ਪੰਜਾਬ :- ਪੰਜਾਬ ਵਿੱਚ ਹੜ੍ਹ ਦੇ ਪਾਣੀ ਦਾ ਪੱਧਰ ਭਾਵੇਂ ਹੁਣ ਘੱਟ ਗਿਆ ਹੈ, ਪਰ ਅਸਲ ਚੁਣੌਤੀ ਲੋਕਾਂ ਦੇ ਜੀਵਨ ਨੂੰ ਦੁਬਾਰਾ ਸਧਾਰਨ ਕਰਨਾ ਹੈ। ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ ਇਹ ਜ਼ਿੰਮੇਵਾਰੀ ਆਪਣਾ ਫਰਜ਼ ਮੰਨਦੇ ਹੋਏ 14 ਸਤੰਬਰ ਤੋਂ ਵਿਸ਼ੇਸ਼ ਸਿਹਤ ਮੁਹਿੰਮ ਸ਼ੁਰੂ ਕੀਤੀ। 2303 ਹੜ੍ਹ ਪ੍ਰਭਾਵਿਤ ਪਿੰਡਾਂ ਵਿੱਚ ਇਕੱਠੇ ਸਿਹਤ ਸੇਵਾਵਾਂ ਪਹੁੰਚਾਉਣ ਦਾ ਇਹ ਅਭਿਆਨ ਪਹਿਲਾਂ ਕਦੇ ਨਹੀਂ ਹੋਇਆ।
ਘਰ–ਘਰ ਤੱਕ ਪਹੁੰਚ ਰਹੀਆਂ ਡਾਕਟਰੀ ਟੀਮਾਂ
ਜਿੱਥੇ ਪਹਿਲਾਂ ਲੋਕ ਦਵਾਈ ਲਈ ਹਸਪਤਾਲਾਂ ਦੇ ਚੱਕਰ ਕੱਟਦੇ ਸਨ, ਹੁਣ ਉੱਥੇ ਸਰਕਾਰ ਖੁਦ ਡਾਕਟਰਾਂ ਦੀ ਟੀਮ ਨਾਲ ਘਰ–ਘਰ ਪਹੁੰਚ ਰਹੀ ਹੈ। ਹਰ ਕੈਂਪ ਵਿੱਚ ਬੁਨਿਆਦੀ ਦਵਾਈਆਂ, ਓਆਰਐਸ, ਬੁਖਾਰ ਦੀਆਂ ਗੋਲੀਆਂ, ਮਲੇਰੀਆ–ਡੇਂਗੂ ਦੀਆਂ ਜਾਂਚ ਕਿੱਟਾਂ ਅਤੇ ਫਰਸਟ ਏਡ ਉਪਲਬਧ ਹਨ। ਜਿਨ੍ਹਾਂ ਪਿੰਡਾਂ ਵਿੱਚ ਹਸਪਤਾਲ ਨਹੀਂ ਹਨ, ਉੱਥੇ ਸਕੂਲ, ਪੰਚਾਇਤ ਘਰ ਜਾਂ ਆੰਗਣਵਾਡੀ ਕੇਂਦਰ ਨੂੰ ਅਸਥਾਈ ਕਲੀਨਿਕ ਬਣਾਇਆ ਗਿਆ ਹੈ।
ਮੁਹਿੰਮ ਦੀ ਖ਼ਾਸੀਅਤ – ਪੂਰੀ ਸਰਕਾਰ ਮੈਦਾਨ ਵਿੱਚ
