ਅੰਮ੍ਰਿਤਸਰ:- ਕਮਿਸ਼ਨਰੇਟ ਪੁਲਿਸ, ਅੰਮ੍ਰਿਤਸਰ ਵੱਲੋਂ ਅੱਜ ਸਵੇਰੇ 06:00 ਵਜੇ “ਤੰਦਰੁਸਤੀ ਲਈ ਕਸਰਤ ਅਪਣਾਓ ਅਤੇ ਨਸ਼ੇ ਨੂੰ ਕੋਸੋ ਦੂਰ ਭਜਾਓ” ਦੇ ਸੁਨੇਹੇ ਨਾਲ ਸਿਹਤ ਪ੍ਰਤੀ ਜਾਗਰੂਕਤਾ ਅਤੇ ਨਸ਼ਿਆਂ ਵਿਰੁੱਧ ਜਾਗਰੂਕਤਾ ਲਈ ਇੱਕ ਸਾਈਕਲ ਰੈਲੀ ਕੱਢੀ ਗਈ।
ਇਹ ਰੈਲੀ ਗੋਲਡਨ ਗੇਟ ਤੋਂ ਸ਼ੁਰੂ ਹੋ ਕੇ ਮਾਲ ਮੰਡੀ ਚੌਂਕ, ਰਾਮ ਤਲਾਈ ਚੌਂਕ, ਬੱਸ ਸਟੈਂਡ, ਹੁਸੈਨਪੁਰਾ ਚੌਂਕ, ਰਾਮਬਾਗ ਚੌਂਕ ਰਾਹੀਂ ਭੰਡਾਰੀ ਪੁਲ ‘ਤੇ ਜਾ ਕੇ ਸਮਾਪਤ ਹੋਈ। ਰੈਲੀ ਦਾ ਮੁੱਖ ਉਦੇਸ਼ ਲੋਕਾਂ ਵਿੱਚ ਸਿਹਤਮੰਦ ਜੀਵਨ ਸ਼ੈਲੀ ਦੀ ਮਹੱਤਤਾ ਉਜਾਗਰ ਕਰਨਾ ਅਤੇ ਨਸ਼ਿਆਂ ਤੋਂ ਦੂਰ ਰਹਿਣ ਲਈ ਪ੍ਰੇਰਿਤ ਕਰਨਾ ਸੀ।
ਰੈਲੀ ਵਿੱਚ ਉੱਚ ਅਧਿਕਾਰੀਆਂ ਅਤੇ ਪੁਲਿਸ ਜਵਾਨਾਂ ਦੀ ਭਾਗੀਦਾਰੀ
ਇਸ ਮੁਹਿੰਮ ਵਿੱਚ ਏਸੀਪੀ ਸਥਾਨਕ, ਅੰਮ੍ਰਿਤਸਰ ਸ੍ਰੀ ਕਮਲਜੀਤ ਸਿੰਘ, ਇੰਸਪੈਕਟਰ ਅਮਨਦੀਪ ਕੌਰ (ਆਰ.ਆਈ) ਅਤੇ ਸਬ-ਇੰਸਪੈਕਟਰ ਬਲਜੀਤ ਸਿੰਘ (ਲਾਈਨ ਅਫ਼ਸਰ) ਸਮੇਤ 80 ਪੁਲਿਸ ਜਵਾਨਾਂ ਨੇ ਭਾਗ ਲਿਆ।
ਮੁਹਿੰਮ ਦਾ ਸੁਨੇਹਾ
ਇਸ ਰੈਲੀ ਰਾਹੀਂ ਪੁਲਿਸ ਨੇ ਲੋਕਾਂ ਨੂੰ ਸੰਦੇਸ਼ ਦਿੱਤਾ ਕਿ ਤੰਦਰੁਸਤੀ ਲਈ ਰੋਜ਼ਾਨਾ ਕਸਰਤ ਕਰਨਾ ਜ਼ਰੂਰੀ ਹੈ ਅਤੇ ਨਸ਼ੇ ਨੂੰ ਕਦੇ ਵੀ ਜੀਵਨ ਵਿੱਚ ਸਥਾਨ ਨਾ ਦਿੱਤਾ ਜਾਵੇ।
