ਚੰਡੀਗੜ੍ਹ :- ਬੀ.ਬੀ.ਐੱਮ.ਬੀ. ਅਤੇ ਪੰਜਾਬ ਵਾਸੀਆਂ ਲਈ ਰਾਹਤ ਦੀ ਖ਼ਬਰ ਇਹ ਹੈ ਕਿ ਭਾਖੜਾ ਡੈਮ ਦਾ ਪਾਣੀ ਪੱਧਰ ਲਗਾਤਾਰ ਘਟ ਰਿਹਾ ਹੈ। ਸੋਮਵਾਰ ਨੂੰ ਇਹ ਪੱਧਰ 1677.39 ਫੁੱਟ ਦਰਜ ਕੀਤਾ ਗਿਆ। ਪਿਛਲੇ 24 ਘੰਟਿਆਂ ਦੌਰਾਨ ਗੋਬਿੰਦ ਸਾਗਰ ਝੀਲ ਵਿੱਚ 55,388 ਕਿਊਸਿਕ ਪਾਣੀ ਦਾ ਵਹਾਅ ਰਿਹਾ। ਡੈਮ ਤੋਂ 70,000 ਕਿਊਸਿਕ ਪਾਣੀ ਛੱਡਿਆ ਗਿਆ, ਜੋ ਕਿ ਦੋ ਦਿਨ ਪਹਿਲਾਂ ਦੇ 85,000 ਕਿਊਸਿਕ ਨਾਲੋਂ ਘੱਟ ਹੈ।
ਪੌਂਗ ਡੈਮ ਖ਼ਤਰੇ ਦੇ ਨਿਸ਼ਾਨ ਤੋਂ 11.33 ਫੁੱਟ ਉੱਪਰ
ਪੌਂਗ ਡੈਮ ਦਾ ਪਾਣੀ ਪੱਧਰ ਸੋਮਵਾਰ ਸਵੇਰੇ 10 ਵਜੇ 1391.33 ਫੁੱਟ ਦਰਜ ਕੀਤਾ ਗਿਆ, ਜੋ ਖ਼ਤਰੇ ਦੇ ਨਿਸ਼ਾਨ ਤੋਂ 11.33 ਫੁੱਟ ਵੱਧ ਹੈ। ਇਸ ਨੂੰ ਕੰਟਰੋਲ ਕਰਨ ਲਈ 90,000 ਕਿਊਸਿਕ ਪਾਣੀ ਛੱਡਿਆ ਗਿਆ। ਪਿਛਲੇ 24 ਘੰਟਿਆਂ ਵਿੱਚ ਡੈਮ ਦੇ ਭੰਡਾਰ ਵਿੱਚ 35,439 ਕਿਊਸਿਕ ਪਾਣੀ ਆਇਆ।
ਰਣਜੀਤ ਸਾਗਰ ਡੈਮ ‘ਚ ਵੀ ਰਾਹਤ
ਰਣਜੀਤ ਸਾਗਰ ਡੈਮ ਦਾ ਪਾਣੀ ਪੱਧਰ ਸੋਮਵਾਰ ਸਵੇਰੇ 10 ਵਜੇ 524.55 ਮੀਟਰ ਰਿਹਾ, ਜੋ ਤਿੰਨ ਦਿਨ ਪਹਿਲਾਂ 527 ਮੀਟਰ ਤੱਕ ਪਹੁੰਚ ਗਿਆ ਸੀ। ਪਿਛਲੇ 24 ਘੰਟਿਆਂ ਵਿੱਚ ਇੱਥੇ 26,274 ਕਿਊਸਿਕ ਪਾਣੀ ਆਇਆ, ਜਦਕਿ 34,945 ਕਿਊਸਿਕ ਪਾਣੀ ਛੱਡਿਆ ਗਿਆ।
ਪਹਾੜੀ ਇਲਾਕਿਆਂ ਵਿੱਚ ਲਗਾਤਾਰ ਮੀਂਹ ਚਿੰਤਾ ਦਾ ਕਾਰਣ
ਤਕਨੀਕੀ ਅਧਿਕਾਰੀਆਂ ਅਨੁਸਾਰ, ਹਾਲਾਂਕਿ ਡੈਮਾਂ ਦੇ ਪਾਣੀ ਪੱਧਰ ਵਿੱਚ ਸੁਧਾਰ ਆ ਰਿਹਾ ਹੈ, ਪਰ ਪਹਾੜੀ ਇਲਾਕਿਆਂ ਵਿੱਚ ਮੀਂਹ ਦਾ ਸਿਲਸਿਲਾ ਜਾਰੀ ਰਹਿਣ ਕਾਰਨ ਹਾਲਾਤ ਹਜੇ ਵੀ ਨਿਗਰਾਨੀ ਵਿੱਚ ਹਨ।