ਇਸ ਅਭਿਆਨ ਦੀ ਵੱਖਰੀ ਗੱਲ ਇਹ ਹੈ ਕਿ ਇਹ ਸਿਰਫ਼ ਸਿਹਤ ਵਿਭਾਗ ਦੀ ਜ਼ਿੰਮੇਵਾਰੀ ਨਹੀਂ ਰਹੀ। ਮੁੱਖ ਮੰਤਰੀ ਭਗਵੰਤ ਮਾਨ ਖੁਦ ਇਸਦੀ ਨਿਗਰਾਨੀ ਕਰ ਰਹੇ ਹਨ। ਕੈਬਨਿਟ ਮੰਤਰੀ, ਵਿਧਾਇਕ, ਪਾਰਟੀ ਦੇ ਇੰਚਾਰਜ ਅਤੇ ਵਲੰਟੀਅਰ ਹਰ ਪਿੰਡ ਵਿੱਚ ਸਰਕਾਰੀ ਟੀਮਾਂ ਨਾਲ ਖੜੇ ਹਨ।
ਫੋਗਿੰਗ ਅਤੇ ਮੱਛਰਾਂ ‘ਤੇ ਕਾਬੂ ਲਈ ਤਿਆਰੀ
ਅਗਲੇ 21 ਦਿਨਾਂ ਤੱਕ ਹਰ ਪਿੰਡ ਵਿੱਚ ਲਗਾਤਾਰ ਫੋਗਿੰਗ ਕੀਤੀ ਜਾ ਰਹੀ ਹੈ। ਟੀਮਾਂ ਪਾਣੀ ਦੇ ਸਰੋਤ ਚੈੱਕ ਕਰਦੀਆਂ ਹਨ ਤੇ ਜਿੱਥੇ ਵੀ ਬੀਮਾਰੀ ਦਾ ਸ਼ੱਕ ਹੁੰਦਾ ਹੈ, ਉੱਥੇ ਤੁਰੰਤ ਸਪ੍ਰੇ ਕੀਤਾ ਜਾਂਦਾ ਹੈ।
ਐਂਬੂਲੈਂਸ ਅਤੇ ਸਟਾਫ਼ ਦੀ ਵੱਡੀ ਤਾਇਨਾਤੀ
ਇਸ ਅਭਿਆਨ ਵਿੱਚ 550 ਤੋਂ ਵੱਧ ਐਂਬੂਲੈਂਸਾਂ, 85 ਕਿਸਮ ਦੀਆਂ ਦਵਾਈਆਂ ਅਤੇ 23 ਮੈਡੀਕਲ ਉਪਕਰਣਾਂ ਦਾ ਸਟਾਕ ਰੱਖਿਆ ਗਿਆ ਹੈ। ਵੱਡੇ ਹਸਪਤਾਲਾਂ ਦੇ ਡਾਕਟਰ, ਨਰਸਿੰਗ ਸਟਾਫ਼ ਅਤੇ ਫਾਰਮਾਸਿਸਟ ਵੀ ਇਸ ਕੰਮ ਵਿੱਚ ਸ਼ਾਮਲ ਹਨ।
ਲੋਕਾਂ ਦੀ ਆਵਾਜ਼ – “ਏ ਸਾਡੀ ਸਰਕਾਰ ਹੈ”
ਹਰ ਪਿੰਡ ਵਿੱਚ ਜਦੋਂ ਸਿਹਤ ਸੇਵਾਵਾਂ ਅਤੇ ਰਾਹਤ ਸਿੱਧੀ ਲੋਕਾਂ ਤੱਕ ਪਹੁੰਚ ਰਹੀ ਹੈ, ਤਾਂ ਲੋਕ ਆਪ ਕਹਿ ਰਹੇ ਹਨ ਕਿ ਇਹ ਸਰਕਾਰ ਹੁਕਮਾਂ ਨਾਲ ਨਹੀਂ, ਸੇਵਾ ਨਾਲ ਦਿਲ ਜਿੱਤ ਰਹੀ ਹੈ। ਲੋਕਾਂ ਦੀ ਜ਼ਬਾਨ ‘ਤੇ ਇਕੋ ਗੱਲ ਹੈ—ਆਮ ਆਦਮੀ ਪਾਰਟੀ ਦੀ ਸਰਕਾਰ ਸੱਚਮੁੱਚ ਸਾਡੀ ਸਰਕਾਰ ਹੈ।
