ ਹਸਤਾਂ ਕਲਾਂ
- ਪਿੰਡ ਮਹਾਤਮ ਨਗਰ
- ਪਿੰਡ ਤੇਜਾ ਰਹੇਲਾ
- ਪਿੰਡ ਚੱਕ ਰੁਹੇਲਾ
- ਪਿੰਡ ਮੁਹਾਰ ਜਮਸ਼ੇਰ
- ਪਿੰਡ ਘੁਰਕਾ
- ਪਿੰਡ ਦੋਨਾ ਸਿਕੰਦਰੀ
- ਪਿੰਡ ਵੱਲੇ ਸ਼ਾਹ ਹਿਠਾੜ
- ਪਿੰਡ ਵੱਲੇ ਸ਼ਾਹ ਉਤਾੜ
- ਪਿੰਡ ਮੁਹਾਰ ਖੀਵਾ
ਜ਼ਮੀਨ ਮਾਲਕਾਂ ਲਈ ਆਗਿਆ
ਪੰਜਾਬ ਸਰਕਾਰ ਦੀਆਂ ਹਦਾਇਤਾਂ ਮੁਤਾਬਕ, ਇਨ੍ਹਾਂ ਪਿੰਡਾਂ ਵਿੱਚ ਪ੍ਰਭਾਵਿਤ ਜ਼ਮੀਨ ਮਾਲਕਾਂ ਨੂੰ 31 ਦਸੰਬਰ 2025 ਤੱਕ ਆਪਣੇ ਪੱਧਰ ‘ਤੇ ਮਿੱਟੀ/ਰੇਤ/ਦਰਿਆਈ ਪਦਾਰਥ ਨੂੰ ਹਟਾਉਣ ਦੀ ਆਗਿਆ ਦਿੱਤੀ ਗਈ ਹੈ। ਇਸ ਕੰਮ ਲਈ ਕਿਸੇ ਵੀ ਪਰਮਿਟ ਜਾਂ ਐਨ.ਓ.ਸੀ ਦੀ ਲੋੜ ਨਹੀਂ ਹੋਵੇਗੀ।
ਮੁਹਿੰਮ ਦਾ ਉਦੇਸ਼
“ਜਿਹਦਾ ਖੇਤ, ਓਹਦੀ ਰੇਤ” ਮੁਹਿੰਮ ਦਾ ਉਦੇਸ਼ ਹੜ੍ਹਾਂ ਦੌਰਾਨ ਜ਼ਮੀਨਾਂ ਨੂੰ ਸੁਰੱਖਿਅਤ ਬਣਾਉਣਾ ਅਤੇ ਕਿਸਾਨਾਂ ਦੀ ਫਸਲ ਨੂੰ ਨੁਕਸਾਨ ਤੋਂ ਬਚਾਉਣਾ ਹੈ। ਇਸ ਨਾਲ ਨਾ ਸਿਰਫ਼ ਜ਼ਮੀਨ ਦੀ ਵਰਤੋਂ ਸੁਧਰੇਗੀ, ਸਗੋਂ ਹੜ੍ਹਾਂ ਕਾਰਨ ਪੈਦਾ ਹੋਣ ਵਾਲੇ ਨੁਕਸਾਨ ਨੂੰ ਵੀ ਘਟਾਇਆ ਜਾ ਸਕੇਗਾ।
