ਪੰਜਾਬ ਵਿਧਾਨ ਸਭਾ ਵਿੱਚ ਤਿੱਖੀ ਚਰਚਾ ਉਸ ਵੇਲੇ ਛਿੜ ਗਈ, ਜਦੋਂ ਕੈਬਨਿਟ ਮੰਤਰੀ ਹਰਪਾਲ ਚੀਮਾ ਨੇ ਪ੍ਰਤਾਪ ਸਿੰਘ ਬਾਜਵਾ ਵਲੋਂ ਖ਼ਰੀਦੀ ਗਈ ਜ਼ਮੀਨ ਬਾਰੇ ਬਿਆਨ ਦਿੱਤਾ। ਮੰਤਰੀ ਚੀਮਾ ਨੇ ਦੱਸਿਆ ਕਿ ਬਾਜਵਾ ਨੇ ਡੇਢ ਮਹੀਨਾ ਪਹਿਲਾਂ ਪਿੰਡ ਫੁਲੜਾ ਵਿੱਚ ਬਿਆਸ ਦਰਿਆ ਦੇ ਧੁੱਸੀ ਬੰਨ੍ਹ ਦੇ ਨੇੜੇ ਲਗਭਗ 2 ਏਕੜ ਜ਼ਮੀਨ ਖ਼ਰੀਦ ਲਈ। ਉਨ੍ਹਾਂ ਦਾ ਦਾਵਾ ਸੀ ਕਿ ਬਾਜਵਾ ਨੂੰ ਪਤਾ ਸੀ ਕਿ ਇੱਥੇ ਰੇਤਾ ਆਵੇਗੀ ਅਤੇ ਮਾਈਨਿੰਗ ਹੋਵੇਗੀ।
ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਬਾਜਵਾ ਨੇ ਪਿੰਡ ਪਸਵਾਲ ਵਿੱਚ ਵੀ 10 ਏਕੜ ਜ਼ਮੀਨ ਖ਼ਰੀਦੀ, ਜੋ ਧੁੱਸੀ ਬੰਨ੍ਹ ਦੇ ਨੇੜੇ ਸਥਿਤ ਹੈ। ਹਰਪਾਲ ਚੀਮਾ ਨੇ ਤਿੱਖਾ ਦੋਸ਼ ਲਾਇਆ ਕਿ ਬਾਜਵਾ ਕਿਸਾਨਾਂ ਦੀ ਮਦਦ ਕਰਨ ਦੀ ਬਜਾਏ ਆਪਣੀਆਂ ਜ਼ਮੀਨਾਂ ਬਚਾਉਣ ਵਿੱਚ ਰੁਚੀ ਰੱਖਦੇ ਹਨ।
ਸਿਆਸੀ ਟਿੱਪਣੀਆਂ ਤੇ ਰੋਲਾ
ਮੰਤਰੀ ਚੀਮਾ ਨੇ ਪ੍ਰਤਾਪ ਸਿੰਘ ਬਾਜਵਾ ਦੀ ਨਿੰਦਾ ਕਰਦਿਆਂ ਕਿਹਾ ਕਿ ਉਹ ਹਮੇਸ਼ਾ ਹਾਊਸ ਕਮੇਟੀ ਬਣਾਉਣ ਅਤੇ ਮੰਤਰੀ ਗੋਇਲ ਦੇ ਅਸਤੀਫ਼ੇ ਦੀ ਮੰਗ ਕਰਨ ਵਿੱਚ ਰੁਚੀ ਰੱਖਦੇ ਹਨ। ਉਨ੍ਹਾਂ ਨੇ ਦੋਸ਼ ਲਾਇਆ ਕਿ ਬਾਜਵਾ 24 ਘੰਟੇ ਭਾਜਪਾ ਦੇ ਬੁਲਾਰੇ ਵਾਂਗ ਘੁੰਮਦੇ ਹਨ ਅਤੇ ਆਪਣੇ ਸਿਆਸੀ ਹਿੱਤਾਂ ਲਈ ਹਰੇਕ ਮੌਕੇ ਨੂੰ ਵਰਤਦੇ ਹਨ।
ਬਾਜਵਾ ਨੇ ਜਵਾਬ ਵਿੱਚ ਕਿਹਾ ਕਿ ਖ਼ਰੀਦੀ ਜ਼ਮੀਨ ਸਰਕਾਰ ਦੇ ਸਮੇਂ ਲਈ ਹੈ ਅਤੇ ਰਜਿਸਟਰੀ ਸਿਰਫ ਸਰਕਾਰ ਕੋਲੋਂ ਕੀਤੀ ਗਈ, ਕਿਸੇ ਚੋਰ ਤੋਂ ਨਹੀਂ। ਇਸ ਬਿਆਨ ਦੇ ਦੌਰਾਨ ਸਦਨ ਵਿੱਚ ਉਭਰਦਾ ਰੌਲਾ ਸਿਆਸੀ ਤਣਾਅ ਨੂੰ ਦਰਸਾਉਂਦਾ ਹੈ।
